ភរិយាមានចរិតអាក្រក់ ៤ នេះ ធ្វើឲ្យប្តីមិនពេញចិត្ត រហូតចាកចេញគ្មានស្តាយស្រណោះឡើយ
យើងដឹងថា ក្នុងជីវិតមិនថាយើងធ្វើអ្វីក៏ដោយ យើងត្រូវយកចិត្តទុកដាក់លើវិធីសាស្រ្ត ក្នុងទំនាក់ទំនងរវាងប្តីប្រពន្ធ។ ហើយការគ្រប់គ្រងទំនាក់ទំនងមួយនេះ ក៏ទាមទារនូវវិធីសាស្រ្ត និងជំនាញផងដែរ មិនថាអ្នកចង់ឱ្យបុរសលួងលោមអ្នក ឬធ្វើឱ្យបុរសផ្លាស់ប្តូរចិត្តនោះទេ ស្ត្រីត្រូវយកចិត្តទុកដាក់ឲ្យបានល្អបំផុត។
១. ចង់ដឹងរឿងឯកជន តែងតែទាមទារតម្លាភាពពីស្វាមី
ក្រោយពេលរៀបការ ស្រ្តីគួរតែផ្តល់ភាពឯកជនខ្លះដល់ស្វាមី កុំសូវជីកឬសគល់ពេកត្រូវលាក់ទុកអាថ៍កំបាំងបន្តិចឱ្យគ្នាទៅវិញទៅមកក្នុងគ្រួសារ។ មួយវិញទៀត បើទោះបីជាអ្នកដឹងអាថ៌កំបាំងរួចហើយក៏ដោយ ក៏មិនត្រូវបើកបង្ហាញពេលដែរ ដើម្បីធ្វើឲ្យជីវិតអាពាហ៍ពិពាហ៍ គួរឱ្យចាប់អារម្មណ៍ខ្លាំង។ ប៉ុន្តែបើអ្នកនៅតែប្រព្រឹត្តចំពោះប្តីដូចជាអ្នកជាប់គុក នោះនៅថ្ងៃណាមួយប្តីអាចនឹងកាន់តែឃ្លាតឆ្ងាយពីអ្នក រហូតក្លាយជាការផិតក្បត់ជាក់ជាមិនខាន។
២. រើសអើងចំពោះសមាជិកគ្រួសាររបស់ស្វាមី និងមិនចង់ឱ្យស្វាមីទាក់ទងសមាជិកគ្រួសារខ្លួន
ស្ត្រីពេលខ្លះពិតជាគួរឱ្យអស់សំណើចណាស់ អាចស្រលាញ់ប្តីរហូតដល់អស់សង្ឃឹម និងហ៊ានធ្វើអ្វីៗគ្រប់យ៉ាងដើម្បីប្តី ប៉ុន្តែពេលទទួលបានការតបស្នងមកវិញ បែរប្រែជាមិនពេញចិត្ត ស្អប់ ថែមទាំងរើសអើងបងប្អូនខាងប្តីទៀតផង។ ប៉ុន្តែតើអ្នកធ្លាប់គិតទេថា បើគ្មានឪពុកម្តាយគាត់ តើមានគាត់យ៉ាងម៉េចទៅ មិនថាឪពុកម្តាយគាត់អាក្រក់ប៉ុណ្ណាទេ ពួកគាត់ជាអ្នកផ្តល់កំណើតឱ្យហើយចិញ្ចឹមគាត់ដែរ។
៣.មិនទុកមុខឲ្យស្វាមីនៅចំពោះមុខអ្នកខាងក្រៅ
ស្ត្រីមួយចំនួនតែងតែចូលចិត្តសើចចំអកប្តីនៅមុខអ្នកខាងក្រៅ ហើយថែមទាំងបង្ហាញកំហុសនៅចំពោះមុខប្តី ត្រូវដឹងថា ស្ត្រីបែបនេះគឺជាស្ត្រីដែលល្ងង់បំផុតក្នុងលោក ព្រោះបើអ្នកមិនទុកមុខឲ្យប្តីនៅមុខអ្នកខាងក្រៅ មិនត្រឹមតែប្តីទេ ថែមទាំងធ្វើបាបខ្លួនឯងផងដែរ។ ដូច្នេះ ជាប្រពន្ធដែលមានប្រាជ្ញាទោះបីជាមានបញ្ហាអ្វីក៏ដោយ ប្រាកដជាទុកមុខឱ្យប្តីនៅចំពោះមុខអ្នកខាងក្រៅ ដោយសារដឹងថា ការធ្វើបែបនេះបានត្រឹមតែរុញប្តីឱ្យទៅកាន់តែឆ្ងាយមិនអាចត្រឡប់វិញបាន។
៤. ចូលចិត្តប្រៀបធៀបប្តីជាមួយបុរសដទៃ
មនុស្សស្រីតែងតែពិបាកនឹងស្កប់ចិត្តនឹងអ្វីដែលខ្លួនមាន។ ថ្វីត្បិតតែអាចមានបុរសសុភាពរាបសារចូលក្នុងជីវិត ក៏នៅតែមានអារម្មណ៍ច្រណែននឹងបុរសខ្ពស់សង្ហា និងបុរសដទៃដែលរកលុយបានច្រើនជាងប្តីខ្លួន។ ប៉ុន្តែតើស្ត្រីមានដឹងទេ មនុស្សមិនមែនជាកម្មវត្ថុទេ ប្រាកដណាស់ គាត់នឹងអាក់អន់ចិត្តខ្លាំង នៅពេលដែលអ្នកតែងតែប្រៀបធៀបគាត់ជាមួយអ្នកដទៃ។
ប្រភព៖ បរទេស
ព័ត៌មានថ្មីៗ
