១០ ថ្ងៃដំបូង ខែសីហា ខាងមុខ ខ្សាច់សំណាងភាយចូល ហូរសុទ្ធតែដុល្លារ ដល់ដៃម្ចាស់ឆ្នាំ ៣
តាមក្បួនហោរាសាស្រ្ត សម្រាប់ចន្លោះថ្ងៃទី ០១ ដល់ ១០ សីហាខាងមុខ អ្នកកើតឆ្នាំទាំង ៣ ខាងក្រោម នឹងមានរាសីឡើងខ្ពស់ត្រដែត ដោយអាចសម្រេចបំណងប្រាថ្នាធំ និងមានទ្រព្យហូរចូលច្រើន៖
អ្នកកើតឆ្នាំខាល - ខ្លា
នៅ ១០ ថ្ងៃបើកខែថ្មីខាងមុខនេះ អ្នកកើតឆ្នាំខាល នឹងមានលាភចូលច្រើន ឱកាសមកបន្តកន្ទុយគ្នា ចាំតែពួកគេចាប់បានឬមិនបានទេតើ។ យ៉ាងណាក៏មានរឿងរ៉ាវដែលម្ចាស់ឆ្នាំខ្លា ត្រូវប្រយ័ត្នបន្តិចដែរ នោះការនិយាយស្តី។
ទោះជាយ៉ាងណា ដោយសារលាភគ្របលើគ្រោះ ក៏នាំឲ្យម្ចាស់ឆ្នាំខាល នឹងទទួលបានសំណាងល្អធំជាងសំណាងអាក្រក់ ហើយពួកគេងាយនឹងទទួលបានឱកាសឡើងតំណែងថ្មី បើអ្នករកស៊ី បានរកឃើញផលចំណេញខ្ពស់ជាងមុន។ អ្នកធ្វើជំនួញសុចរិត ដែលមានផែនការណ៍ច្បាស់លាស់ល្អិតល្អន់តាំងពីដើមផង រំពឹងនឹងអាចឃើញផ្លែផ្កាជោគជ័យក្រាស់ក្រែលនៅចន្លោះពេលនេះ។
អ្នកកើតឆ្នាំរកា - មាន់
នៅឆ្នាំ ២០២៣ ម្ចាស់ឆ្នាំរកា ប្រហែលបានឆ្លងផ្កាយគ្រោះម្តងហើយ ពោលធ្លាប់ជួបរឿងមិនល្អកាលពីដើមឆ្នាំ តែយ៉ាងណាផ្កាយនាំសំណាង ក៏បានវិលចូលមកសងសម្រាប់ជីវិតរបស់ពួកគេជាថ្មីវិញដែរ នៅពេលបន្តិចទៀតនេះ។
ម្ចាស់ឆ្នាំរកា ជាមនុស្សមានទេពកោសល្យ សមត្ថភាពស្រាប់ហើយ ដោយក៏រមែងទទួលបានការកោតសរសើរពីក្រុមការងារ និងអ្នករាប់អានជាបន្តបន្ទាប់ដែរ ដោយពួកគេរង់ចាំតែសំណាងធ្លាក់មកប៉ុណ្ណោះ ព្រោះអីការខិតខំ ឆន្ទៈគឺបានបញ្ចេញអស់តាំងពីដំបូង។
ចូលរួមអបអរសម្រាប់ម្ចាស់ឆ្នាំរកា រាសីអ្នកកំពុងឡើងខ្ពស់ណាស់នៅ ១០ ថ្ងៃដំបូងខែសីហាខាងមុខ ហើយដំណាក់កាលនៅកំឡុងជិតថ្ងៃសែនក្បាលទឹក បើអ្នកមិនខ្ជិល ហើយស៊ូបន្តទៀត នោះអ្នកចាំតែមើលទៅ លាភធំនឹងបង្ហាញមកក្នុងជីវិត ដោយមិនដឹងខ្លួន។
អ្នកកើតឆ្នាំកុរ - ជ្រូក
ម្ចាស់ឆ្នាំកុរ នៅថ្ងៃថ្មី ទី ០១ ដល់ថ្ងៃទី ១០ សីហាខាងមុខ គឺមានរាសីខ្ពស់ត្រដែត ដោយវាគួបផ្សំនឹងសមត្ថភាពដែលពួកគេមានពីដំបូងផង។ មនុស្សនេះ អាចបោះជំហានរាងយឺត ប៉ុន្តែមួយជំហានៗរបស់ពួកគេ គឺវិភាគ មើលគ្រប់ជ្រុងអស់ហើយ មិនងាយឲ្យកើតមានកំហុសឡើយ។
ឱកាសបង្កើនទ្រព្យ បង្កើនចំណូលលើសពីខ្ទង់ដែលទទួលបានជាប្រចាំ គឺឈានចូលមកដល់ហើយសម្រាប់ម្ចាស់ឆ្នាំកុរនៅពេលដ៏ខ្លីខាងមុខ។ ឆ្លៀតពេលវេលានេះ ចូរបន្ថែមក្បួនសន្សំសំចៃឲ្យបានល្អផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
