ឆ្នាំទាំង៣ រាសីឡើងខ្ពស់ត្រដែត នៅឆ្នាំក្រោយនេះ
យោងតាមការទស្សន៍ទាយរបស់ហោរាសាស្ត្របានទាយដឹងថា ឆ្នាំក្រោយនេះ នឹងមានឆ្នាំ៣ ក្លាយជាឆ្នាំដែលមានរាសីឡើងខ្ពស់ត្រដែតជាងគេ មានទាំងសំណាង បានទាំងលុយ ការងាររលូន ជោគជ័យគ្រប់កិច្ចការទាំងអស់។
១. ឆ្នាំមមីរ «សេះ»
ហោរាសាស្ត្រ បានឱ្យដឹងថា អ្នកកើតឆ្នាំមមីរ រាសីសម្រាប់ឆ្នាំក្រោយនេះ នឹងពោរពេញទៅដោយថាមពលវិជ្ជមាន ហើយតែងតែព្យាយាមក្នុងការងារ និងជីវិត។ អ្នកកើតឆ្នាំមមីរ មិនងាយបាក់ទឹកចិត្តដោយសារសម្ពាធជុំវិញខ្លួនឡើយ ហើយក៏មិនដែលធ្វេសប្រហែសនឹងការងារ តួនាទីរបស់ខ្លួនដែរ។
ដោយសារតែហេតុនេះហើយ ទើបធ្វើឱ្យពួកគេទទួលបានលាភសំណាងច្រើន នៅក្នុងឆ្នាំ២០២២ខាងមុខនេះ។ បើទោះបីជាឆ្នាំនេះ អ្នកកើតឆ្នាំមមីរមានជីវិតលំបាក យ៉ាប់យ៉ឺន បរាជ័យ បាក់ទឹកចិត្ត អ្វីៗដែលគិតមិនបានដូចការរំពឹងក៏ពិតមែន។ ទោះយ៉ាងណាក៏ដោយ ទាំងនោះគឺជាបទពិសោធន៍ដ៏មានតម្លៃសម្រាប់ជីវិតទៅថ្ងៃមុខ។
ដូច្នេះ ឆ្នាំក្រោយនឹងក្លាយជាការចាប់ផ្តើមថ្មីសម្រាប់អ្នកកើតឆ្នាំមមីរ។ ដោយមានជំនួយពីអ្នកមានបុណ្យ អ្នកកើតឆ្នាំនេះអាចបន្តអភិវឌ្ឍក្នុងអាជីពរបស់គាត់ និងឈានទៅមុខខ្ពស់ជាងនេះ។
២. ឆ្នាំរកា «មាន់»
អ្នកដែលកើតក្នុងឆ្នាំរកា មានចរិតបើកចំហរ ស្មោះត្រង់ ស្លូតបូតក្នុងគ្រប់កិច្ចការដែលខ្លួនធ្វើ និងមិនធ្វើឱ្យអ្នកដទៃមើលងាយ។ ក្នុងជីវិតអ្នកកើតឆ្នាំរកា តែងមានសុទិដ្ឋិនិយម ឆ្ពោះទៅរករឿងល្អ និងវិជ្ជមាន។ បើស្ថានភាពឆ្នាំនេះមិនល្អទេ មាន់ត្រូវចេះរក្សាកម្លាំង ទើបឆ្នាំក្រោយឱកាសមកដល់ ត្រូវផ្តោតលើការអភិវឌ្ឍន៍ ទទួលបានលទ្ធផលរំពឹងទុក។
ជាទូទៅឆ្នាំ ២០២២ គឺជាពេលវេលាដែលមានតម្លៃរង់ចាំសម្រាប់មនុស្សដែលកើតក្នុងឆ្នាំរកា។ ចាប់ពីខែដំបូងនៃឆ្នាំក្រោយនេះ អ្នកនឹងបានទទួលការផ្លាស់ប្តូរយ៉ាងខ្លាំងនៃទ្រព្យសម្បត្តិរបស់អ្នក ធ្វើអ្វីៗគ្រប់យ៉ាងដោយរលូនដោយមានការគាំទ្រដ៏មានតម្លៃ។
៣. ឆ្នាំកុរ «ជ្រូក»
អ្នកកើតឆ្នាំជ្រូកមានចរិតស្លូតបូត ស្មោះត្រង់ និងចិត្តល្អ។ មនុស្សកើតឆ្នាំនេះ គឺជាមនុស្សឆ្លាត និងរួសរាយរាក់ទាក់ ហើយត្រូវបានមនុស្សជាច្រើនស្រឡាញ់ ដូច្នេះមិនខ្វះទេមនុស្សខ្ពង់ខ្ពស់ក្នុងជីវិតដែលត្រៀមខ្លួនការពារ និងជួយក្នុងគ្រាលំបាក។
ចូលឆ្នាំ ២០២២ សំណាងនឹងចូលឆ្នាំជ្រូកច្រើនជាងឆ្នាំនេះ។ ហោរាសាស្ត្រនិយាយថាឆ្នាំជ្រូកអាចធ្វើឱ្យមានលាភចូលក្នុងវិស័យដែលអ្នកកំពុងតាមដាន ។ អនាគតនឹងនាំមកនូវប្រាក់ចំណូលល្អ និងមុខតំណែងការងារកាន់តែប្រសើរសម្រាប់ឆ្នាំជ្រូក៕
ប្រភព ៖ Phunutoday / Knongsrok
ព័ត៌មានថ្មីៗ
