ឆ្នាំទាំង ៤ សំណាងចុងឆ្នាំ លុយខាប់ ក្ដាប់លាភសន្ធឹក
មនុស្សដែលកើតក្នុងឆ្នាំទាំង ៤ នេះ ត្រូវបានគេដឹងថា ជាមនុស្សដែលមានបញ្ញាឈ្លាសវៃ មានគុណសម្បត្តិច្រើន ជាហេតុនាំឱ្យពួកគេងាយនឹងក្លាយជាអ្នកមានស្ដុកស្ដម្ភនៅក្នុងជីវិត។ យ៉ាងណាមិញ ចុងឆ្នាំនេះដែរ ជាពេលដែលអ្នកទាំងនេះក្ដាប់បានឱកាសរកលុយបានយ៉ាងច្រើនសន្ធឹក។
១. ឆ្នាំវក
អ្នកឆ្នាំស្វាមានភាពវៃឆ្លាត មានគុណសម្បត្តិពិសេសក្នុងការរកលុយ។ ទីមួយ ពួកគេជាមនុស្សដែលមានចិត្តទូលាយ បញ្ចេញថាមពលវិជ្ជមាន។ ទីពីរ ពួកគេមានគំនិតអាជីវកម្ម ដូច្នេះពួកគេមានភាពអំណោយផលក្នុងការងារជាងអ្នកដទៃ។
IQ របស់មនុស្សឆ្នាំស្វាគឺខ្ពស់គួរសម ហើយពួកគេអាចធ្វើការវិនិច្ឆ័យបានត្រឹមត្រូវក្នុងស្ថានភាពបន្ទាន់។ ពួកគេមានភាពរសើបខ្លាំងចំពោះព្រឹត្តិការណ៍ទាំងអស់ ដោយហេតុនេះធ្វើការសម្រេចចិត្តសមហេតុផល។ នេះហើយដែលជួយឱ្យអ្នកកើតឆ្នាំស្វា មានវិបត្តិផ្លូវចិត្តតិច ងាយមានជីវិតពេញលេញ និងជោគជ័យក្នុងការងារ។
មនុស្សឆ្នាំវកនេះកម្រអង្គុយស្ងៀមណាស់ ដែលត្រូវបានគេចាត់ទុកថាមានល្បិចច្រើន។ ពួកគេកម្រអនុញ្ញាតឱ្យខ្លួនឯងរងទុក្ខដោយសារតែអ្នកដទៃ ហើយតែងតែព្យាយាមការពារសិទ្ធិរបស់ពួកគេ។ សម្រាប់តែសាច់ញាតិ និងមិត្តភក្តិដែលស្រឡាញ់ឆ្នាំស្វាពិតប្រាកដនោះបានត្រៀមខ្លួនរួចហើយ។
២. ឆ្នាំកុរ
អ្នកកើតឆ្នាំជ្រូកមិនដែលចាញ់នឹងបញ្ហា ការលំបាកនៅក្នុងជីវិតឡើយ។ ពួកគេក៏មិនបណ្តោយឱ្យខ្លួនបាត់បង់អាជីពដែរ។ នោះក៏ព្រោះតែពួកគេមានឆន្ទៈដ៏មុតមាំ និងវិធីសាស្ត្រធ្វើការល្អ។
ពួកគេមានភាពយឺតយ៉ាវបន្តិច មិនចេះនិយាយច្រើន តែងតែស្ងៀមស្ងាត់ព្យាយាមធ្វើការងាររបស់ពួកគេឱ្យបានល្អ។ ដូច្នេះហើយអ្នកកើតឆ្នាំជ្រូកត្រូវបានគេគោរព និងកោតសរសើរពីគ្រប់គ្នាដែលជុំវិញខ្លួន។
បើនិយាយពីការគិតវិញ គេមិនអន់ជាងអ្នកណាទេ។ ចិត្តរបស់មនុស្សឆ្នាំជ្រូកមានភាពបត់បែន និងប្រកាន់ខ្ជាប់ច្បា់ទម្លាប់ចំពោះគ្រប់បញ្ហាទាំងអស់។ ដូច្នេះហើយ ពួកគេធ្វើការយ៉ាងមានប្រសិទ្ធភាពក្នុងល្បឿនដ៏លឿន។ អាស្រ័យហេតុនេះ ផ្លូវដែលអ្នកកើតឆ្នាំជ្រូកដើរមានៅភាពរលូន អនាគតភ្លឺស្វាង ជីវិតក៏រុងរឿង។ សរុបមក ពួកគេជាមនុស្សឆ្លាត ដែលឆាប់ទទួលបានជោគជ័យជាបន្តបន្ទាប់។
៣. ឆ្នាំរោង
អ្នកកើតឆ្នាំរោង មិនដែលខ្លាចការលំបាក ឬបញ្ហាណាមួយឡើយ។ នៅក្នុងជីវិតគ្រួសារ និងអាជីព ពួកគេតែងតែជ្រើសរើសផ្លូវដាច់ដោយឡែករបស់ពួកគេ ទោះបីជាវាអាចមានបន្លា និងបញ្ហាប្រឈមក៏ដោយ។ ទោះយ៉ាងណាក៏ដោយ ពួកគេមិនដែលចុះចាញ់ ឬបោះបង់អ្វីដោយងាយទេ។ ដោយហេតុការខិតខំប្រឹងប្រែងជាបន្តបន្ទាប់បែបនេះ ពួកគេមានបទពិសោធន៍ច្រើន ហើយការងារក៏មានស្ថិរភាពបន្តិចម្តងៗ។
IQ របស់មនុស្សឆ្នាំរោងគឺខ្ពស់គួរសម។ ពួកគេអាចគិត និងដឹងមុន ហើយក៏អាចបង្កើតដំណោះស្រាយដ៏ប៉ិនប្រសប់ចំពោះបញ្ហាស្មុគស្មាញ។ វិធីសាស្រ្តដោះស្រាយរបស់ពួកគេក៏មានភាពបត់បែនខ្លាំងផងដែរ ដែលជួយពួកគេឱ្យឈានទៅរកភាពជោគជ័យក្នុងជីវិត។ ដោយសារភាពរហ័សរហួន និងការតាំងចិត្តរបស់ពួកគេ ទើបអ្នកកើតឆ្នាំរោងតែងតែមានជីវភាពធូរធារ និងមានឱកាសរីកចម្រើនគ្រប់វិស័យ។
៤. ឆ្នាំមមី
មនុស្សឆ្នាំសេះ គឺមានភាពរួសរាយរាក់ទាក់ណាស់។ ពួកគេអាចស្វែងរកច្បាប់ដែលសមស្របបំផុតក្នុងចំណោមច្បាប់ជាច្រើន ចាប់យកព័ត៌មានលម្អិតជាច្រើន បើកទ្វារឆ្ពោះទៅរកការទម្លាយជាបន្តបន្ទាប់។
ទេវតាប្រទានពរដល់អ្នកឆ្នាំសេះដោយបញ្ញាដ៏ខ្ពង់ខ្ពស់ និងភាពរហ័សរហួនមិនអាចប្រៀបផ្ទឹមបាន។ នោះក៏ជាហេតុផលដែលមនុស្សសេះអាចឈានទៅមុខបានយ៉ាងឆាប់រហ័ស និងទទួលបានជោគជ័យច្រើនក្នុងអាជីពរបស់ខ្លួន។
អ្នកដែលកើតឆ្នាំមមី មានភាពច្នៃប្រឌិតខ្ពស់ តែងតែឈានមុខគេមួយជំហាននៅគ្រប់កាលៈទេសៈ ដូច្នេះហើយ វិថីការងាររបស់ពួកគេគឺលឿនណាស់។ ពួកគេចាប់យកស្ថានភាពបានយ៉ាងល្អ ឆន្ទៈរឹងមាំ ដូច្នេះពួកគេតែងតែជម្នះការលំបាក ដើម្បីឈានទៅដល់ចំណុចកំពូល។ លើសពីនេះ ពួកគេក៏មានស្មារតីរឹងប៉ឹង មិនអើពើនឹងការនិយាយដើមគេ ដើម្បីសម្រេចបានជោគជ័យនៅថ្ងៃអនាគតផងដែរ៕
ប្រភព ៖ បរទេស / Knongsrok
ព័ត៌មានថ្មីៗ
