មានដឹងអត់! ប្រជ្រុយ ៧ កន្លែងនេះនៅលើផ្ទៃមុខស្រីៗ មានអត្តន័យខុសប្លែកៗគ្នា
តើអ្នកដឹងទេថាប្រជ្រុយអាចន្ថែមភាពស្រស់ស្អាត ជាពិសេសលើតារាបង្ហាញម៉ូត តារាសម្តែង និងតារាចម្រៀងដែលផ្តល់ជូនពួកគេនូវភាពទាក់ទាញបន្ថែម ។ មិនមែនមនុស្សគ្រប់គ្នាចាត់ទុកថាខ្លួនពួកគេមានភាពទាក់ទាញទេនៅពេលដែលមានប្រជ្រុយនៅលើមុខរបស់ពួកគេ។
អ្នកខ្លះបែជាគិតថាធ្វើឱ្យបាត់សម្រស់របស់ពួកគេទៅវិញនៅពេលមានប្រជ្រុយលេចឡើងនៅលើផ្ទៃមុខ រហូតដល់អ្នកខ្លះកាត់ចោលទៀតផង! ប៉ុន្តែមានមនុស្សតិចតួចណាស់ដែលដឹងពីសារៈសំខាន់ដែលប្រជ្រុយមានវត្តមាននៅលើផ្ទៃមុខ។ តាំងពីបុរាណមក គេដឹងថាប្រជ្រុយនៅលើមុខបង្ហាញពីលាភសំណាង និងហុងស៊ុយ។ មានទ្រឹស្តីផ្សេងៗគ្នាអំពីសារៈសំខាន់របស់វា។ វាក៏ត្រូវបានកំណត់ដោយទំហំនិងរូបរាងផងដែរ។
សូមក្រឡេកមើលអត្ថន័យមួយចំនួននៃប្រជ្រុយដែលមានវត្តមាននៅលើផ្ទៃមុខដែលបានដំណាលតៗគ្នាមកពីសម័យបុរាណ៖
១. ប្រជ្រុយនៅលើថ្ងាស
ប្រសិនបើប្រជ្រុយលេចឡើងនៅលើថ្ងាសវានាំមកនូវសុភមង្គលដល់បុរស។ ចំពោះស្ត្រីវិញមានន័យថានាងមានសុភមង្គលក្នុងជីវិតអាពាហ៍ពិពាហ៍។ ប្រជ្រុយដែលមានទីតាំងនៅផ្នែកខាងស្តាំនៃថ្ងាសគឺជាសញ្ញាដែលមានគុណសម្បត្តិមិនធម្មតាសម្រាប់បុរស។
អ្នកជំនាញនិយាយថាក្នុងករណីនេះគាត់/នាងនឹងមានជីវិតជោគជ័យ។ ចំពោះប្រជ្រុយនៅផ្នែកខាងឆ្វេងនៃថ្ងាសវិញបង្ហាញថាជាមនុស្សដែលមានកម្លាំង និងការប្តេជ្ញាចិត្តខ្ពស់។ បុគ្គលនេះខ្ជិលច្រអូសឡើយ មានជោគជ័យច្រើនទាំងការងារ និងនាំមកនូវលាភសំណាងជូនគ្រួសារ។
២. ប្រជ្រុយនៅលើថ្ពាល់
ប្រជ្រុយនៅលើថ្ពាល់ដែលនៅក្បែរបបូរមាត់បង្ហាញថាអ្នកមានជីវិតរីករាយ និងសុភមង្គល។ អ្នកក៏មានភាពល្បីល្បាញផងដែរ។ ប្រជ្រុយនៅលើថ្ពាល់ក្បែរត្រចៀកបង្ហាញពីកិត្តិនាម និងសំណាងតាំងពីក្មេង។ អ្នកនឹងរីកចម្រើនប៉ុន្តែត្រូវប្រយ័ត្នពីអនាគតរបស់អ្នកហើយត្រូវធ្វើអំពើល្អដើម្បីនាំមកនូវលាភសំណាង។
ប្រជ្រុយនៅលើថ្ពាល់ខាងស្តាំបង្ហាញពីមនុស្សដែលគួរឱ្យស្រឡាញ់ មានមន្តស្នេហ៍ជាមនុស្សជាទីស្រឡាញ់ដល់មនុស្សជុំវិញខ្លួន។ ប្រជ្រុយនៅថ្ពាល់ខាងឆ្វេងបង្ហាញពីមនុស្សដែលផ្តោតអារម្មណ៍ខ្លាំងនៅក្នុងជីវិត។ ប្រជ្រុយនៅលើថ្ពាល់ទាំងពីរបង្ហាញពីមនុស្សដែលត្រូវខិតខំប្រឹងប្រែង និងខិតខំធ្វើការដើម្បីទទួលបានជោគជ័យក្នុងជីវិត។
៣. ប្រជ្រុយក្រោមចិញ្ចើម
ប្រជ្រុយនៅក្រោមចិញ្ចើមក៏សំខាន់ផងដែរ។ ចំពោះប្រជ្រុយនៅក្រោមចិញ្ចើមខាងស្តាំចង្អុលបង្ហាញថាជាមនុស្សម្នាក់ដែលមានចរិតបើកចំហ និងរីករាយ ពួកគេអាចទប់ទល់នឹងការលំបាកទាំងអស់ក្នុងជីវិត។ ប្រជ្រុយនៅក្រោមចិញ្ចើមខាងឆ្វេងបង្ហាញពីកម្រិតខ្ពស់នៃភាពវៃឆ្លាត និងប្រកបដោយជំនាញច្នៃប្រតិដ្ឋ។
មនុស្សទាំងនេះគួរតែធ្វើតាមក្តីស្រមៃរបស់ពួកគេដើម្បីទទួលបានជីវិតជោគជ័យ ព្រមទាំងទ្រព្យសម្បត្តិ។
៤. ប្រជ្រុយលើបបូរមាត់
ប្រជ្រុយនៅបបូរមាត់ខាងលើគឺជាសញ្ញារបស់មនុស្សម្នាក់ដែលមានចរិតរឹងមាំ ចិត្តទូលាយ ព្យាយាមគ្រប់យ៉ាងដើម្បីឈានដល់គោលដៅរបស់ពួកគេ។ ប្រជ្រុយនៅលើបបូរមាត់ខាងក្រោមបង្ហាញថាជាមនុស្សដែលមានការគិតគូរវែងឆ្ងាយ ពួកគេប្រហែលជាស្ងប់ស្ងាត់បន្តិចដោយសារចរិតធម្មជាតិដែលមានទិសដៅច្បាស់លាស់សម្រាប់ការសម្រេចគោលដៅរបស់ពួកគេ។
៥. ប្រជ្រុយនៅលើចង្កា
ប្រជ្រុយនៅលើចង្កាចង្អុលបង្ហាញថាអ្នកជាមនុស្សដែលមានទំនោរចូលចិត្តញ៉ាំអាហារ! ប្រជ្រុយនៅផ្នែកខាងក្រោមនៃចង្កាបង្ហាញពីមនុស្សដែលមិនចេះនៅស្ងៀម ហើយចូលចិត្តដំណើរផ្សងព្រេង។
៦. ប្រជ្រុយនៅលើត្រចៀក
ប្រជ្រុយនៅលើត្រចៀកគឺជាសញ្ញាបង្ហាញថាជាមនុស្សចេះគិតពិចារណា និងនាំលាភសំណាង។
៧. ប្រជ្រុយនៅលើច្រមុះ
ប្រជ្រុយច្រមុះផ្នែកខាងស្តាំមានន័យថាជាមនុស្សដែលចូលចិត្តធ្វើដំណើរ និងមានចំណង់ចំណូលចិត្តស្រឡាញ់ចំពោះធម្មជាតិ។ ចំពោះប្រជ្រុយនៅផ្នែកខាងឆ្វេងនៃច្រមុះវិញបង្ហាញពីមនុស្សដែលអាចសម្របខ្លួនបានយ៉ាងងាយស្រួលទៅនឹងបរិដ្ឋានផ្សេងៗ ពួកគេក៏ជាមនុស្សដែលមានចំណង់ផ្លូវភេទខ្ពស់ផងដែរ៕
ប្រែសម្រួល៖ ក្នុងស្រុក
ព័ត៌មានថ្មីៗ
