៩០ថ្ងៃខាងមុខ អ្នកឆ្នាំទាំង៣នេះ ត្រូវប្រយ័ត្នប្រយែងឱ្យខ្ពស់ គ្រោះថ្នាក់នៅក្បែរខ្លួនណាស់
ហោរាសាស្ត្របានឱ្យដឹងថា ក្នុងរយៈពេល ៣ ខែខាងមុខនេះ សម្រាប់អ្នកឆ្នាំទាំងនេះងាយនឹងជួបគ្រោះមហន្តរាយ និងបញ្ហា ដូច្នេះគួរនៅឱ្យឆ្ងាយពីការបណ្ដាក់ទុន ឬចូលក្នុងសង្គមមនុស្សថ្មីៗ។
១. ឆ្នាំមមីរ
អ្នកកើតឆ្នាំមមីរ ជាមនុស្សដែលមានភាពឆ្លាតវៃ ប៉ុន្តែពេលខ្លះក៏មានគ្រោះថ្នាក់ដោយសារភាពវៃឆ្លាតរបស់ខ្លួនដែរ។ ការគិតល្អិតពេក ប្រយ័ត្នពេកនឹងធ្វើឱ្យការងាររបស់អ្នកមិនដូចអ្នកដទៃឡើយ។ ក្នុងឆ្នាំ២០២២នេះ អ្នកគួរកំណត់ការឈ្លោះប្រកែកជាមួយមិត្តរួមការងារនៅកន្លែងធ្វើការ ក្រែងមានបញ្ហាធ្វើឱ្យផ្លូវចិត្តមិនប្រសើរ។
ជាពិសេសអ្នកឆ្នាំសេះ មិនគួរប្រកួតប្រជែងដើម្បីផលប្រយោជន៍ជាមួយមិត្តរួមការងារទេ អ្នកត្រូវគ្រប់គ្រងអារម្មណ៍របស់អ្នកឱ្យបានល្អ។
ក្នុងរយៈពេល ៩០ ថ្ងៃទៀត អ្នកកើតឆ្នាំមមីរ នឹងជួបបញ្ហាសុខភាព ធ្លាក់ខ្លួនឈឺធ្ងន់ និងជួបគ្រោះថ្នាក់ចរាចរណ៍។ វាជាការល្អបំផុតក្នុងការកំណត់ការធ្វើដំណើរផ្លូវឆ្ងាយ បរិភោគអាហារដែលមានជីវជាតិ កាត់បន្ថយការគិតស្មុគស្មាញ ហើយតែងតែរស់នៅជាមួយនឹងគំនិតថាអ្វីៗបានចប់សព្វគ្រប់ ដូច្នេះវាជាការប្រសើរក្នុងការអនុញ្ញាតឱ្យវាកន្លងផុតទៅ។
ហោរាសាស្ត្របានចែងថា ក្នុងរយៈពេល៣ខែខាងមុខនេះ អ្នកកើតឆ្នាំមមីរ ក៏ត្រូវប្រយ័ត្នក្នុងការហូបចុកផង ក្រែងងាយកើតជំងឺរលាកផ្លូវរំលាយអាហារ និងក្រពះ ធ្វើឱ្យអ្នកត្រូវចំណាយលុយច្រើនក្នុងការព្យាបាល ។
២. ឆ្នាំម្សាញ់
ហោរាសាស្ត្រឆ្នាំ២០២២ អ្នកកើតឆ្នាំម្សាញ់ បែរជួបព្យុះ និងគ្រោះមហន្តរាយជាច្រើន។ នៅលើវិថីនៃកេរ្តិ៍ឈ្មោះ និងអាជីព តែងតែព្យាយាមអស់ពីសមត្ថភាព ប៉ុន្តែដោយសារតែសំណាងអាក្រក់ ពួកគេប្រឈមមុខនឹងការលំបាកជាច្រើន។ ទោះជាយ៉ាងណាក៏ដោយ ប្រសិនបើអ្នកប្រឹងប្រែងអស់ពីសមត្ថភាព អ្វីៗនឹងកាត់បន្ថយហានិភ័យបានច្រើន។
ជាពិសេស ៩០ថ្ងៃទៀត ដោយសារគ្រោះមហន្តរាយ អ្នកដែលកើតក្នុងឆ្នាំម្សាញ់ ត្រូវកំណត់ទម្លាប់និយាយដើមគេ ក្រែងលោអ្នក និងថ្នាក់លើមានជម្លោះ នាំឱ្យមានគ្រោះថ្នាក់ដល់មនុស្សកើតក្នុង ឆ្នាំម្សាញ់ នឹងឈឺក្បាលដោយសារការងារ។ ហើយមានពេលខ្លះដែលអ្នកចង់លាឈប់ពីការងារ ប៉ុន្តែការងារនេះមិនងាយស្រួលរកទេ បើអ្នកឈប់ការងារ ប្រាក់ចំណូលគ្រួសាររបស់អ្នកនឹងមានភាពមិនច្បាស់លាស់។
ក្នុងខ្សែស្នេហា បើរៀបការហើយគួរប្រយ័ត្នក្រែងអាពាហ៍ពិពាហ៍កើតមានជម្លោះមិនចាំបាច់។ ប៉ុន្តែជម្លោះជាញឹកញាប់ជាមួយមនុស្សជាទីស្រឡាញ់ធ្វើឱ្យអ្នកធុញទ្រាន់។ ចំណែកសុខភាព ពេលចេញក្រៅត្រូវចៀសវាងការធ្វើដំណើរផ្លូវឆ្ងាយ ចៀសវាងចូលកន្លែងងងឹត ក្រែងមានគ្រោះថ្នាក់ដល់ខ្លួនឯង។
៣. ឆ្នាំឆ្លូវ
ក្នុងរយៈពេល៣ខែខាងមុខនេះ អ្នកកើតឆ្នាំឆ្លូវ ជាអ្នកដែលរងគ្រោះច្រើនជាងគេ។ ក្នុងរយៈពេលនេះ អ្នកកើតឆ្នាំឆ្លូវត្រូវផ្ដោតលើការងារ ប្រឹងប្រែងធ្វើការ និងប្រយ័ត្នពាក្យសម្តី ក្រែងមានគ្រោះព្រោះតែមាត់។ នៅលើផ្លូវនៃសំណាងល្អ សត្វគោមិនមែនជាសត្វសំណាងទេ ប៉ុន្តែផ្ទុយទៅវិញពួកគេមានឱកាសរកលុយបានច្រើន។
ទោះជាយ៉ាងណាក៏ដោយ អ្នកមិនគួរចាយលុយខ្ជះខ្ជាយទេ ក្រែងលោអ្នកងាយនឹងអស់លុយហោប៉ៅ ឬមិនបានសម្រេចគោលដៅធំក្នុងជីវិតដែលបានកំណត់។ ក្នុងរយៈពេល ៩០ ថ្ងៃខាងមុខ ដោយសារឥទ្ធិពលនៃឆ្នាំឆ្លូវ មានការរំខានដល់មនុស្សតូចតាច ជោគវាសនាអាចនឹងជួបរឿងមិនច្បាស់លាស់ជាច្រើន។
ដូច្នេះដើម្បីធានាបាននូវលាភសំណាងរបស់អ្នក មិនគួររកស៊ីអ្វីធំដុំឡើយ ក្រែងលោខាតបង់អស់ពីខ្លួន។ ក្នុងឆ្នាំនេះ ឆ្លូវត្រូវប្រឹងប្រែងតែការងារដែលខ្លួនកំពុងធ្វើ កុំប្រថុយក្រែងខាតលុយកាក់ ឡុងចុង៕
*អត្ថបទគឺសម្រាប់ជាឯកសារយោងប៉ុណ្ណោះ!
ប្រភព ៖ Phunutoday / Knongsrok
ព័ត៌មានថ្មីៗ
