ចាប់ពីវ័យកណ្ដាលទៅ អ្នកនឹងដឹងថា មនុស្សណាដែលអ្នកអាចពឹងពាក់ និងនៅជាមួយបានពេញមួយជីវិត
បន្ទាប់ពីពាក់កណ្តាលជីវិទៅ មនុស្សនឹងដឹងថា អ្នកណានៅពីក្រោយ អ្នកណានឹងនៅជាមួយយើងជារៀងរហូត អ្នកណាអាចចាំស្វាគមន៍យើងគ្រប់ពេលវេលា។ ពេលវេលានឹងបង្ហាញថាមនុស្ស ៣ នាក់ខាងក្រោមនេះ គឺជាជំនួយដ៏ល្អបំផុតសម្រាប់វ័យកណ្តាលរបស់អ្នក។
១. អ្វីដែលល្អបំផុតគឺពឹងផ្អែកលើខ្លួនឯង
វិរៈបុរសដ៏អស្ចារ្យបំផុតក្នុងជីវិតរបស់យើង គឺយើងខ្លួនឯងនេះហើយ។ ព្រោះមិនថាយើងទៅទីណា ឡើងភ្នំ ចុះទឹក ចូលព្រៃ គឺមានតែយើងខ្លួនឯងទេ ដែលជាអ្នកនៅក្បែរ និងអាចជួយខ្លួនឯងបានលឿនបំផុត។
ក្នុងជីវិតនេះ មិនយូរមិនឆាប់ អ្នកនឹងដឹងរឿងមួយថា ផ្លូវគឺមានតែអ្នកទៅម្នាក់ឯង គ្មានអ្នកណាអាចតាមអ្នកបានរហូតនោះទេ។
ដូច្នេះ ជំនួសឱ្យការពឹងលើអ្នកដទៃ ចូរពឹងលើខ្លួនឯង ធ្វើអ្វីដោយខ្លួនឯង កុំសួរអ្នកដទៃ កុំរំពឹងលើអ្នកណា។ មានតែពេលនោះទេ អ្នកអាចដូចជាដើមឈើចំណាស់មួយដើមដែលតែងតែឈរយ៉ាងរឹងមាំក្នុងពាក់កណ្តាលជីវិត ទោះបីជាជីវិតមានព្យុះយ៉ាងណាក៏ដោយ។
មានតែការពឹងផ្អែកលើខ្លួនឯង និងមានទំនុកចិត្តលើខ្លួនឯងតែប៉ុណ្ណោះ ទើបអ្នកមិនត្រូវមើលរំលង ហើយនឹងជួយឱ្យជីវិតរបស់អ្នកកាន់តែមានស្ថិរភាពនាពេលអនាគត។
អ្នកដែលឈានដល់អាយុហាសិបឆ្នាំ គឺសុទ្ធតែជាមនុស្សដែលបានរស់នៅពាក់កណ្តាលជីវិតរបស់ពួកគេ។ ប៉ុន្មានឆ្នាំមកនេះ របស់ដែលអ្នកបាននាំមកជាមួយខ្លួនឯងពិតជាហួសហេតុពេក ទុក្ខលំបាកដែលអ្នកត្រូវស៊ូទ្រាំក៏មានច្រើនដែរ។ ចាប់ពីពេលនេះទៅ អ្នកគួរស្រឡាញ់ខ្លួនឯងឱ្យបានច្រើន យកចិត្តទុកដាក់កែតម្រូវលើខ្លួនឯងឱ្យបានច្រើន មើលថែខ្លួនឯងឱ្យបានល្អ។
២. ដៃគូជីវិត
ភាពជាដៃគូ គឺជាមនុស្សដែលរួមដំណើរជាមួយយើងពេញមួយជីវិត។ ដៃគូជីវិតរបស់អ្នក គឺជាមនុស្សដែលនឹងនៅជាមួយអ្នកបានយូរបំផុត។ ឪពុកម្តាយនឹងចាកចេញពីអ្នកទៅ នៅថ្ងៃណាមួយ កូនធំឡើងក៏មានគ្រួសារ និងមានមុខរបរ មិនអាចនៅក្បែរអ្នកអស់មួយជីវិតបានឡើយ។
មានតែដៃគូជីវិតរបស់អ្នកទេ ដែលនៅជាមួយអ្នកគ្រប់ពេល។ ដោយសារមនុស្សម្នាក់នោះអមដំណើរអ្នក អ្នកនឹងលែងមានអារម្មណ៍ឯកាក្នុងដំណើរជីវិតនេះទៀតហើយ។
៣. ការដែលមានកូនកត្តញ្ញូ
បន្ទាប់ពីពាក់កណ្តាលជីវិតមនុស្ស កូនធំឡើងក៏មានគំនិត និងការប្រឹងប្រែងរៀងៗខ្លួន កុំដាក់កម្រិតលើពួកគេច្រើនពេក កុំចាត់ចែងលើជីវិតរបស់កូនៗ រហូតដល់មិនបណ្ដែតបណ្ដោយគេឱ្យសោះ។
នៅក្នុងដំណើរការនៃការធំឡើងរបស់កូន ពួកគេមិនត្រឹមតែត្រូវការការណែនាំពីអ្នកប៉ុណ្ណោះទេ ពួកគេក៏ផ្តល់ក្តីសង្ឃឹមជាច្រើនដល់អ្នកផងដែរ ព្រោះវាក៏កំពុងបង្រៀនអ្នកនូវអ្វីថ្មីៗផងដែរ។ ពីកូនរបស់អ្នក អ្នកនឹងរកឃើញការផ្លាស់ប្តូរនៃពេលវេលា ហើយក៏អាចរកឃើញភាពជោគជ័យ និងភាពបរាជ័យរបស់អ្នកផងដែរ។
នៅពេលដែលមនុស្សឈានដល់អាយុ ៥០ឆ្នាំ ការរងទុក្ខដ៏ធំបំផុត គឺមិនមានប្រាក់ចំណូលនោះទេ ប៉ុន្តែគឺការមិនមានគ្រួសារពេញលេញ។ ប្រសិនបើកូនរបស់អ្នកទាំងអស់គ្នាចេះធ្វើការនឿយហត់ ទោះអ្នកនឿយហត់ប៉ុនណាក៏ដោយ អ្នកនឹងមានអារម្មណ៍ថាសក្ដិសម និងមានទំនុកចិត្តក្នុងការបន្តការតស៊ូ។
ជីវិតមានភ្លៀងខ្យល់ធ្លាក់ច្រើនដង។ បន្ទាប់ពីអាយុ ៥០ ឆ្នាំ ការមានកូន ការមានប្រពន្ធ និងមិត្តភក្តិនៅជុំវិញគឺជារឿងដ៏រីករាយបំផុត៕
ប្រភព ៖ Emdep / Knongsrok
ព័ត៌មានថ្មីៗ
