តើអ្នកជាមនុស្សចិត្តក្ដៅ ឬចិត្តត្រជាក់? តោះ! សាកល្បងធ្វើការទស្សន៍ទាយទាំងអស់គ្នា!
ឧទាហរណ៍ថា ប្រសិនបើអ្នកអង្គុយក្បែរមាត់បង្អួតយន្តហោះ តើរូបភាពបែបណា ដែលធ្វើឱ្យអ្នកទោរទន់ចិត្ត និងស្លុងអារម្មណ៍បំផុត? ជ្រើសរើសរូបមួយដែលអ្នកពេញចិត្ត ពីទិដ្ឋភាពក្បែរមាត់បង្អួច ដើម្បីដឹងអំពីចិត្តរបស់អ្នក ថាតើអ្នកជាមនុស្សដែលចិត្តក្ដៅ ឬចិត្តត្រជាក់?
1. បើអ្នកជ្រើសរើសយករូបទី១ នេះមានន័យថា សន្ទស្សន៍នៃអារម្មណ៍ និងចិត្តរបស់អ្នកគឺទាបណាស់។ ជាទូទៅ អ្នកជាមនុស្សដែលងាយនឹងស្របតាមអ្នកដទៃ មិនរឹងរូសមានះនោះឡើយ។ អ្នកមានសមត្ថភាពក្នុងការគ្រប់គ្រងអារម្មណ៍បានយ៉ាងល្អប្រសើរ ជាពិសេសនោះគឺ អ្នកមិនបណ្ដោយឱ្យអារម្មណ៍ ឬរឿងផ្ទាល់ខ្លួនរបស់អ្នក ទៅប៉ះពាល់អ្នកដទៃនោះឡើយ។
អ្នកជាមនុស្សដែលមានចរិតចាស់ទុំច្រើន ចិត្តធ្ងន់ ចេះអត់ធ្មត់ ប្រុងប្រយ័ត្ន និងស្ងប់ស្ងាត់ មិនថាត្រូវប្រឈមនឹងបញ្ហា ឬអារម្មណ៍សោកសៅយ៉ាងណាទេ អ្នកក៏នៅតែរក្សាភាពទន់ភ្លន់ ជាមួយនឹងឥរិយាបថដ៏ល្អ ក្នុងការរកដំណោះស្រាយ ដោះស្រាយដោយចិត្តត្រជាក់។
ជាទូទៅ អ្នកជាមនុស្សដែលសាមញ្ញណាស់ រហ័សរហួន ហើយក៏ឆ្លាតវៃផងដែរ។ ប្រសិនបើអ្នកសម្រេចថានឹងធ្វើអ្វីមួយហើយនោះ អ្នកក៏នឹងធ្វើឱ្យអស់ពីលទ្ធភាព ធ្វើរហូតដល់ទីបញ្ចប់ ហើយមិនចូលចិត្តពឹង ឬរំខានអ្នកណាឡើយ។
2. បើអ្នកជ្រើសរើសយករូបទី២ នេះមានន័យថា អ្នកជាមនុស្សចិត្តក្ដៅ ឆាប់រហ័សក្នុងការផ្លាស់ប្ដូរ ឬប្រែប្រួល តែយ៉ាងណា ក្នុងកិច្ចការងារដែលអ្នកសម្រេចចិត្តថាធ្វើ អ្នកក៏មានការប្រុងប្រយ័ត្នផងដែរ មិនមែនចេះតែធ្វើទៅតាមអារម្មណ៍មួយពេលនោះឡើយ។
យ៉ាងណា ចំពោះការប្រាស្រ័យទាក់ទងវិញ អ្នកក៏ជាមនុស្សដែលឆា្លត យល់ដឹងច្រើន អ្នកក៏មិនចូលចិត្តរអ៊ូរទាំ ឬនិយាយសុំជំនួយពីអ្នកដទៃនោះឡើយ។ អ្នកជាមនុស្សទន់ភ្លន់ ស្វាហាប់ ស្វិតស្វាញ និងរស់នៅយ៉ាងសុខដុមរម្យនា រួសរាយរាក់ទាក់។
3. បើអ្នកជ្រើសរើសយករូបទី៣ នេះមានន័យថា អ្នកជាមនុស្សក្ដៅគគុក ប្រសិនបើអ្នកខឹង គឺប្រៀបបាននឹងភ្លំភ្លើងផ្ទុះអ៊ីចឹង អ្នកមិនខ្វល់ពីលទ្ធផល ល្អឬអាក្រក់នោះឡើយ។ បុគ្គលិកលក្ខណៈរបស់អ្នកគឺ រួសរាយរាក់ទាក់ដែរ ប៉ុន្តែមិនបានយូរទេ អ្នកក៏ចាប់ផ្ដើមប្រែទឹកមុខទៅជាអាក្រក់វិញមួយរំពិច។
ពេលមានបញ្ហាដែលត្រូវដោះស្រាយ អ្នកគឺជាមនុស្សអភិរក្សនិយម រឹងរូស ចចេសយ៉ាងខ្លាំង ប្រកាន់តែគោលគំនិតខ្លួនឯង មិនចេះស្ដាប់មតិយោបល់ពីអ្នកណាឡើយ។ ដូច្នេះ ប្រសិនបើអ្នកមិនចេះគ្រប់គ្រងអារម្មណ៍របស់ខ្លួនឯងទេ អ្នកនឹងមានផលវិបាក និងគ្រប់គ្នាអាចនឹងមិនខ្វល់ពីអ្នកនោះឡើយ។
4. បើអ្នកជ្រើសរើសយករូបទី៤ នេះមានន័យថា អ្នកជាមនុស្សដែលមានគំនិត និងប្រកាន់អត្តចរិតដូច ព្រះអង្គម្ចាស់ ឬព្រះនាងអ៊ីចឹង គឺថ្លៃថ្នូរ មិនចេះឆេវឆាវទេ។ ប៉ុន្តែចរិតបែបនេះ ពេលខ្លះ វាពិតជាមានការពិបាកខ្លាំងសម្រាប់អ្នកជុំវិញ ក្នុងការឈ្វេងយល់ និងផ្គាប់តម្រូវចិត្តអ្នក។
យ៉ាងណាមិញ អ្នកក៏ឆាប់ទទួលរងនូវការប៉ះទង្គិចចិត្តផងដែរ សូម្បីតែរឿងតូចតាចក៏ដោយ។ ជួនកាល អ្នកក៏បាត់បង់សមត្ថភាពក្នុងការគ្រប់គ្រងខ្លួនឯង ជាពិសេសគឺ អារម្មណ៍ឆាប់ធុញទ្រាន់តែម្ដង។
អ្នកងាយឆាប់ប្រែប្រួល ផ្លាស់ប្ដូរ ទៅតាមតែគតិការគិតភ្លាមៗមួយរំពេចរបស់អ្នក។ ដូច្នេះ អ្នកត្រូវតែមានភាពចាស់ទុំឱ្យបានច្រើន រក្សាលំនឹងនៃចិត្ត និងគ្រប់គ្រងអារម្មណ៍ខ្លួនឯងឱ្យបានល្អ៕
ប្រភព ៖ iOne / ប្រែសម្រួល ៖ ភី អេក (ក្នុងស្រុក)
ព័ត៌មានថ្មីៗ
