១០ថ្ងៃដើមខែធ្នូ! លាភហូរចូល លុយកើនឡើង សម្រាប់អ្នកកើតក្នុងឆ្នាំទាំង ៤ នេះ
ហោរាសាស្ត្រ ទស្សន៍ទាយថា ក្នុងរយៈពេល ១០ ថ្ងៃដំបូងនៃខែធ្នូ អ្នកដែលកើតក្នុងឆ្នាំទាំង ៤ នេះ នឹងមានលាភ មានទ្រព្យហូរហៀរ ដែលអាចជួយសម្រាលបន្ទុក និងបញ្ហាអ្នកបានយ៉ាងឆាប់រហ័ស។
១. ឆ្នាំច
ក្នុងរយៈពេល ១០ ថ្ងៃដំបូងនៃខែធ្នូ អ្នកដែលកើតក្នុងឆ្នាំច នឹងទទួលបាននូវអ្វីដែលពួកគេចង់បាន។ ដ្បិតថាការងារមានការលំបាក តែអ្នកនឹងរកលុយបានកាន់តែច្រើន។ អ្នកអាចទទួលបានជោគជ័យជាច្រើនក្នុងពេលអនាគតដ៏ខ្លីខាងមុខនេះ។ អ្នកឆ្នាំនេះនឹងមានញាតិមិត្តជួយជ្រោមជ្រែង ការងារដំណើរការទៅដោយរលូន។ ការវិនិយោគសម្រាប់អ្នកកើតឆ្នាំចមិនជួបការលំបាកច្រើនទេ។
ក្រៅពីការងារ អ្នកអាចចូលរួមក្នុងសកម្មភាពសុខុមាលភាពមួយចំនួន ដើម្បីបង្កើនសុភមង្គលរបស់អ្នក ក៏ដូចជាពង្រីកទំនាក់ទំនងផ្ទាល់ខ្លួនរបស់អ្នកផងដែរ។ ចំណាំ៖ ក្នុងអំឡុងពេលនេះ អ្នកដែលកើតឆ្នាំច ត្រូវមានចិត្តច្បាស់លាស់ និងមិនត្រូវលោភលន់ ឬប្រថុយប្រថានពេកក្នុងការវិនិយោគឡើយ ដើម្បីចៀសវាងការខាតបង់លុយកាក់ធំ។
២. ឆ្នាំខាល
១០ថ្ងៃដំបូងនៃខែធ្នូ អ្នកកើតឆ្នាំខ្លា ធ្វើអ្វីក៏ដោយរលូនដែរ។ អ្នកឆ្នាំខ្លាជាមនុស្សឆ្លាត រឹងមាំ មិនខ្លាចក្នុងការប្រឈមមុខនឹងការលំបាកឡើយ។ មានបញ្ហាមួយចំនួនដែលមនុស្សឆ្នាំខ្លាត្រូវសង្កេតឱ្យកាន់តែជិត ផ្លាស់ប្តូរទស្សនៈ និងស្តាប់យោបល់របស់មនុស្សជុំវិញខ្លួន ដើម្បីស្វែងរកផ្លូវត្រូវ។ ក្នុងពេលជួបការលំបាក អ្នកកើតឆ្នាំខ្លា អាចសុំជំនួយពីអ្នកមានបទពិសោធន៍បាន។ ពួកគេនឹងផ្តល់ដំបូន្មានដ៏មានតម្លៃ ដែលអាចជួយ អ្នក យកឈ្នះលើបញ្ហាប្រឈមបានយ៉ាងឆាប់រហ័ស។
៣. ឆ្នាំជូត
អ្នកដែលកើតក្នុងឆ្នាំជូត នាំមកនូវថាមពលវិជ្ជមាន សុទិដ្ឋិនិយម និងគំនិតច្នៃប្រឌិត។ អ្នកតែងតែមានគំនិតថ្មីៗដោយសេចក្ដីក្លាហាន ហើយមិនខ្លាចក្នុងការប្រជែងនឹងខ្លួនឯងឡើយ។ មនុស្សឆ្នាំនេះមានជំនឿចិត្ត និងការតាំងចិត្តក្នុងការងារ ហើយមិនខ្លាចការលំបាក និងឧបសគ្គឡើយ។
ហោរាសាស្ត្រទស្សន៍ទាយថា ក្នុងរយៈពេល ១០ ថ្ងៃដំបូងនៃខែធ្នូ ការងាររបស់អ្នកកើតឆ្នាំជូត នឹងមានភាពប្រសើរឡើង។ ដោយមានការគាំទ្រពីមនុស្សថ្លៃថ្នូរ ការងារត្រូវបានលើកឡើងមួយកម្រិតទៀត។ បើអ្នកបន្តប្រឹងប្រែង តស៊ូព្យាយាម នោះអ្នកនឹងទទួលបានរង្វាន់។
នៅចុងឆ្នាំនេះ មុខរបររបស់អ្នកកើតឆ្នាំជូត មានការរីកចម្រើនខ្លាំង ទ្រព្យសម្បត្តិកើនឡើងជាបន្តបន្ទាប់ នាំមកនូវជីវភាពកាន់តែធូរធារ។ អ្នកមានឱកាសល្អៗជាច្រើន ដើម្បីពង្រីកបណ្តាញសង្គមរបស់អ្នក ជួបមនុស្សល្អៗ ហើយអាចទទួលបានជំនួយពីពួកគេនាពេលអនាគត។
៤. ឆ្នាំឆ្លូវ
អ្នកកើតឆ្នាំឆ្លូវ មានចរិតម៉ឺងម៉ាត់ និងស្ងប់ស្ងាត់។ មនុស្សឆ្នាំនេះមានការខិតខំធ្វើការ អត់ធ្មត់ និងកម្ររអ៊ូរទាំណាស់។ អ្នកឆ្នាំគោក៏ជាមនុស្សមានទេពកោសល្យ ឧស្សាហ៍ព្យាយាម មិនចេះប្រកួតប្រជែង ឈ្នានីសនឹងអ្នកណាឡើយ ពួកគេព្យាយាមរស់នៅដោយសុខដុមទើបគេស្រឡាញ់រាប់អានគ្រប់ៗគ្នា ។
ហោរាសាស្ត្រទស្សន៍ទាយថា ក្នុងរយៈពេល ១០ ថ្ងៃដំបូងនៃខែធ្នូ អ្នកកើតឆ្នាំឆ្លូវ នឹងមានលាភសំណាងច្រើន ជាពិសេសអ្នកប្រកបរបររកស៊ីជួញដូរ។ នេះជាពេលវេលានៃការប្រកបមុខរបរប្រកបដោយភាពចម្រុងចម្រើន។ អ្នកនឹងជម្នះការលំបាកភ្លាមៗ និងទទួលបានឱកាសអាជីវកម្មល្អប្រសើរច្រើនជាងមុនផងដែរ។ បើចេះឆ្លៀតឱកាស អ្នកកើតឆ្នាំឆ្លូវអាចទទួលបានផលល្អលើសពីការរំពឹងទុក៕
ព័ត៌មានថ្មីៗ
