សម្រាប់មនុស្សស្រី ដែលមានប្រជ្រុយទាំង ៦ទីតាំងនេះ ច្រើនតែជាមនុស្សដែលមានជីវិតហត់នឿយច្រើន
ស្ត្រីដែលមានប្រជ្រុយក្នុងមុខតំណែងទាំងនេះ ច្រើនតែជួបការលំបាក និងហត់នឿយក្នុងជីវិត។ មនុស្សទាំងនេះ ត្រូវធ្វើការ រកលុយយ៉ាងលំបាក ស្ទើរតែពេញមួយជីវិត។
១. ប្រជ្រុយនៅលើម្រាមជើង
ស្ត្រីដែលមានប្រជ្រុយនៅម្រាមកូនជើង មានការលំបាកច្រើន ប៉ុន្តែក្នុងភាពលំបាក ក៏មានសំណាងលាយលំផងដែរ។ ជារឿយៗពួកគេត្រូវឃ្លាតឆ្ងាយពីគ្រួសារ ឬអាចនឹងត្រូវទៅរស់នៅក្រៅប្រទេស ផ្សងព្រេងតែម្នាក់ឯង។ ប៉ុន្តែបើអ្នកធ្វើការពីផ្ទះកាន់តែច្រើន វាកាន់តែស្រួល។ ឈានដល់វ័យកណ្តាលគេនឹងមានអាហារហូប ដូច្នេះមិនបាច់ព្រួយច្រើនទេ ជីវិតក៏មិនអន់ដែរ។
២. ប្រជ្រុយនៅលើកជើង
ប្រជ្រុយនៅកជើង បង្ហាញពីមនុស្សដែលខ្វល់ខ្វាយរឿងលុយកាក់ នឿយហត់ និងកម្រមានពេលវេលាសម្រាកណាស់។ ពួកគេរស់នៅដើម្បីមនុស្សជុំវិញខ្លួនច្រើនពេក។ ពួកគេចំណាយពេលស្ទើរតែពេញមួយជីវិតរបស់ពួកគេ ដើម្បីមើលថែអ្នកដទៃ ដោយភ្លេចថាពួកគេត្រូវការស្រឡាញ់ផងដែរ។
៣. ប្រជ្រុយនៅលើជើង
តាមនរវិទ្យា មនុស្សនេះត្រូវរស់នៅឆ្ងាយពីគ្រួសារពេញមួយជីវិត។ ពួកគេត្រូវផ្លាស់ទីច្រើន ហើយក៏មិនមានពេលវេលាគេងបានស្កប់ស្កល់ឡើយ។ ទោះជាយ៉ាងណាក៏ដោយ ក៏ជីវិតមនុស្សទាំងនេះ មិនមានសំណាងអាក្រក់ច្រើននោះដែរ។
បើមើលពីទស្សនៈវិជ្ជមាន ពួកគេមានភាពភ្លឺស្វាង ឆ្លាតវៃ និងមានចំណេះដឹង។ ដូច្នេះ អាជីពរបស់ពួកគេងាយនឹងត្រូវបានអ្នកមានបុណ្យ ឬមនុស្សខ្ពង់ខ្ពស់ តាមជួយជ្រោមជ្រែងផងដែរ។
៤. ប្រជ្រុយនៅខ្នងខាងក្រោយ
នរវិទ្យាជឿថា មនុស្សដែលមានប្រជ្រុយនៅលើខ្នង កើតមកជាមួយនឹងការខិតខំធ្វើការតែម្នាក់ឯង ដើម្បីរកប្រាក់។ បើទោះជាកើតក្នុងគ្រួសារអ្នកមានក៏ដោយ ក៏មនុស្សទាំងនេះ នៅតែត្រូវរកស៊ី ធ្វើការ រកលុយ ដោយពឹងផ្អែកលើខ្លួនឯង។ ជាទូទៅ វាពិបាកសម្រាប់ពួកគេក្នុងការដឹកនាំជីវិតប្រកបដោយសន្តិភាព។
៥. ប្រជ្រុយនៅលើដៃ
មនុស្សដែលមានប្រជ្រុយនៅលើដៃ ជារឿយៗមានជីវិតលំបាកជាងអ្នកដទៃ។ ពួកគេត្រូវតែទ្រាំទ្រនឹងសម្ពាធ និងទំនួលខុសត្រូវក្នុងជីវិតកាន់តែច្រើន។ ពួកគេក៏ត្រូវប្រឹងប្រែងឱ្យបានច្រើន ដើម្បីសម្រេចបានជោគជ័យក្នុងអាជីពរបស់ខ្លួន។
៦. ប្រជ្រុយនៅលើស្មា
នរវិទ្យាជឿថា ប្រជ្រុយដែលដុះនៅលើស្មាខាងឆ្វេង គឺជាបន្ទុក និងទុក្ខវេទនា ហើយប្រជ្រុយដែលដុះនៅលើស្មាស្តាំ គឺជាភាពក្រីក្រ។ ជាទូទៅ ថាតើប្រជ្រុយនៅស្មាឆ្វេង ឬស្តាំ គឺជាសញ្ញានៃការលំបាក។
ស្ត្រីដែលមានប្រជ្រុយដុះលើស្មាខាងឆ្វេង ច្រើនតែត្រូវមើលថែការងារផ្ទះតែម្នាក់ឯង។ ជីវិតរបស់ពួកគេលំបាកដោយសារតែគ្រួសារ និងកូនរបស់ប្តី។
ស្ត្រីដែលមានប្រជ្រុយនៅលើស្មាខាងស្តាំ ឧស្សាហ៍ព្យាយាម និងហត់នឿយ ប៉ុន្តែពួកគេក៏ត្រូវឆ្លងកាត់ដំណើរការការងារដ៏លំបាកបំផុត ដើម្បីសម្រេចបានជោគជ័យ។
ប្រយ័ត្នកុំច្រឡំប្រជ្រុយរវាងស្មា និងឆ្អឹងកង។ ប្រសិនបើអ្នកមានប្រជ្រុយនៅលើឆ្អឹងកងរបស់អ្នក ជោគវាសនារបស់អ្នកប្រែប្រួលក្នុងទិសដៅខុសគ្នាទាំងស្រុង៕
* ព័ត៌មានគឺសម្រាប់តែឯកសារយោងប៉ុណ្ណោះ!
ប្រភព ៖ Phunutoday / Knongsrok
ព័ត៌មានថ្មីៗ
