ក្នុងផ្ទះមានអ្នកកើតឆ្នាំ ៤ នេះទេ? បើមាន នោះប្រៀបដូចជួបលាភសំណាងមួយគ្រួសារ
យោងតាមហោរាសាស្ត្រសម្រាប់ម្ចាស់ឆ្នាំទាំង ៤ ខាងក្រោម មិនត្រឹមតែមានសំណាងខ្លួនឯងប៉ុណ្ណោះទេ ទៀតសោតក៏អាចនាំលាភ នាំជ័យចូលដល់សមាជិកគ្រួសារ ប្រៀបដូចជាឥទ្ធិពលទាញគ្នាឲ្យមានបានជុំគ្នាថែមទៀតផងដែរ។ ជាងនេះ នៅឆ្នាំ ២០២២ ពួកគេដូចមានទេវតាទ្រព្យ មានព្រលឹងដូនតា តាមថែរក្សាជាប់ជានិច្ច និងមិនងាយឲ្យជួបគ្រោះក្នុងជីវិតឡើយ៖
អ្នកកើតឆ្នាំឆ្លូវ (គោ)
ជាមនុស្សដែលឧស្សាហ៍ព្យាយាម មានចិត្តសប្បុរស មិនដែលចង់ធ្វើបាបនរណាឡើយ។ ចូលមកដល់ឆ្នាំ ២០២២ ឆ្នាំខាល សម្រាប់អ្នកកើតឆ្នាំឆ្លូវ ប្រៀបដូចបានឆ្ពោះមកដល់ចំណុចកំពូលក្នុងជីវិត ជោគវាសនាអាចរកលុយបានច្រើន អាចទទួលបានការជ្រោមជ្រែងពីមនុស្សក្បែរខ្លួន ដល់បានឡើងឋានៈ មានឱកាសទិញផ្ទះ ទិញឡានថ្មី។
ឆ្នាំឆ្លូវនេះសោតមិនត្រឹមតែសំណាងម្នាក់ឯងប៉ុណ្ណោះទេ តែក៏បានទាញមនុស្សជុំវិញខ្លួន ឲ្យជួបសំណាងជាបន្តបន្ទាប់ផងដែរ។
អ្នកកើតឆ្នាំកុរ (ជ្រូក)
ពួកគេមានចរិតស្លូតបូត មានចិត្តអំណត់ ហើយក៏មិនខ្លាចនឿយហត់ក្នុងជីវិតនោះដែរ។ មនុស្សនេះរមែងទាញយកបទពិសោធន៍ពីបរាជ័យ ពីគ្រប់យ៉ាងដែលជួបរាល់ថ្ងៃ មកអភិវឌ្ឍខ្លួនឯងឲ្យបោះជំហានទៅមុខ ដល់ទទួលបានជោគជ័យ។
មកដល់ឆ្នាំ ២០២២ និយាយពីសំណាងសម្រាប់ម្ចាស់ឆ្នាំកុរ គឺទទួលបានលាភទាំងគ្រួសារ ជួបតែសុភមង្គល ភាពរុងរឿង ហើយក៏រមែងឃើញប្រផ្នូលល្អច្រើនផងដែរ។
អ្នកកើតឆ្នាំម្សាញ់ (ពស់)
មនុស្សនេះរស់នៅប្រកបដោយសុជីវធម៌ ពួកគេតែងតែជាបុគ្គលមានតួនាទីធំក្នុងគ្រួសារ ហើយក៏រមែងចេះចែករំលែក មើលថែសមាជិកក្នុងបន្ទុកបានយ៉ាងល្អផងដែរ។ មនុស្សនេះ តែងតែផ្តល់កម្លាំងចិត្តដល់គ្រួសារទាំងមូល ហើយមកដល់ឆ្នាំ ២០២២ យើងសូមអបអរ អ្នកដូចកំពុងមានទេវតាទ្រព្យតាមថែរក្សា នាំឲ្យជួបតែរឿងល្អ រឿងសមប្រកបក្នុងជីវិត។
អ្នកកើតឆ្នាំមមី (សេះ)
អាជីពការងារក្តី ការរកស៊ីក្តី សម្រាប់អ្នកកើតឆ្នាំមមី នឹងដូចត្រូវបានគេបើកផ្លូវឲ្យឆ្ពោះទៅរកភាពល្អប្រសើរជាងឆ្នាំចាស់។ វាក៏ជាឥទ្ធិពលល្អ នាំឲ្យមនុស្សក្បែរខ្លួន ទទួលបានជោគជ័យដូចគ្នា។
ឆ្នាំសេះ នឹងហក់ឡើងខ្លាំងនៅឆ្នាំថ្មី ២០២២ ដែលជួយឲ្យពួកគេជួបតែរឿងល្អ ជួបតែទ្រព្យអាចនាំមកចូលគ្រួសារទាំងដុំ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
