លាភសំណាងក្នុងដៃ! ២០២២ ជាឆ្នាំក្ដោបក្ដាប់លុយធំ សម្រាប់អ្នកកើតឆ្នាំទាំង ៤
ហោរាសាស្ត្របាននិយាយថា ក្នុងឆ្នាំ ខ្លា ឆ្នាំ ២០២២ សម្រាប់អ្នកកើតក្នុងឆ្នាំទាំងនេះនឹងជួបអ្នកមានបុណ្យតាមថែរក្សា ការពារ ធ្វើអ្វីៗក៏បានសម្រេច និងអំណោយផល ជាពិសេស គឺជាពេលវេលាបង្កើតទ្រព្យស្ដុកស្ដម្ភពេញមួយឆ្នាំ។
១. កើតក្នុងឆ្នាំមមីរ «សេះ»
ឆ្នាំ ២០២២ ត្រូវបានគេចាត់ទុកថា ជាពេលវេលាសំណាងបំផុតសម្រាប់អ្នកកើតឆ្នាំមមីរ ជាពិសេសអ្នកកើតក្នុងរដូវរងា។
ឆ្នាំ ២០២២ ជួយឱ្យមានតុល្យភាពនៃលាភសំណាងរបស់អ្នកកើតឆ្នាំសេះ។ ជោគវាសនារបស់អ្នក ងាយនឹងទទួលបានផលចំណេញក្នុងជីវិត ក៏ដូចការងារអាចដំឡើងប្រាក់បៀវត្សរ៍បានទទួលការឧបត្ថម្ភពីអភិជន ទទួលបានអត្ថប្រយោជន៍ច្រើន... អាចនិយាយបានថា ឆ្នាំនេះ ជាពេលវេលាដែលសេះមានទាំងកិត្តិនាម និងប្រាក់ចំណេញ។
២. កើតក្នុងឆ្នាំច «ឆ្កែ»
ឆ្នាំ ២០២២ សម្រាប់អ្នកកើតក្នុងឆ្នាំឆ្កែ ក៏នឹងទទួលបានលាភសំណាងច្រើនដែរ។ អ្នកឆ្នាំនេះមានទំនាក់ទំនងល្អជាងមុន ត្រូវបានថ្នាក់លើគោរព និងមានឱកាសឈានទៅរកជីវិតកាន់តែប្រពៃ។
ជាការពិតណាស់ មិនមែនមនុស្សទាំងអស់ដែលកើតក្នុងឆ្នាំច សុទ្ធតែមានសំណាងខ្លាំងនោះទេ។ អ្នកដែលកើតក្នុងឆ្នាំឆ្កែកើតក្នុងរដូវស្លឹកឈើជ្រុះ និងរដូវរងា នឹងមានសំណាងខ្លាំងណាស់។ នៅឆ្នាំ ២០២២ ឆ្នាំចនឹងកាន់តែរីកចម្រើន និងសម្បូរបែប។
៣. អ្នកកើតឆ្នាំឆ្លូវ «គោ»
ឆ្នាំ ២០២១កន្លងទៅនេះ ឆ្នាំឆ្លូវជួបប្រទះនឹងការលំបាកជាច្រើន ដោយសារគ្រោះរាំងស្ងួត ពិសេសនៅពាក់កណ្តាលឆ្នាំចាប់ពីខែឧសភាដល់ខែកក្កដាតាមច័ន្ទគតិ ឆ្នាំឆ្លូវស្ថិតនៅក្រោមសម្ពាធខ្លាំង រឿងជាច្រើនក៏ខកខានផងដែរ។
ចូលឆ្នាំខ្លា ឆ្នាំ២០២២ លាភសំណាងនឹងធូរស្រាលបន្តិចម្តងៗ។ ជាពិសេស ដោយមានការជួយជ្រោមជ្រែងពីអ្នកមានបុណ្យផងនោះ ឆ្នាំឆ្លូវ ជួបរឿងអាក្រក់ ប្រែមកល្អ ជួបអាក្រក់ ប្រែមកជាលាភ ហើយចុងក្រោយ ទទួលជោគជ័យ ត្រចះត្រចង់ច្រើន។
អ្នកឆ្នាំឆ្លូវនេះ ក៏មានឱកាសពង្រីកអាជីវកម្ម ឈានមុខការងារ បង្កើនប្រាក់ចំណូលក្នុងឆ្នាំ២០២២។
៤. អ្នកកើតឆ្នាំរកា «មាន់»
ចូលដល់ឆ្នាំ ២០២២ សំណាងរបស់អ្នកឆ្នាំមាន់ នឹងត្រូវបានបញ្ចូលគ្នាយ៉ាងរឹងមាំ។ បុគ្គលឆ្នាំមាន់ មានមនុស្សខ្ពង់ខ្ពស់ជួយផង ការងារក៏រីកចម្រើន មុខតំណែងកាន់តែរីកចម្រើន ទ្រព្យសម្បត្តិហូរហៀរ ជីវិតកាន់តែរុងរឿង។
ជាពិសេសផែនការដែលវាសនាបានប្រាថ្នាតាំងពីឆ្នាំមុនមកម្ល៉េះ តែមិនទាន់បានអនុវត្ត នេះជាឱកាសល្អសម្រាប់ចាប់ផ្តើមបំពេញបំណងប្រាថ្នា។ មាន់ មានភាពឆ្លាតវៃ និងរហ័សរហួន ដូច្នេះប្រសិនបើអ្នកដឹងពីរបៀបទាញយកប្រយោជន៍ពីខ្លួនអ្នក អ្នកអាចទទួលបានសមិទ្ធផលដ៏អស្ចារ្យនៅឆ្នាំ ២០២២ នេះ៕
* ព័ត៌មានសម្រាប់ជាឯកសារយោងតែប៉ុណ្ណោះ!
ប្រភព ៖ Phunutoday / Knongsrok
ព័ត៌មានថ្មីៗ
