មិនធម្មតា! ស្ត្រីវ័យក្មេងម្នាក់ អត់ទិញខោអាច២ឆ្នាំ សន្សំលុយទិញផ្ទះបាន ២ខ្នង
ការរស់នៅធម្មតា ស្លៀកពាក់តែខោអាវជជុះចាស់ៗ គឺជាគោលការណ៍ជីវិតរបស់ក្មេងស្រី Wang Shennai ដែលនាងបានដកលុយ ៩០% នៃប្រាក់ខែរបស់នាង យកមកសន្សំទុក។
ថ្មីៗនេះ នារីម្នាក់រស់នៅក្នុងប្រទេសចិន បានទាក់ទាញការចាប់អារម្មណ៍ពីអ្នកគាំទ្រនៅក្នុងប្រទេសនេះ នៅពេលដែលនាងបានទិញផ្ទះល្វែងចំនួន ២ នៅក្នុងទីក្រុង ណាជីង ដែលជាលទ្ធផលនៃការរស់នៅរយៈពេល ៩ ឆ្នាំជាមួយនឹងការសន្សំអតិបរមា។
នាងថាប្រភពសម្លៀកបំពាក់បានមកពីមិត្តភក្តិជិតស្និទ្ធ ដែលតែងទិញសម្លៀកបំពាក់ច្រើនតែកម្រស្លៀក។ នាងអាចទៅផ្ទះហើយជ្រើសរើសសម្លៀកបំពាក់ដែលមានផាសុកភាព។
Wang Shennai បាននិយាយនៅលើកម្មវិធី Talk to Her របស់វេទិកាប្រព័ន្ធផ្សព្វផ្សាយសង្គម QQ ថា "ខ្ញុំចំណាយតិចជាង ១០០ យន់ ( ៦៣,៦០០ រៀល ) ក្នុងមួយឆ្នាំលើខោទ្រនាប់ ព្រោះវាមិនមែនជាគំនិតល្អក្នុងការស្លៀកខោក្នុងរបស់អ្នកផ្សេងទេ"។
នាងក៏កម្រចូលរួមពិធីជប់លៀងជាមួយមិត្តភក្តិ ឬមិត្តរួមការងារណាស់ ព្រោះនាងគិតថានឹងត្រូវចំណាយប្រាក់ច្រើន។ នាងបានជិះតែការដឹកជញ្ជូនសាធារណៈដោយចំណាយតិចបំផុតតាមដែលអាចធ្វើបាន ដោយប្រើប័ណ្ណបញ្ចុះតម្លៃ។
នាង Wang បាននិយាយថា "មនុស្សមួយចំនួនមានអារម្មណ៍សប្បាយរីករាយនៅពេលពួកគេចំណាយលុយ ប៉ុន្តែខ្ញុំមិនមានអារម្មណ៍សប្បាយចិត្តទាល់តែសោះ។ ខ្ញុំគ្រាន់តែមានអារម្មណ៍តានតឹង និងថប់បារម្ភនៅពេលចំណាយលុយច្រើន"។
នាងបាននិយាយថា នាងជាមនុស្សម្នាក់ដែលធ្វើការក្នុងឧស្សាហកម្មផ្សាយពាណិជ្ជកម្ម ដូច្នេះនាងយល់ថាម៉ាកយីហោទាំងអស់កំពុងព្យាយាមធ្វើឱ្យមនុស្សមានចិត្តចង់ទិញអ្វីមួយ»។ នាងអះអាងថា មិនដែលលួច ឬកេងចំណេញពីអ្នកដទៃ ហើយក៏មិនវិនិច្ឆ័យថាអ្នកដទៃចំណាយប្រាក់ប៉ុន្មានដែរ។
យ៉ាងណាមិញ ក៏មានមតិរិះគន់មួយចំនួន ពីសំណាក់មហាជន ចំពោះការចំណាយរិះថាំហួសកម្រិតរបស់នាង Wang។ ពួកគេក៏បាននិយាយថា អ្នកមិនគួរផ្សព្វផ្សាយរបៀបរស់នៅសន្សំសំចៃបែបនេះទេ។ មនុស្សជាច្រើនសន្សំលុយមិនអាចទិញផ្ទះបានទេ ព្រោះតម្លៃអចលនទ្រព្យខ្ពស់មិនសមហេតុផល។ ការទិញផ្ទះ គឺហួសពីលទ្ធភាពរបស់យើង»។
ទន្ទឹមនឹងនេះដែរ មានមនុស្សជាច្រើនគាំទ្រ និងសរសើរការចំណាយរបស់ Wang។ មនុស្សម្នាក់បានសរសេរថា "នាងជាមនុស្សមានប្រាជ្ញា ចៀសផុតពីការល្បួងក្នុងសង្គមដែលពោរពេញដោយសេចក្តីប្រាថ្នាខាងសម្ភារៈនិយម។ នាងពូកែណាស់ ព្រោះនាងអាចទិញផ្ទះដោយខ្លួនឯង មិនពឹងផ្អែកលើឪពុកម្តាយដូចមិត្តរួមការងារច្រើន"៕
ប្រភព ៖ បរទេស / Knongsrok
ព័ត៌មានថ្មីៗ
