សមាគមអ្នកវិទ្យាសាស្រ្ដវេជ្ជសាស្រ្ដកម្ពុជា បើកវគ្គបណ្ដុះបណ្ដាល «Basic Suture» លើកទី១
ចាប់តាំងពីថ្ងៃអាទិត្យ ទី២៣ ខែមេសា ឆ្នាំ២០២៣ រហូតដល់ថ្ងៃអាទិត្យទី ២៨ ខែឧសភា ឆ្នាំ២០២៣ រយៈពេល៥សប្ដាហ៍ ដែលសមគមអ្នកវិទ្យាសាស្រ្ដវេជ្ជសាស្រ្ដកម្ពុជាបានរៀបចំវគ្គបណ្ដុះបណ្ដាល «Basic Suture» លើកទី១ ក្នុងគោលបំណងបំពេញបន្ថែមនូវមូលដ្ឋានគ្រឹះវះកាត់តូច និងដេររបួសជូនដល់សិក្ខាកាមមកពីសាកលវិទ្យាល័យនាៗ ចំនួន២៤ នាក់។
វគ្គបណ្ដុះបណ្ដាលនេះទទួលបានចំណាប់អារម្មណ៍ខ្លាំងពីសិក្ខាកាម និងអ្នកផ្សេងៗផងដែរ។
ក្នុងវគ្គសិក្សាបានផ្ដោតសំខាន់លើការអនុវត្តន៍ផ្ទាល់នូវបច្ចេកទេសដេររបួស និងទ្រឹស្ដីមានដូចជា៖
- របៀបពាក់ស្រោមដៃស្តេរីល
- យល់ដឹងពីម្ជុល ចេស និងរចនាសម្ព័ន្ធរបស់វា
- យល់ដឹងពីសម្ភារៈវះកាត់តូច និងដេររបួស
- បច្ចេកទេសដេររបួស
- បច្ចេកទេសចងមុខរបួស និងការថ្នេរ -ល-។
នៅសប្ដាហ៍បញ្ចប់ សិក្ខាកាមទាំងអស់តម្រូវអោយប្រលងបញ្ចប់វគ្គដើម្បីបានវិញ្ញាបនបត្រ និងជ្រើសរើសសិក្ខាកាមម្នាក់ដែលមានស្នាដៃល្អក្នុងការសិក្សា និងធ្វើបានល្អជាងគេផងដែរ។
គួរបញ្ជាក់ផងដែរថា វគ្គសិក្សានេះទទួលបានការឧបត្ថម្ភជាបន្ទប់រៀនដ៏ល្អប្រណិតពីមន្ទីរសម្រាកព្យាបាល និងសម្ភពហេមេតផងដែរ។
សមាគមអ្នកវិទ្យាសាស្រ្ដវេជ្ជសាស្រ្ដកម្ពុជា សន្យាថានឹងមានវគ្គបណ្ដុះបណ្ដាលផ្សេងៗទៀតក្នុងពេលខាងមុខនេះ។
ព័ត៌មានថ្មីៗ
