ឈានដល់ពាក់កណ្ដាលជីវិត មានរឿង ៤ ប្រភេទដែលងាយនឹងធ្វើឱ្យអ្នកខឹង និងអន់ចិត្តជាខ្លាំង
ឆ្លងកាត់ពាក់កណ្តាលជីវិតរបស់មនុស្សម្នាក់ៗ ប្រាកដជាមានអារម្មណ៍ធុញទ្រាន់នឹងសង្គមដ៏ស្មុគស្មាញ ជាមួយនឹងគោលការណ៍បង្កប់ន័យជាច្រើន ដែលមនុស្សគ្រប់រូបមិនធ្លាប់ដឹង។ យ៉ាងណាមិញ មានរឿង ៤ ប្រភេទដែលអ្នកអាចនឹងជួប និងទទួលអារម្មណ៍អន់ចិត្ត នៅពេលដែលអ្នកឈានដល់ពាកើកណ្ដាលវ័យ។
១. ឪពុកម្តាយស្រឡាញ់កូន ប៉ុន្តែមិនស្មើគ្នា
យើងតែងតែវិនិច្ឆ័យអ្នកដទៃ ប៉ុន្តែមិនដឹងពីរបៀបដើម្បីទទួលស្គាល់ និងវាយតម្លៃខ្លួនឯង។ ឪពុកម្តាយជាច្រើនអះអាងថា ប្រព្រឹត្តចំពោះកូនដោយយុត្តិធម៌។ ប៉ុន្តែតាមពិត វាមិនមែនជារឿងនោះទេ។
ឪពុកម្តាយនិយមកូនប្រុស គឺជាការពិតនៃគ្រួសារជាច្រើននាពេលបច្ចុប្បន្ននេះ។ ក្មេងប្រុសតែងតែយកចិត្តទុកដាក់លើការវិនិយោគ ពេលដែលធំឡើង ឪពុកម្តាយទិញផ្ទះ និងទិញឡានឱ្យពួកគេ។ ខណៈនោះកូនស្រីទៅធ្វើការផ្ញើលុយមកផ្ទះ មើលថែឪពុកម្តាយបានត្រឹមតែនិយាយអរគុណ ។
វាជាការលម្អៀងដែលធ្វើឱ្យទំនាក់ទំនងកាន់តែមានបញ្ហា។ ប្រសិនបើជម្លោះនេះលេចឡើងតាំងពីវ័យក្មេង វានឹងប៉ះពាល់ដល់ផ្លូវចិត្តរបស់កូនៗជាខ្លាំង។ នៅពេលអ្នកឈានចូលដល់អាយុ ៥០ ឆ្នាំ អ្នកប្រាកដជាប្រព្រឹត្តចំពោះកូនរបស់អ្នកដោយយុត្តិធម៌។ អ្វីដែលត្រូវឱ្យត្រូវបែងចែកឱ្យស្មើៗគ្នា មិនមែនម្ខាងធ្ងន់ ម្ខាងស្រាលទេ។
២. ក្រោយអាយុ ៥០ ឆ្នាំ ចៀសវាងឱ្យសាច់ញាតិ និងមិត្តភ័ក្តិខ្ចីលុយ បើមិនប្រយ័ត្ន នឹងនាំគ្រោះមហន្តរាយដល់ខ្លួន
សេចក្តីសប្បុរសមិនត្រឹមតែកើតចេញពីចិត្តប៉ុណ្ណោះទេ ប៉ុន្តែក៏កើតចេញពីការគោរពផងដែរ។ យ៉ាងណាមិញ ការគិតក្នុងការគោរពសាច់ញាតិ និងមិត្តភក្តិ អ្នកសុខចិត្តឱ្យពួកគេខ្ចីលុយ។ ប៉ុន្តែសេចក្តីសប្បុរស គឺមានតម្លៃតែនៅពេលដែលដាក់ក្នុងមនុស្សត្រឹមត្រូវក្នុងពេលវេលាត្រឹមត្រូវ។ លើលោកនេះគ្មានមនុស្សខ្វះខាតទេ ដែលខ្ចីលុយអ្នក ហើយចង់គេចពីសងវិញ ។
ជាមួយនឹងសាច់ញាតិមួយចំនួន ថ្ងៃលុយហើយ ច្រើនតែធ្វើម៉េច គេចមិនព្រមសង ពីមួយថ្ងៃទៅមួយថ្ងៃ ដែលធ្វើឱ្យសេដ្ឋកិច្ចគ្រួសារអ្នករងផលប៉ះពាល់។ ដូច្នេះអាយុលើស ៥០ ឆ្នាំ អ្នកគួរប្រយ័ត្នពេលឱ្យនរណាម្នាក់ខ្ចីលុយ។
៣. ទទួលខុសត្រូវមើលថែឪពុកម្តាយចាស់ជរាតែម្នាក់ឯង
ការគោរពបូជា គឺជាការព្រួយបារម្ភកំពូលជានិច្ច។ ទំនួលខុសត្រូវក្នុងការចិញ្ចឹមឪពុកម្តាយក្នុងវ័យចំណាស់ មិនមែនជារបស់នរណាម្នាក់ទេ ដូច្នេះអ្នកមិនគួរផ្ទេរវាទៅនរណាម្នាក់ឡើយ។ នៅពេលអ្នកមានអាយុ ៥០ ឆ្នាំ ឪពុកម្តាយរបស់អ្នកក៏មានអាយុ ៧០ ឆ្នាំ ៨០ ឆ្នាំដែរ។
នៅអាយុនេះ ការនៅមានឪពុកម្ដាយជារឿងមួយដែលមានសុភមង្គលបំផុត។ ប៉ុន្តែតាមរបៀបមួយក៏ជា "បន្ទុក" សម្រាប់អ្នកដែលគ្មានប្រាក់សន្សំនៅពេលពួកគេចាស់។ ដូច្នេះ ការមើលថែឪពុកម្ដាយត្រូវពិភាក្សាឱ្យបានល្អ កុំឱ្យឪពុកម្ដាយរងគ្រោះដោយសារតែខ្លួនយើងពុំមានលទ្ធភាពគ្រប់គ្រាន់។
៤. ការងារកាន់តែច្រើន សម្ពាធកាន់តែខ្លាំង
មនុស្សជាច្រើន សូម្បីតែក្រោយអាយុ ៥០ ឆ្នាំហើយ នៅតែគិតថាពួកគេរឹងមាំគ្រប់គ្រាន់ដើម្បីធ្វើរឿងដ៏អស្ចារ្យ។ ទោះជាយ៉ាងណាក៏ដោយ នៅពេលដែលអ្នកចាស់ទៅ អ្នកនឹងនាំមកនូវគ្រោះមហន្តរាយដល់រាងកាយរបស់អ្នក ប្រសិនបើអ្នកព្យាយាមធ្វើវា។ នៅអាយុ ៥០ ឆ្នាំ ព្យាយាមសម្របខ្លួនទៅនឹងការផ្លាស់ប្តូរនៅកន្លែងធ្វើការ សួរអ្វីដែលអ្នកមិនដឹង កុំរឹងរូស ក្រែងគ្រោះថ្នាក់ធ្ងន់ធ្ងរ៕
ប្រភព ៖ Phunutoday / Knongsrong
ព័ត៌មានថ្មីៗ
