ស្រីៗចាំសង្កេត! សញ្ញាទាំង ៥ នេះ បង្ហាញថា ប្ដីរបស់អ្នក មិនឱ្យតម្លៃអ្នកនោះឡើយ
មនុស្សប្រុស ក្នុងនាមជាប្ដីម្នាក់ តាមរយៈទង្វើ និងអាកប្បកិរិយាដែលគេប្រព្រឹត្តចំពោះភរិយ គឺបង្ហាញច្បាស់ណាស់ថា គេស្រឡាញ់ប្រពន្ធឬអត់ ឱ្យតម្លៃប្រពន្ធឬអត់ គោរពប្រពន្ធឬក៏អត់? យ៉ាងណាមិញ ៥ ចំណុចខាងក្រោមនេះ ស្រីៗគួរអាចមើលដឹងហើយថា អ្នកមានតម្លៃឬអត់ចំពោះប្ដីរបស់អ្នក បើគេបង្ហាញចំណុចទាំងនេះចេញមក អ្នកគួរតែដោះលែងខ្លួនឯង ចេញពីមនុស្សដែលមិនឱ្យតម្លៃអ្នកទៀតទៅ។
១. មិនចំណាយលុយចំពោះប្រពន្ធ « គម្រិះម៉ៅស្វិត»
និយាយចំពោះមនុស្សប្រុស គឺគេខ្វល់ណាស់ ចំពោះកន្លែងដែលគេនឹងចំណាយលុយ។ ប្រសិនបើបុរសម្នាក់នោះស្រឡាញ់ និងឱ្យតម្លៃប្រពន្ធ ទោះបីជាគាត់មានលុយ ឬគ្មានលុយ ក៏គាត់មិនខ្លាចនឹងចំណាយចំពោះប្រពន្ធគាត់ដែរ ហើយមិនថាត្រូវចំណាយច្រើនប៉ុនណា ក៏គាត់នៅតែពេញចិត្តនឹងផ្ដល់ឱ្យដោយស្នាមញញឹម ធ្វើយ៉ាងណា ឱ្យតែប្រពន្ធសប្បាយចិត្ត ប្រពន្ធមានគ្រប់យ៉ាងតាមនាងចង់បាន។
ទន្ទឹមនឹងនោះដែរ ប្រសិនបើគេបើចំណាយចំពោះអ្នកសោះ គេតឹងតែងចំពោះអ្នក ឬនៅសុខៗ ស្រាប់តែកាត់បន្ថយការចាយវាយលើរូបអ្នក កំណត់ការចំណាយឱ្យអ្នក បញ្ជាក់ច្បាស់ណាស់ថា គេមិនបានស្រឡាញ់អ្នកទៀតឡើយ ឬអាចថា គេមិនឱ្យតម្លៃអ្នកទៀតទេ គេអស់ចិត្តចំពោះអ្នក ឬកំពុងតែមានអ្នកទីបីចូលមកជំនួសតំណែងអ្នកហើយ។
២. មិនខ្វល់ពីអារម្មណ៍ប្រពន្ធ
បុរសម្នាក់ដែលយកចិត្តទុកដាក់ចំពោះមនុស្សស្រីពិតប្រាកដ គាត់ច្បាស់ជាំខ្វាយខ្វល់ណាស់ ប្រសិនបើឃើញមនុស្សដែលខ្លួនស្រឡាញ់ធ្វើមុខស្អុយ ឬស្ងៀមស្ងាត់។ ប៉ុន្តែ បើអ្នកគ្មាននៅក្នុងចិត្តគេទេ ទោះបីជាអ្នកសោកសៅ ឬឈឺចាប់ វេទនារហូតដល់ស្រក់ទឹកភ្នែក ក៏គេមិនខ្វល់នឹងសួរនាំចំពោះអ្នកដែរ។
អ្វីដែលអ្នកធ្វើនៅពេលនេះ គ្រាន់តែធ្វើឱ្យគាត់ខ្ពើមរអើម ធុញថប់។ សូម្បីតែពេលអ្នកនិយាយចេញយ៉ាងសកម្មត្រូវចែករំលែកយ៉ាងសកម្ម ក៏គាត់ធុញទ្រាន់នឹងស្ដាប់អ្នកដែរ។
៣. ធុញទ្រាន់ ឬខឹងពេលប្រពន្ធនិយាយ រអ៊ូរទាំ
ស្ត្រីមានទម្លាប់និយាយច្រើន ឬត្អូញត្អែរច្រើន។ ប៉ុន្តែប្រសិនបើបុរសស្រឡាញ់ប្រពន្ធរបស់គាត់ នោះពួកគេនឹងយល់ថានាងស្រឡាញ់គាត់ ទើបតែងតែរអ៊ូរទាំដាក់គាត់បែបហ្នឹង ព្រោះតែបារម្ភ ខ្វាយខ្វល់ចំពោះគាត់៊
ប៉ុន្តែ បើគេស្រាប់តែអស់ចិត្តពីអ្នកហើយនោះ គ្រប់យ៉ាងដែលអ្នកធ្វើ គ្រប់ម៉ាត់ដែលអ្នកនិយាយ នឹងក្លាយជាការរំខានខ្លាំង គេស្ដាប់មិនចូលទេ គេក៏ចាប់ផ្ដើមធុញទ្រាន់ ផ្ទះក៏លែងចង់ចូលដែរ នេះមានន័យថា អ្នកលែងមានតម្លៃអ្វីសម្រាប់គេទៀតហើយ។
៤. លែងចង់ទៅណាមកណាជាមួយប្រពន្ធ
បើពីមុនគាត់តែងតែចង់នាំអ្នកទៅគ្រប់ទីកន្លែង តែងតែចង់អួតអ្នកនៅចំពោះមុខមនុស្សគ្រប់គ្នា តែងតែបញ្ជាក់ប្រាប់ពិភពលោកថា នេះគឺជានារីដែលគាត់ស្រលាញ់។ ផ្ទុយមកវិញ បើពេលគេទៅណា ហើយអ្នកសុំគាត់ទៅ គេតែងតែបដិសេធ ឬលែងបបួលអ្នកចេញក្រៅ ច្បាស់ហើយ ថាគេមិនចង់នៅក្បែរអ្នកទៀត។ នេះក៏ជាពេលដែលអ្នកអាចយល់បានហើយថា វត្តមានរបស់អ្នក ពិតជាមិនសំខាន់សម្រាប់គេទៀតឡើយ។
៥. ឈ្លោះគ្នាឥតឈប់ឈរ ថ្ងៃណាក៏តឹងសសៃកដាក់គ្នា
បើគាត់ពិតជាស្រលាញ់ប្រពន្ធមែន គាត់សុខចិត្តចាញ់នឹងប្រពន្ធគ្រប់កាលៈទេសៈ ទោះបីជាគាត់សុំទោសប្រពន្ធមុនក៏ដោយ គាត់តែងតែរកវិធីលួងលោម និងថ្នមចិត្តប្រពន្ធគាត់។
ហើយប្រសិនបើគាត់លែងគិតគូរដល់ប្រពន្ធរបស់គាត់ទៀតនោះ គាត់ប្រាកដជាមិនស្ទាក់ស្ទើរក្នុងការផ្គើនប្រពន្ធរបស់គាត់ឡើយ។ ពេលនេះគាត់ព្រងើយកន្តើយនឹងអារម្មណ៍ប្រពន្ធរបស់គាត់ គាត់គិតតែពីវិធីដើម្បីបំបាត់កំហឹងរបស់គាត់ប៉ុណ្ណោះ។ នៅពេលនេះគាត់ក៏អាចទម្លាយរឿង ឬមានពាក្យសម្តី និងទង្វើដែលធ្វើឱ្យប្រពន្ធគាត់ឈឺចាប់យ៉ាងខ្លាំងចេញមកដោយមិនញញើត៕
ប្រភព ៖ Phunutoday / Knongsrok
ព័ត៌មានថ្មីៗ
