មនុស្សដែលក្បត់ប្រពន្ធ លទ្ធផលនៃជីវិតចុងក្រោយ គឺសុទ្ធតែបែបហ្នឹង
ទាំងនេះ គឺជាមេរៀនដ៏ជ្រាលជ្រៅមួយដែលធ្វើឱ្យមនុស្សប្រុសស្រីជាច្រើនគិត និងពិចារណាឡើងវិញនូវទង្វើរបស់ខ្លួន មុននឹងចង់ក្បត់ផិតចិត្តដៃគូ។ ប្រសិនបើអ្នកក្បត់ដៃគូ ច្បាស់ណាស់ថា លទ្ធផលនៃជីវិតចុងក្រោយរបស់អ្នក នឹងជួបរឿងទាំងអស់នេះ។
១. រស់នៅឯកាដល់ចាស់
ស្រីស្អាតវ័យក្មេង លែងនៅក្បែរអ្នកទៀតហើយ នៅពេលដែលអ្នកឈឺ។ មនុស្សសស្រីក្មេងៗទាំងនោះ ស្រឡាញ់តែលុយរបស់អ្នកតែប៉ុណ្ណោះ ប៉ុន្តែគ្មាននរណាម្នាក់ល្ងង់នៅទ្រាំមើលថែអ្នកឈឺដេកលើគ្រែនោះឡើយ។
ដល់ពេលនេះ អ្នកនឹងនឹកឃើញដល់គ្រួសារ ចង់ញុំាអាហារជាលក្ខណៈគ្រួសារ។ ពេលឈឺយប់ព្រលប់ គ្មានអ្នកណានៅមើលអ្នកឡើយ។ ពេលចាស់ទៅ អ្នកចង់នៅជាមួយមនុស្សដែលខ្លួនស្រលាញ់ ប៉ុន្តែវាហួសពេលហើយ។ អ្នកមិនអាចទិញដោយលុយ ក៏មិនអាចរកម្ចាស់ស្រីដែលល្អបានដែរ។ របស់ទាំងនោះគឺមានតែប្រពន្ធរបស់អ្នកប៉ុណ្ណោះដែលអាចផ្ដល់ឱ្យអ្នកបាន។
នៅពេលយើងនៅក្មេង យើងគិតថាគ្រួសារមិនមែនជារឿងសំខាន់បំផុតនោះទេ។ ព្រោះកាលនៅក្មេង អ្នកអាចជួបមនុស្សច្រើន ហើយនៅតែមានសុខភាពល្អ មាំទាំធម្មតា។ ពេលចាស់ទៅ អ្នកនឹងយល់ សុភមង្គលគ្រួសារមានតម្លៃជាងលុយ និងកេរ្តិ៍ឈ្មោះឆ្ងាយណាស់។
២. មិនទទួលបានការគោរព និងស្រឡាញ់ពីកូនៗ
តាំងពីចាកចេញពីផ្ទះ អ្នកមិនសូវបានចំណាយពេលច្រើនជាមួយកូនទេ។ អ្នកទុកកូនឱ្យប្រពន្ធចិញ្ចឹម និងមើលថែតែម្នាក់ឯង។ ប្រាកដណាស់ ពេលដែលអ្នកមិនខ្វល់ ឬស្រលាញ់ កូនៗក៏អត់ គ្មានចិត្តតបស្នងអ្នកវិញដែរ។ អ្នកនឹងដឹងថា អ្នកមិនដែលស្រឡាញ់កូនអស់ពីចិត្តទេ ដូច្នេះ អ្នកក៏មិនសមនឹងទទួលបានការស្រឡាញ់ និងការគោរពពីកូនៗវិញនោះដែរ។
៣. គ្មានមិត្តល្អ
ពេលគេដឹងថា អ្នកជាអ្នកផិតក្បត់ មិត្តភក្តិរបស់អ្នកក៏លែងចង់សេពគប់ជាមួយអ្នកទៀតដែរ។ ព្រោះគេមិនចង់នៅក្បែរអ្នកដែលមានសីលធម៌អាក្រក់ អ្នកដែលបោះបង់គ្រួសារខ្លួនឯងនោះឡើយ។ វ័យចាស់របស់អ្នក មិនត្រឹមតែខ្វះភាពកក់ក្ដៅក្នុងក្រុមគ្រួសារប៉ុណ្ណោះទេ ប៉ុន្តែក៏ខ្វះមិត្តស្មោះត្រង់ម្នាក់ដែរ។
៤. បាត់បង់តម្លៃ និងសេចក្ដីថ្លៃថ្នូរ
ក្នុងវ័យក្មេង អ្នកនៅតែមានកម្លាំងក្នុងការធ្វើ ដើម្បីយកឈ្នះលើអ្នកដទៃ។ ពេលនោះអ្នកគិតថា បើអ្នកមានលុយ និងឋានៈ ក៏គ្មានអ្នកណាមើលងាយអ្នកដែរ ទោះបីអ្នកមានស្រីប៉ុន្មាននាក់ក៏ដោយ។
ប៉ុន្តែពេលអ្នកមានបញ្ហា អ្នកមិនអាចរកជំនួយពីអ្នកដទៃបានទេ។ ពួកគេជឿថា បុរសដែលខ្វះទំនួលខុសត្រូវក្នុងគ្រួសារ គឺមិនអាចទុកចិត្តបាននោះឡើយ។ ដូច្នេះហើយ ពេលចាស់ទៅ អ្នកយល់ថា ការវាស់វែងនៃសេចក្តីថ្លៃថ្នូររបស់មនុស្សប្រុស មិនមែនត្រឹមតែជាលុយប៉ុណ្ណោះទេ ប៉ុន្តែក៏ជាប្រវត្តិគ្រួសារផងដែរ។
បុរសនឹងមិនត្រូវបានគេវិនិច្ឆ័យថាជាអ្នកជោគជ័យទេ ប្រសិនបើពួកគេបាត់បង់គ្រួសារ។ នៅពេលដែលអ្នកធ្វើឱ្យបាត់បង់ទៅ អ្នកមិនអាចទទួលបានមកវិញនូវអ្វីដែលអ្នកបានបាត់បង់នោះឡើយ មិនថាតិច ឬច្រើន ក៏មិនអាចជួសជុលកំហុសរបស់អ្នកបានដែរ។ អ្នកគ្រាន់តែសង្ឃឹមថា អ្នកដែលមានគ្រួសារមិនធ្វើរឿងល្ងង់ជាមួយប្រពន្ធកូននោះឡើយ៕
ប្រភព ៖ បរទេស / Knongsrok
ព័ត៌មានថ្មីៗ
