ឆ្នាំ២០២២នេះ ឆ្នាំទាំង ៣ ដាក់អីដុះហ្នឹង ការងារជោគជ័យ ជីវិតរុងរឿង
យោងតាមហោរាសាស្រ្តក្នុងឆ្នាំ២០២២ ឆ្នាំទាំង៣នេះត្រូវបានទស្សន៍ទាយថាមានលាភសំណាងក្នុងការងារ និងជីវិតរុងរឿង។
១. ឆ្នាំខាល (សត្វតំណាងខ្លា)
ខ្លាគឺជាសត្វដែលមានភាពខ្លាំងក្លាដែលគួរឱ្យចាប់អារម្មណ៍។ អ្នកដែលកើតក្នុងឆ្នាំខាល មានទេពកោសល្យ ប្រឹងប្រែងធ្វើការ អត់ធន់ រស់នៅប្រកបដោយការទទួលខុសត្រូវ។ មនុស្សកើតក្នុងខាលជាមនុស្សមានចិត្តសប្បុរស និងមានមិត្តច្រើន។ ដូច្នេះពេលមានបញ្ហាក៏សុខចិត្តជួយដែរ។ ពួកគេចេះរាប់អានមនុស្ស រស់នៅដោយស្មោះត្រង់។
ចូលដល់ឆ្នាំ២០២២ អ្នកកើតឆ្នាំខាល មានឱកាសច្រើនក្នុងអាជីពការងារ។ បើធ្វើអាជីវកម្ម សំណាងល្អ ទទួលបានក្តីសង្ឃឹមថ្មី។ បើអ្នកធ្វើការត្រូវព្យាយាមប្រឹងប្រែងបន្ថែមទៀត។ សូមចងចាំថាបន្ទាប់ពីព្យុះភ្លៀង នឹងមានឥន្ទធនូ។ គ្រាន់តែស៊ូទ្រាំនឹងទុក្ខលំបាកបន្តិចក្រោយមកនឹងទទួលផលតបស្នងជាគាប់ចិត្ត។
២. ឆ្នាំរោង (សត្វតំណាងនាគរាជ)
អ្នកកើតឆ្នាំរោង ត្រូវបានគេទទួលស្គាល់ថាជាមនុស្សឆ្លាត និងមានមនោសញ្ចេតនាខ្ពស់។ ក្នុងទំនាក់ទំនងពួកគេមានចរិតល្អ និយាយត្រង់ៗតែមិនគិតខ្លី។ អ្នកកើតក្នុងឆ្នាំនេះជាមនុស្សស្លូតបូត ចេះយកចិត្តទុកដាក់ និងមានចិត្តសប្បុរស។
ចូលឆ្នាំ២០២២ រាសីរបស់អ្នកកើតឆ្នាំរោងមានលាភ មានជ័យ មានលាភចូលផ្ទះ លាភសំណាងឡើងខ្ពស់ លុយកាក់ហូរចូល ។ ការងារ និងអាជីពរបស់ពួកគេមានភាពរីកចម្រើន ដូច្នេះឆ្នាំរោងនេះក៏មិនសូវចាំបាច់ត្រូវខ្វល់ខ្វាយដែរ។ បើសិនជាអ្នកធ្វើការទទួលបានប្រាក់ខែនឹងត្រូវថ្នាក់លើផ្តល់ឱកាសឱ្យឡើងឋានៈខ្ពស់ក្នុងអាជីពការងារ។
៣. ឆ្នាំវក (សត្វតំណាងស្វា)
អ្នកកើតក្នុងឆ្នាំវក ត្រូវបានគេស្គាល់ថាជាមនុស្សមានប្រាជ្ញាឈ្លាសវៃ និងរហ័សរហួន។ ពួកគេតែងតែមានមោទកភាព ងើបក្បាលខ្ពស់ ហើយមិនរួញរានៅពេលប្រឈមមុខនឹងការលំបាក។ ថ្វីត្បិតតែអាចជួបការលំបាក និងការជំពប់ដួលក៏ដោយ ក៏មនុស្សដែលកើតក្នុងឆ្នាំវកនេះ នៅតែស្ងប់ស្ងាត់ដើម្បីប្រឈមមុខនឹងបញ្ហាទាំងអស់។ ពួកគេក៏ជាមនុស្សអភិរក្សនិយមផងដែរ ជារឿយៗមិនព្រមទទួលយកយោបល់ពីអ្នកដទៃ។
ចូលដល់ឆ្នាំ២០២២ រាសីចក្រនៃភាពចម្រុងចម្រើន និងលាភសំណាងនឹងឡើងកប់ពពក ។ ប្រសិនបើពួកគេបន្តអាជីពជំនួញ ពួកគេធ្វើបានល្អ ប្រាក់ចំណូលកើនឡើង ហើយទ្រព្យសម្បត្តិក៏មិនអាចកាត់ថ្លៃបាន។ ប្រសិនបើមានបំណុល ពួកគេអាចសងវាបាន។ នៅឆ្នាំនេះ ប្រាក់ចំណូលរបស់ពួកគេកើនឡើងយ៉ាងឆាប់រហ័ស។ ឆ្នាំវកនេះត្រូវដឹងពីរបៀបគ្រប់គ្រងការចំណាយ ដើម្បីសន្សំប្រាក់បន្ថែមទៀត។ ក្នុងឆ្នាំនេះ ការបណ្តាក់ទុននឹងចាប់ផ្តើមផ្តល់ផលសំណាង ទ្រព្យធនចូលមកដល់ផ្ទះ ជួយឱ្យមានភាពសុខសាន្ត និងសុភមង្គល៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
