ទស្សន៍ទាយជោគវាសនា និងលាភសំណាង ឆ្នាំទាំង១២ សម្រាប់ឆ្នាំ ២០២២
ឆ្នាំ២០២២ខាងមុខនេះ ត្រូវនឹងឆ្នាំខាល (ខ្លា) ហោរាបានធ្វើការទស្សន៍ទាយពីលាភសំណាងរបស់សត្វទាំង១២។ តោះស្វែងយល់ទាំងអស់គ្នា តើអ្នកកើតឆ្នាំណាដែរ? ហើយឆ្នាំក្រោយនេះ អ្នកនឹងមានវាសនា លាភសំណាងបែបណាខ្លះ?
១. ឆ្នាំជូត (កណ្ដុរ)
ឆ្នាំជូត គឺជាឆ្នាំទី១ ក្នុងចំណោមឆ្នាំទាំង១២ សម្រាប់ជោគវាសនារបស់អ្នកកើតឆ្នាំជូត ក្នុងឆ្នាំ២០២២ខាងមុខនេះ នឹងមានភាពរលូនល្អប្រសើរ រីកចម្រើនជាបន្តបន្ទាប់។ លើសពីនេះ អ្នកក៏នឹងមានអ្នកមានបុណ្យ ក៏ដូចជាទេវតាតាមថែរក្សាផងដែរ។ ជាពិសេសសម្រាប់មនុស្សស្រី ឆ្នាំ២០២២ខាងមុខនេះ អ្នកនឹងទទួលបានលាភសំណាងទ្វេដង មិនថាធ្វើអ្វីក៏សម្រេចបានជោគជ័យដែរ។
២. ឆ្នាំឆ្លូវ (គោ)
សម្រាប់អ្នកដែលកើតឆ្នាំឆ្លូវ មិនត្រឹមតែមានការងារល្អប៉ុណ្ណោះទេ ថែមទាំងទទួលបានជំនួយពីមនុស្សថ្លៃថ្នូរខ្ពង់ខ្ពស់ថែមទៀតផង មិនថាអ្នកធ្វើការ ឬប្រកបមុខរបរនោះឡើយ អ្នកនឹងទទួលបានផលយ៉ាងគាប់ចិត្ត។ លើសពីនេះ រាសីចក្រនេះក៏ចេះដោះស្រាយបញ្ហាផ្សេងៗទាក់ទងនឹងស្នេហា អាពាហ៍ពិពាហ៍ និងគ្រួសារផងដែរ។
៣. ឆ្នាំខាល (ខ្លា)
ចំពោះអ្នកកើតឆ្នាំខាល ដ្បិតថាជាឆ្នាំជាន់ក៏ពិតមែន តែអ្នកក៏នឹងបានធូរស្បើយពីបញ្ហាទាំងពួង សម្ពាធក៏ត្រូវបានកាត់បន្ថយផងដែរ ដូច្នេះ មិនមានភាពព្រួយបារម្ភអ្វីច្រើនឡើយ។
៤. ឆ្នាំថោះ (ទន្សាយ)
អ្នកកើតឆ្នាំទន្សាយមានលាភសំណាងក្នុងរឿងស្នេហា នៅក្នុងឆ្នាំ២០២២នេះ។ រឿងស្នេហាមានសញ្ញាផ្តល់ផលប្រយោជន៍ច្រើន មានសុភមង្គល និងកក់ក្ដៅ។ លើសពីនេះ សំណាងរបស់អ្នកកើតក្នុងឆ្នាំថោះនេះក៏បង្ហាញពីភាពអស្ចារ្យ និងសម្បូរលុយកាក់ផងដែរ។
៥. ឆ្នាំរោង (នាគ)
អ្នកកើតឆ្នាំរោង មានរាសីល្អ រាសីឡើងខ្ពស់ត្រដែតពេញមួយឆ្នាំ ហើយការងារក៏ផ្តល់ផលល្អ។ មិនត្រឹមតែប៉ុណ្ណោះ សត្វមួយប្រភេទនេះ ក៏មានមនុស្សខ្ពង់ខ្ពស់ជួយឧបត្ថម្ភផងដែរ ដូច្នេះ ទោះបីមានអ្នកមានគំនិតមិនល្អលើអ្នក ក៏មិនអាចធ្វើអ្វីអ្នកបានដែរ។
៦. ឆ្នាំម្សាញ់
អ្នកដែលកើតក្នុងឆ្នាំម្សាញ់ នឹងទទួលបានការបីបាច់ថែរក្សាពីទេវតាឆ្នាំខ្លា ដូច្នេះសត្វនេះនឹងទទួលបានជំនួយនៅពេលជួបការលំបាក និងឧបសគ្គ។ លើសពីនេះ អ្នកនឹងទទួលបានលាភសំណាងទ្វេដង មិនថាអ្នកធ្វើអ្វីនោះឡើយ។ រាសីរបស់អ្នកពិតជាល្អខ្លាំង ជោគវាសនាមានលាភសំណាងធំ លុយកាក់ មាសប្រាក់ហូរហៀរក្រៃលែង។
៧. ឆ្នាំមមីរ (សេះ)
អ្នកកើតឆ្នាំមមីរ ហើយបានជួបនឹងស្តេចចក្រពត្តិទាំងបី មានលាភ មានជ័យ ដូច្នេះហើយ អាជីពការងារ មានភាពចម្រុងចម្រើន ហើយប្រាក់ចំណូលកើនឡើងយ៉ាងខ្លាំង។ លើសពីនេះ អ្នកក៏អាចទទួលបានសេចក្តីរីករាយបន្ថែមទៀត អំពីការមានកូនប្រុសផងដែរ។
៨. ឆ្នាំមមែ (ពពែ)
ក្នុងឆ្នាំថ្មីឆ្នាំនេះ សម្រាប់អ្នកកើតឆ្នាំពពែមានសំណាងល្អក្នុងរឿងស្នេហា។ អ្នកនៅលីវអាចរកគូរួមចិត្តមួយថ្លើមមួយបានក្នុងពេលឆាប់ៗនេះ ខណៈពេលដែលអ្នករៀបការរួច ក៏នឹងមានអារម្មណ៍កក់ក្ដៅដោយមិនមានជម្លោះ ឬឈ្លោះប្រកែកគ្នាជាមួយនឹងដៃគូនោះឡើយ។
៩. ឆ្នាំវក (ស្វា)
ក្នុងឆ្នាំ២០២២ខាងមុខនេះ អ្នកដែលកើតឆ្នាំវក នឹងមានសុខភាពមាំមួន ហើយកម្រនឹងមានជំងឺធ្ងន់ធ្ងរណាស់។ មិនត្រឹមតែប៉ុណ្ណោះទេ ដំណើរការនៃស្នេហារបស់អ្នក ក៏មានភាពងប់ងល់ផងដែរ។ សម្រាប់អ្នករៀបការរួច នឹងមានដំណឹងល្អ អាចមានកូនជាទ្រព្យដ៏មានតម្លៃ។
១០. ឆ្នាំរកា (មាន់)
និយាយចំពោះអ្នកកើតឆ្នាំរកាវិញ ក្នុងឆ្នាំ២០២២ខាងមុខនេះ រាសីអ្នកមិនសូវជាល្អគាប់ឡើយ តែយ៉ាងណាមិញ មិនបាច់បារម្ភច្រើនពេកទេ ដរាបណាអ្នករក្សាចិត្តគំនិតឱ្យល្អ អត់ធ្មត់ឱ្យបានខ្ពស់ អ្នកនឹងអាចដោះស្រាយបញ្ហាបានដោយរលូន សេចក្ដីអត់ធ្មត់ និងការខំប្រឹងដោយស្ងៀមស្ងាត់ ក៏អាចយឹតយោងរាសីអ្នកឱ្យមានភាពប្រសើរឡើងដែរ។
១១. ឆ្នាំច (ឆ្កែ)
រីឯអ្នកកើតឆ្នាំ ច អ្នកនឹងបានជួបប្រទះនឹងស្ថានភាពនៃសហជីព៣ កើតឡើងវិញ និងលាភសំណាងធំ ដូច្នេះអាជីពការងាររីកចម្រើនល្អ រកប្រាក់ចំណូលបានច្រើន អ្នកក៏មានសំណាងបានជួបដៃគូស្មោះស្ម័គ្រ។ ឆ្នាំ២០២២ខាងមុខនេះ ជាឆ្នាំដែលអ្នកសមប្រកបគ្រប់វិស័យទាំងអស់ ទាំងស្នេហា ការងារ ក៏ដូចជាសុខភាពល្អប្រសើរផងដែរ។
១២. ឆ្នាំកុរ (ជ្រូក)
នៅឆ្នាំខ្លា ២០២២ខាមុខនេះ សម្រាប់អ្នកកើតឆ្នាំជ្រូក អាចទទួលបានដំណឹងល្អក្នុងរឿងស្នេហា។ លើសពីនេះទៅទៀត វិថីអាជីពក៏មានការបោះជំហានទៅមុខយ៉ាងធំផងដែរ ដោយសារតែអ្នកនឹងបានជួបទេវតាទ្រព្យ ទេវតាសំណាង ដែលចុះមកថែរក្សាបីបាច់ និងជួយសម្រេចគ្រប់បំណងប្រាថ្នារបស់អ្នក៕
* ព័ត៌មានសម្រាប់ជាឯកសារយោងប៉ុណ្ណោះ!
ប្រភព ៖ Phunutoday / Knongsrok
ព័ត៌មានថ្មីៗ
