៣ យ៉ាង អាចលះបង់បាន ជីវិតអ្នកនឹងពោរពេញដោយលាភសំណាង និងសេចក្ដីសុខ
ប្រសិនបើអ្នកអាចប្រើជីវិត រស់នៅដោយអាចលះបង់នូវរឿងទាំង ៣ យ៉ាងខាក្រោមនេះ អ្នកនឹងមានលាភសំណាងគ្រប់គ្រាន់ ជីវិតលែងទូលទុក្ខ រែកពន់នូវទម្ងន់បញ្ហា ការលំបាកទៀតហើយ។
១. ភាពអាត្មានិយម
មនុស្សឆ្លាតតែងតែបង្ហាញចិត្តសុភាពរាបសារក្នុងពាក្យសម្ដី និងការប្រព្រឹត្ត។ មនុស្សប្រភេទនេះជាធម្មតាទទួលបានពរជ័យជាច្រើន។ ពេលជួបបញ្ហា គេតែងមានមនុស្សថ្លៃថ្នូរមកជួយ។ ហើយអ្នកដែលក្រអឺតក្រទម និងអួតអាងនឹងនាំមកនូវគ្រោះមហន្តរាយប៉ុណ្ណោះ។
ហេតុអ្វី? ព្រោះពេលក្លាយជាមនុស្សក្រអឺតក្រទម ចេះសុចរិតខ្លួនឯង មនុស្សស្គាល់តែខ្លួនឯង ប៉ុន្តែមិនអាចមើលឃើញពីអត្ថិភាពរបស់អ្នកដទៃ។ មនុស្សដែលរស់នៅដោយអំនួតតែងគិតថា ខ្លួនឯងជាលេខ១ មិនព្រមស្រូបយក និងរៀនអ្វីថ្មី។ នេះធ្វើឱ្យពួកគេងាយនឹងធ្លាក់ពីក្រោយ។
លុះត្រាតែយើងបោះបង់ចោលនូវភាពក្រអឺតក្រទម និងភាពអាត្មានិយមរបស់ខ្លួន ទើបយើងអាចធ្វើអ្វីៗដោយប្រុងប្រយ័ត្ន។ នេះជាអាថ៌កំបាំងដើម្បីនាំអ្នកឡើងដល់កំពូលជីវិតរបស់អ្នក។
២. សត្រូវ
អ្នកដែលស្រឡាញ់សន្តិភាព នឹងមិនមានអរិភាពឡើយ។ មនុស្សស្មោះស្ម័គ្រមិនប្រកាន់។ អ្នកដែលចេះអធ្យាស្រ័យនឹងប្រាកដជាមានលាភសំណាងច្រើន។
៣. លោភលន់
សត្វស្លាបហើរខ្ពស់ស្លាប់ដោយសារអាហារឆ្ងាញ់ ត្រីមុជចូលរន្ធជ្រៅងាប់ព្រោះតែនុយ។ ក្នុងជីវិតនេះ ការលោភលន់នឹងបំផ្លាញជីវិតមនុស្ស។ ភាពលោភលន់អាចបង្វែរមនុស្សឆ្លាតទៅជាមនុស្សល្ងង់។ នៅពេលដែលលោភលន់ធំឡើង បុគ្គលនោះនឹងក្លាយជាមនុស្សអាក្រក់ និងអាត្មានិយម។
ក្នុងជីវិតមិនថាអ្នកជាអ្នកមាន ឬអ្នកក្រ អ្នកគួរតែលះបង់ភាពលោភលន់។ អ្នកកាន់តែលោភលន់ចំពោះរបស់ដែលមិនមែនជារបស់អ្នក នោះជីវិតកាន់តែគ្មានន័យ។ ពេញចិត្តនឹងអ្វីដែលអ្នកមាន មេឃពណ៌ខៀវនឹងរៀបចំជីវិតដ៏សុខសាន្ត៕
ប្រភព ៖ Phunutoday / Knongsrok
ព័ត៌មានថ្មីៗ
