ក្បួនមើលម្រាមដៃកូន ក្រឡេកតែ ៥ វិនាទី អាចទាយដឹងអនាគតអ្នកនឹងមានឬក្រ?
មនុស្សយើងម្នាក់ៗមានជោគវាសនាខុសៗពីគ្នា ហើយខ្លះទៅគេសំណាងកើតមកមិនសូវប្រឹង ក៏បានគ្រួសារតាមជ្រោមជ្រែងឥតឈប់ ខ្លះទៅខំរកប៉ុណ្ណា ក៏ត្រូវការពេលយូរ ទម្រាំអាចក្លាយជាអ្នកមានបាន។
តាមរយៈក្បួនទស្សន៍ទាយជោគវាសនាមួយនេះ អ្នកគ្រាន់តែលើកបាតដៃឡើង ហើយមើលទៅម្រាមដៃកូនឲ្យជាប់រយៈពេល ៥ វិនាទី រួចទៅផ្ទៀងផ្ទាត់ចម្លើយដូចបង្ហាញខាងក្រោម៖
១) ម្រាមដៃមានក្រញៅរាងមូល
មនុស្សដែលមានម្រាមដៃ លេចចេញក្រញៅរាងមូល មិនថាតែជាបុរសឬនារីទេ គឺជាមនុស្សសុភាពរាបសា រម្យទម និងឈ្លាសវៃណាស់។ នៅពេលជួបប្រទះបញ្ហាលំបាក ពួកគេតែងតែរឹងមាំជានិច្ច ហើយប្រឈមដោះស្រាយវាដោយភាពរហ័សរហួន និងមានពាក្យលើកទឹកចិត្តខ្លួនឯងជាប់ជានិច្ច។
ដោយសារអត្តចរិតបែបនេះហើយ ជាហេតុជួយឲ្យពួកគេរមែងមានសំណាង មានទ្រព្យសម្បត្តិច្រើន ពោលគឺកាន់តែចូលវ័យចំណាស់ កាន់តែសល់ទ្រព្យ។ តួលេខអាយុល្អបំផុត គឺក្រោយវ័យ ៤៥ ឆ្នាំ ជីវិតនឹងមានភាពស្រណុកសុខស្រួល មានផ្ទះមានលុយមានឡាន ហើយវិបុលភាពទាំងនោះសោតក៏អាចបន្តដល់កូនដល់ចៅច្រើនជំនាន់ផងដែរ។
២) ម្រាមដៃមានក្រញៅរាងកោងស្រួចទៅលើ
តាមក្បួននរវិទ្យា បញ្ជាក់ថា ម្រាមដៃកូនដែលមានក្រញៅរាងកោងស្រួចទៅលើមិនមែនរាងមូល ពកគេអាចថាមានវាសនានៅចាញ់អ្នកទី ១ ខាងលើ ប៉ុន្តែល្អវិញត្រង់ថា មនុស្សនេះរមែងមានអ្នកតូចអ្នកធំ តាមជួយជ្រោមជ្រែងឥតឈប់ ពេលជួបបញ្ហា។
មនុស្សនេះល្អិតល្អន់ណាស់ តែងតែគិតជានិច្ចមុនសម្រេចធ្វើអ្វីមួយ ដូច្នេះជោគជ័យសម្រាប់ពួកគេមិនមែនជារឿងចៃដន្យឡើយ។ យ៉ាងណាលុះត្រាដល់ក្រោយអាយុ ៤៨ ឆ្នាំ ទើបអ្នកមានទម្រង់ម្រាមដៃកូនទីពីរ អាចជួយសេចក្តីសុខនិងសុភមង្គលទាំងផ្នែកទ្រព្យ និងផ្នែកផ្លូវចិត្ត។
ដល់អាយុប៉ុណ្ណឹងទៅ ពួកគេដូចមានមាត់ទិព្វ ហាចង់បានអ្វីគឺបានហ្នឹង ហើយភាពមានបាននឹងកាន់តែហូរហៀរឡើងទៅដល់ចំណុចកំពូល។
៣) ម្រាមដៃកូនមានកម្ពស់ស្មើផ្នត់ទី ២ នៃម្រាមដៃនាង
ប្រសិនម្រាមដៃកូនរបស់អ្នក មានកម្ពស់ឈរស្មើនឹងផ្នត់ទី ២ នឹងម្រាមដៃនាងឬខ្ពស់ជាងនោះ គឺអ្នករមែងជាមនុស្សដែលមិនសូវខ្វល់ខ្វាយពីមជ្ឈដ្ឋានជុំវិញខ្លួន ពោលចូលចិត្តការរស់នៅស្ងប់ស្ងាត់ម្នាក់ឯងជាង។
ប៉ុន្តែគុណសម្បត្តិធំមួយរបស់អ្នក គឺចេះជួយអ្នកដទៃ មានភាពឧស្សាហ៍ព្យាយាម មិនដែលបោះបង់ការងាររបស់ខ្លួនឯងឡើយ ទោះនឿយហត់ក៏ចេះលើកទឹកចិត្តខ្លួនឯងឲ្យសម្រាកត្រឹមរយៈពេលខ្លី និងមិនចូលចិត្តត្អូញត្អែរច្រើន។
យ៉ាងណាជីវិតរបស់មនុស្សប្រភេទនេះ ច្រើនតែជួបបញ្ហាច្រើន ប្រសិនរៀបការនៅវ័យក្មេងពេក តែបើឈានដល់ស្រករអាយុ ៣០ រាងចាស់ទុំបន្តិច នោះជីវិតដូចគេចងភ្ជាប់ទៅរកក្តីសុខ មានបានសប្បាយចាយហូរហៀរ មិនមានការខ្វះខាតអ្វីឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
