តាមក្បួនហុងស៊ុយ បើសុខៗឃើញរឿងមិនល្អ ៤ នេះ វាជាប្រផ្នូលអាក្រក់ដែលអ្នកត្រូវប្រយ័ត្ន
តាមក្បួនហុងស៊ុយ គឺគេជឿខ្លាំងណាស់លើប្រផ្នូល ឬសញ្ញាព្រមានចៃដន្យណាមួយ ដែលសុខៗវាកើតឡើងខុសទំនង។ ឧទាហរណ៍៖ ដូចសុខៗរូបថតអ្នកដែលបានចែកឋានទៅរលំ ក្បែរអាសនៈមានស្នាមជញ្ជាំងប្រេះ នោះសុទ្ធតែជារឿងមិនល្អ។
៤) គំនូររូបតាំងក្នុងបន្ទប់គេងសុខៗប្រេះ ឬបែកបាក់
ក្នុងបន្ទប់គេងរបស់អ្នក ជាកន្លែងដែលស្តារថាមពលយើងត្រលប់មកវិញជារៀងរាល់ថ្ងៃ។ តាមក្បួនហុងស៊ុយ ប្រសិនយើងមានរូបគំនូរតាំងក្នុងបន្ទប់ ហើយសុខៗវាបែរជាខូចទ្រង់ទ្រាយដើម ដោយមិនមានមូលហេតុអ្វីដែលអ្នកដឹងនោះ វាដូចជាប្រផ្នូលអាក្រក់មួយអ៊ីចឹងដែរ ពោលនៅពេលខាងមុខ អ្នកអាចជានឹងជួបរឿងមិនល្អ។
៣) រូបថតសាច់ញាតិចែកឋាន ផ្អៀងឬធ្លាក់
គ្រួសារនីមួយៗមានទម្លាប់គោរព ថ្វាយបង្គំដូនតា ហើយតែងតែមានបន្សល់ទុកនូវរូបថតសាច់ញាតិដែលបានចែកឋានទៅទុកខាងក្នុងផ្ទះ។ ប្រសិនថ្ងៃណាមួយ សុខៗរូបថតនោះរលំ ផ្អៀង ធ្លាក់ សូមប្រញាប់កែតម្រូវឲ្យបានលឿន។
មួយផ្សេងទៀត ប្រសិនមានដំណក់ទឹកស្រក់មកលើរូប នោះប្រៀបដូចជាទឹកភ្នែករបស់ពួកគាត់អ៊ីចឹងដែរ ដែលបង្ហាញពីប្រផ្នូលមិនល្អ អាចនាំគ្រោះមហន្តរាយណាមួយ ពាក់ព័ន្ធនឹងបញ្ហាអាជីពការងារ ការរកស៊ី ឬបញ្ហាសុខភាពជាដើម។
២) ប្រេះជញ្ជាំង ក្បែរទីតាំងអាសនៈ
ប្រសិននៅក្បែរទីតាំងអាសនៈ យើងសង្កេតឃើញស្នាមប្រេះនៃជញ្ជាំងរំលេចចេញមក វាជាប្រផ្នូលដែលធ្វើឲ្យការងារ ការរកស៊ីរបស់យើង ទទួលបានផលមិនល្អ។ បើនិយាយពីសុខភាព អ្នកនៅក្នុងផ្ទះអាចនឹងមានជំងឺដោយមិនដឹងមុនណាមួយកើតឡើង។
១) ឆ្មាខ្មៅក្រវែលផ្ទះ
បែរជាឆ្មាសម្បុរ ៣ តាមក្បួនគឺល្អ តែបើជាឆ្មាពណ៌ខ្មៅងងឹត ចេះតែក្រវែលផ្ទះ មិនព្រមទៅណាសោះ នោះតាមក្បួនវាដូចជាថាមពលអវិជ្ជមាន ឬរឿងមិនល្អកំពុងបៀតបៀនមកកាន់ជីវិតរបស់យើងហើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
