ស្រីៗ! មិនបាច់ខ្វល់បារម្ភពី៣ចំណុចនេះពេកទេ ព្រោះមនុស្សប្រុសដែលស្រឡាញ់អ្នក គេមិនខ្វល់ ឬប្រកាន់ឡើយ
មែនហើយ ៣ចំណុចនៅលើរាងកាយនេះ មនុស្សស្រីហាក់មិនសប្បាយចិត្តនឹងឃើញរូបរាងខ្លួនឯងបែបនេះទេ។ យ៉ាងណាមិញ នាងតែងតែខ្វល់គិត បារម្ភខ្លាំង ព្រោះនាងគិតថាមិនស្អាត អាក្រក់មើល ជាពិសេស នាងខ្វល់ខ្លាចមនុស្សដែលនាងស្រឡាញ់ មិនពេញចិត្តចំពោះចំណុចទាំងនេះ។ តែយ៉ាងណាមិញ ការពិតទៅ មនុស្សប្រុសគេមិនដែលខ្វល់នឹងរឿងអស់ទាំងនេះឡើយ ដូច្នេះហើយ ស្រីៗល្មមអាចសប្បាយចិត្តបានហើយ។
១. រោមដៃរោមជើងវែងៗ
មនុស្សស្រី នាងពិតជាខ្វាយខ្វល់ពីរូបរាង រូបសម្រស់របស់នាងខ្លាំងណាស់ នាងតែងតែប្រាថ្នាចង់បានដៃជើងស្រឡូនៗ ដូច្នេះហើយ នាងខ្វល់ខ្លាំងចំពោះរោមដែលនៅលើដងខ្លួន ជាពិសេសដៃជើងដែលមានរោមច្រើន ឬវែងៗ នាងតែងតែខ្វល់គិត និងស្អប់យ៉ាងខ្លាំង ហើយថែមទាំងជម្រុះម្ដងហើយម្ដងទៀតថែមទៀតផង។
២. ស្នាមសង្វារ
ក្នុងអំឡុងពេលដំណើរការនៃការអភិវឌ្ឍន៍រាងកាយនៅពេលពេញវ័យ ស្នាមសង្វារនៅលើដៃ និងជើងបានលេចឡើងដែលធ្វើឱ្យមនុស្សស្រីមិនពេញចិត្តនឹងខ្លួនឯងទេ
ដូច្នេះហើយ ស្រីៗតែងតែព្យាយាមរកដំណោះស្រាយគ្រប់ច្រក ដើម្បីកែលម្អស្លាកស្នាមនេះ។
ទោះយ៉ាងណា ពេលណាត់ជួបគ្នាជាមួយនឹងមនុស្សដែលអ្នកស្រឡាញ់ គ្មានបុរសណានិយាយថា “អ្នកមានស្នាមសង្វារ ដូច្នេះខ្ញុំមិនស្រឡាញ់អ្នកឡើយ” មនុស្សប្រុស គេមិនខ្វល់នឹងរឿងទាំងនេះទេ ព្រោះមុននឹងគេស្រឡាញ់អ្នក គេបានដឹងរួចទៅហើយ ហើយគេក៏មិនបានស្រឡាញ់ព្រោះតែបញ្ហានេះដែរ តែការពិត គឺអត្តចរិត និងបុគ្គលិកលក្ខណៈរបស់អ្នកទេ ដែលធ្វើឱ្យគេស្រឡាញ់អ្នក។
៣. កម្ពស់
មនុស្សជាច្រើនគិតថាមនុស្សស្រីដែលមានកម្ពស់លើសពី ១,៦ ម៉ែត្រ គឺស្រស់ស្អាតឬនេះគឺជាស្តង់ដារសម្រាប់ជ្រើសរើសមិត្តស្រី។ ដូច្នេះហើយ មនុស្សស្រីរមែងតែខ្វល់ដល់រឿងកម្ពស់ និងមិនពេញចិត្តចំពោះបញ្ហានេះរបស់ខ្លួនឯងឡើយ។
ទោះយ៉ាងណាក៏ដោយ សហជីពរបស់មនុស្សប្រុសមិនខ្វល់ពីកម្ពស់របស់អ្នកច្រើនទេ។ ពួកគេអាចមានកម្ពស់រហូតដល់ ១,៨ ម៉ែត្រ ប៉ុន្តែនៅតែស្រឡាញ់មនុស្សស្រី ១,៥ ម៉ែត្រ ព្រោះស្នេហាកើតចេញពីអារម្មណ៍ បេះដូងមិនមែនមកពីកម្ពស់ទេ។ ថែរក្សារាងកាយដែលមានតុល្យភាពរបស់អ្នកភ្លឺចែងចាំង ធ្វើចរិតឱ្យបានល្អត្រឹមត្រូវទៅបានហើយ៕
ប្រភព ៖ iOne / Knongsrok
ព័ត៌មានថ្មីៗ
