ចូលដល់ខែដំបូងនៃឆ្នាំថ្មី អ្នកកើតក្នុងឆ្នាំទាំង៣នេះ ចូលប្រុងប្រយ័ត្ន បង់លាភជួបគ្រោះ
ហោរាសាស្ត្របានដាស់តឿនអ្នកកើតក្នុងឆ្នាំទាំង ៣ខាងក្រោមនេះ ឱ្យមានការប្រុងប្រយ័ត្នឱ្យបានខ្ពស់ នៅក្នុងខែដំបូងនៃឆ្នាំ២០២២ខាងមុខនេះ ព្រោះអាចនឹងមានរឿងមិនល្អកើតឡើងចំពោះអ្នក។
១. ឆ្នាំឆ្លូវ «គោ»
គោ គឺជាសញ្ញារាសីចក្រដែលមិនមានសំណាងនៅក្នុងខែមករាឆ្នាំ ២០២២ ដូច្នេះអ្នកត្រូវប្រុងប្រយ័ត្នបន្ថែមទៀតឱ្យបានច្រើន។ ក្នុងអំឡុងពេលនេះ ឆ្នាំឆ្លូវគួរចៀសវាងទំនាក់ទំនងជិតស្និទ្ធពេកជាមួយមន្ត្រីក្នុងជួររដ្ឋាភិបាល ជាពិសេសអ្នកដែលមានភាពលោភលន់ ដើម្បីចៀសវាងការប៉ះពាល់ដល់ការអភិវឌ្ឍន៍របស់ពួកគេទៅថ្ងៃអនាគត។
ជាពិសេសនាពេលខាងមុខ ស្ថានភាពហិរញ្ញវត្ថុរបស់អ្នក នឹងមិនដូចការរំពឹងទុកនោះទេ អ្នកថែមទាំងត្រូវប្រើលុយផ្ទាល់ខ្លួនដើម្បីដោះស្រាយការលំបាកភ្លាមៗថែមទៀតផង។ យ៉ាងណាមិញ អ្នកគួរព្យាយាមបំពេញកិច្ចការឱ្យបានល្អ កុំធ្វេសប្រហែសធ្វើខុសឱ្យសោះ។
ក្នុងរឿងស្នេហា អ្នកគួរចេះធ្វើចិត្តឱ្យធ្ងន់ កុំឆេវឆាវ ព្រោះបើអ្នកនៅតែរឹងរូស វានឹងធ្វើឱ្យអ្នក និងដៃគូមានជម្លោះកាន់តែធ្ងន់ធ្ងរ។ ប្រសិនបើដៃគូទាំងពីរមិនព្រមចុះចាញ់នោះទេ ទំនាក់ទំនងនឹងកាន់តែយ៉ាប់យ៉ឺនយ៉ាងឆាប់រហ័ស។
២. ឆ្នាំវក «ស្វា»
នៅពេលនេះ អ្នកដែលកើតឆ្នាំវក ត្រូវយកចិត្តទុកដាក់ឱ្យខ្ពស់លើការងារដែលខ្លួនកំពុងធ្វើ បើមិនដូច្នេះទេ ងាយនឹងមានកំហុស បង្កើតឱកាសឱ្យជនខិលខូច ឆ្លៀតឱកាស។ ប្រយ័ត្នមនុស្សដែលរួសរាយរាក់ទាក់នឹងអ្នក កំណត់ការប៉ះទង្គិចជាមួយមនុស្សតូចតាច ការងារនឹងមិនសូវមានបញ្ហាឡើយ។
ជាពិសេសសម្រាប់អ្នកកើតឆ្នាំវក ដែលកំពុងចាប់ផ្តើមរកស៊ី អ្នកត្រូវកំណត់ឱ្យច្បាស់ថាដៃគូរបស់អ្នកជានរណា ហើយសក្តិសមគួរទុកចិត្តឬអត់ ដើម្បីចៀសវាងការវិនិយោគខុស និងខាតលុយ។
ចំណែកឯរឿងស្នេហាអ្នកកើតឆ្នាំស្វា ក្នុងខែមករានេះក៏អាប់អួរដែរ ក្នុងអំឡុងពេលនេះ ប្ដីប្រពន្ធតែងឈ្លោះប្រកែកគ្នាដោយសារបញ្ហាកើតឡើងក្នុងជីវិត។
៣. ឆ្នាំរោង «នាគ»
ឆ្នាំរោងត្រូវត្រៀមចិត្តដើម្បីប្រឈមមុខនឹងរឿងដែលមិននឹកស្មានដល់។ ត្រូវមានភាពស្ងប់ស្ងាត់ពេលដោះស្រាយការងារ ជាពិសេសការងារកាន់តែលំបាក ទាមទារឱ្យមានការអត់ធ្មត់ឱ្យកាន់តែខ្ពស់។
ក្នុងខែមករានេះ ឱកាសរកស៊ីមានច្រើន ប៉ុន្តែយកល្អកុំប្រញាប់ពេក មិនចេះអត់ធ្មត់ ត្រូវកំណត់ដែនកំណត់សមត្ថភាពរបស់អ្នកឱ្យច្បាស់ កុំរត់តាមអ្វីដែលមិនពិត ឬលើសលប់ហួសពីលទ្ធភាពដែលមាន៕
ប្រភព ៖ Phunutoday / Knongsrok
ព័ត៌មានថ្មីៗ
