មនុស្សប្រុសកើតឆ្នាំទាំង ៤ នេះ ជាមនុស្សចិត្តធ្ងន់ ស្រឡាញ់ប្រពន្ធកូនបំផុត
ហោរាសាស្ត្របាននិយាយថា មនុស្សប្រុសដែលកើតក្នុងឆ្នាំទាំងនេះ ជាមនុស្សដែលមានចរិតស្លូតបូត មិនចេះដើរលេងស៊ីផឹកផ្ដេសផ្ដាស មិនចូលចិត្តញ៉ែញ៉ងមនុស្សស្រីខាងក្រៅឡើយ គេជាមនុស្សដែលមានចិត្តស្មោះចំពោះដៃគូ ស្រឡាញ់ថ្នាក់ថ្នម ប្រពន្ធកូន មើលថែគ្រួសារបានយ៉ាងល្អ។ ដូច្នេះហើយ បើនារីណាបានបុរសទាំងនេះជាគូជីវិត អ្នកពិតជាមានសំណាងខ្លាំងណាស់។
១. បុរសកើតឆ្នាំឆ្លូវ «គោ»
យោងតាមហោរាបានឱ្យដឹងថា មនុស្សប្រុសដែលកើតឆ្នាំឆ្លូវ តាំងពីឮតូចមកម្ល៉េះ ភាគច្រើនមានចិត្តទន់ភ្លន់ និងកក់ក្តៅ។ ក្នុងសេចក្ដីស្រឡាញ់ គេយកចិត្តទុកដាក់ និងមើលថែមនុស្សស្រីដែលខ្លួនស្រឡាញ់អស់ពីចិត្ត។
ស្ថិតក្នុងភាពជាយុវវ័យ គោប្រហែលជាមិនមែនជាអ្នកមានទេ ប៉ុន្តែក្រោយពេលរៀបការហើយ ពួកគេនឹងព្យាយាមឱ្យអស់ពីសមត្ថភាព ដើម្បីនាំមកនូវជីវិតដ៏មានសុភមង្គល និងវិបុលភាពដល់ភរិយា និងកូនរបស់ពួកគេ មិនឱ្យមនុស្សជាទីស្រលាញ់របស់ពួកគេជួបទុក្ខលំបាក។
បុរសគោអាចក្លាយជាប្តីដែលមានទំនួលខុសត្រូវ ដែលតែងតែការពារប្រពន្ធកូន។ ពួកគេប្រហែលជាមិនសូវពូកែនិយាយទេ ប៉ុន្តែពួកគេតែងតែស្តាប់ដោយអត់ធ្មត់ និងចែករំលែកជាមួយប្រពន្ធរបស់ពួកគេនៅពេលចាំបាច់។
២. បុរសកើតឆ្នាំរោង «នាគ»
បុរសកើតឆ្នាំនាគមិនពូកែនិយាយពាក្យផ្អែមល្ហែមទេ ថែមទាំងខ្មាសអៀនច្រើនថែមទៀតផង ពួកគេមិនចេះបង្ហាញអារម្មណ៍អ្វីច្រើនឡើយ។ លើសពីនេះ ពួកគេមិនមែនជាមនុស្សឆាប់រំជួលចិត្តទេ ដូច្នេះហើយពួកគេច្រើនតែមិនដឹងពីអារម្មណ៍របស់ដៃគូ ពេលដែលដៃគូខឹង ឬអន់ចិត្តឡើយ។
ដល់ពេលដឹងថាមនុស្សជាទីស្រឡាញ់របស់គេក្រៀមក្រំ នាគក៏មិនចេះលួងលោមគេច្រើនដែរ។ បើនិយាយពីស្នេហា មនុស្សឆ្នាំរោង ខ្សោយខាងផ្នែករ៉ូមែនទិកខ្លាំងណាស់។
ទោះជាយ៉ាងនេះក្តី មនុស្សឆ្នាំរោងគឺជាបុរសដែលស្រលាញ់ភរិយាពេញបេះដូង គិតដល់ដៃគូគ្រប់សព្វបែបយ៉ាង ហើយតែងតែរកវិធីបង្ហាញអារម្មណ៍តាមរយៈសកម្មភាពពិតជាក់ស្ដែង។
បុរសឆ្នាំរោងមិនចេះឈ្លោះគ្នាជាមួយដៃគូទេ ពួកគេមានតែខំសាងកម្មផលធំ ជួយគ្រួសារឱ្យមានជីវភាពធូរធារ ។ ទោះបីជាពួកគេរវល់ និងមិនមានពេលសម្រាប់ចំណាយជាមួយគ្រួសារក៏ដោយ ក៏ពួកគេនៅតែអាចធ្វើឱ្យមនុស្សដៃគូមានអារម្មណ៍ថាមានសុវត្ថិភាព មិនដែលខ្វល់ខ្វាយពីភាពស្មោះត្រង់ឡើយ។
៣. បុរសកើតឆ្នាំកុរ «ជ្រូក»
បុរសដែលកើតក្នុងឆ្នាំជ្រូក ភាគច្រើនមិនមានស្នេហាទេ។ ជាធម្មតាពួកគេមិននាំមកនូវការភ្ញាក់ផ្អើលដល់ដៃគូឡើយ។ បើទោះជាចង់បង្កើតបរិយាកាសរ៉ូមែនទិកក៏ដោយ ពេលខ្លះគេធ្វើបែបនេះមិនចេះចប់មិនចេះហើយ។
យ៉ាងណាមិញ បុរសកើតឆ្នាំជ្រូកជាមនុស្សស្រលាញ់ប្រពន្ធកូនខ្លាំងណាស់។ ពួកគេតែងតែព្យាយាមអស់ពីសមត្ថភាពក្នុងការងារ ដើម្បីអាចបន្តទៅមុខទៀត កាន់តែជោគជ័យ នាំមកនូវជីវិតរុងរឿងដល់ភរិយា និងកូន។
មិនត្រឹមតែប៉ុណ្ណោះ ក្នុងជីវភាពប្រចាំថ្ងៃ ពួកគេតែងតែជួយប្រពន្ធយ៉ាងសកម្មក្នុងការងារផ្ទះ។ ដោយសារតែនោះជីវិតអាពាហ៍ពិពាហ៍តែងតែមានសន្តិភាព និងសប្បាយរីករាយ។
៤. បុរសកើតឆ្នាំមមែ «ពពែ»
នៅពេលដែលពួកគេនៅលីវ មនុស្សប្រុសឆ្នាពពែតែងតែមានភាពខ្មាសអៀន ហើយមិនខ្វល់ថាអ្នកដទៃគិតយ៉ាងណាចំពោះពួកគេ។ វាហាក់បីដូចជាមនុស្សឆ្នាំនេះដំណើរការតែលើចំណង់ចំណូលចិត្តផ្ទាល់ខ្លួនប៉ុណ្ណោះ។
ទោះជាយ៉ាងណាក៏ដោយ បន្ទាប់ពីរៀបការរួចពួកគេនឹងផ្លាស់ប្តូរទាំងស្រុង។ បុរសឆ្នាំពពែនឹងតែងតែស្រលាញ់ និងព្យាយាមការពារមនុស្សដែលខ្លួនស្រលាញ់។
មនុស្សប្រុសឆ្នាំពពែផ្តល់សារៈសំខាន់យ៉ាងខ្លាំងចំពោះសុភមង្គលគ្រួសារ ដូច្នេះនៅពេលដែលពួកគេរៀបការ ពួកគេនឹងរស់នៅប្រកបដោយការទទួលខុសត្រូវ និងខិតខំប្រឹងប្រែងបន្ថែមទៀត ដើម្បីផ្តល់ឱ្យប្រពន្ធ និងកូនរបស់ពួកគេឱ្យមានជីវិតល្អ៕
ប្រភព ៖ Phunutoday / Knongsrok
ព័ត៌មានថ្មីៗ
