ភាពឯកា អាចធ្វើឱ្យអ្នកស្លាប់ចិត្តបានដែរទេ?
តើទេសភាពមួយណា ដែលអ្នកចូលចិត្ត និងស្រឡាញ់ជាងគេ ជ្រើសរើសមួយ ដើម្បីដឹងថា អ្នកស្ថិតក្នុងស្ថានភាពឯកាកម្រិតណា? ហើយភាពឯកានោះ អាចសម្លាប់អ្នកបានដែរទេ?
1. រូបទេសភាពទី 1
ជីវិតរបស់អ្នកពិតជាឯកខ្លាំងណាស់ ហើយភាពឯការបស់អ្នក ត្រូវបានឆ្លុះបញ្ចាំងកាន់តែខ្លាំងឡើង ៗ ដើម្បីឱ្យមនុស្សនៅជុំវិញអ្នកឃើញវាផងដែរ។ វាអាចធ្វើឱ្យអ្នកអស់សង្ឃឹម និងអស់កម្លាំងទាំងផ្លូវចិត្ត និងរាងកាយ។ អ្នកមិនមានអារម្មណ៍ថា មានការបំផុសគំនិតសេចក្តីអំណរ ឬការលើកទឹកចិត្តដើម្បីព្យាយាមទៀតទេ។ បើទោះបីជាអ្នកបានព្យាយាមកែសម្រួលឥរិយាបថ និងរបៀបរស់នៅរបស់អ្នកដើម្បីគេចពីភាពឯកាដោយ ការបង្កើតមិត្តភក្តិ ចេញក្រៅ ធ្វើសកម្មភាពជាច្រើន ជួបហ្វូងមនុស្សក៏ដោយអ្នកនៅតែមិនអាចមានអារម្មណ៍ធូរស្បើយឡើយ។
ភាពឯកានៅតែព័ទ្ធជុំវិញអ្នក ព្រោះអ្នកពិតជាមនុស្សក្រៅផ្លូវការ ចូលចិត្តនៅកន្លែងឯកជនស្ងាត់ៗ។ ចងចាំថា ការមិនមានមិត្តច្រើន នឹងធ្វើឱ្យអ្នកមិនសូវឯកកា អ្វីដែលធ្វើឱ្យអ្នកសប្បាយចិត្ត និងមិនឯកា គឺការនៅជាមួយមនុស្សដែលធ្វើឱ្យអ្នកមានផាសុកភាព។
2. រូបទេសភាពទី 2
អ្នកគឺជាមនុស្សម្នាក់ដែលចូលចិត្តភាពនៅម្នាក់ឯង ហើយមិនចាប់អារម្មណ៍ក្នុងការបង្កើត ឬបង្កើនទំនាក់ទំនងសង្គម សូម្បីតែទំនាក់ទំនងស្នេហា។ អ្នកមិនដែលចាប់អារម្មណ៍ចំពោះនរណាម្នាក់ទេ ប៉ុន្តែមានឥរិយាបថរាក់ ៗ ត្រជាក់ និងរក្សាពួកគេនៅចម្ងាយជាក់លាក់។
ប្រសិនបើនរណាម្នាក់ព្យាយាមរំលោភបំពានលើបន្ទាត់ព្រំដែន អ្នកនឹងបដិសេធដោយដាច់ខាត់។ អ្នកបានក្លាយជាមនុស្សដែលញៀននឹងភាពឯកា ចូលចិត្តនៅម្នាក់ឯងណាស់។ វាបានក្លាយជាទម្លាប់ែលដពិបាកបំបែកសម្រាប់អ្នក។ អ្នកខ្លួនឯងមិនខ្វល់ពីរបៀបដែលអ្នកដទៃវិនិច្ឆ័យអ្នកទេ ដរាបណាអ្នកសុខស្រួលនៅម្នាក់ឯង។
3. រូបទេសភាពទី 3
ប្រហែលជាអ្នកពិតជាមិនពេញចិត្តនឹងជីវិតឯកាបច្ចុប្បន្នរបស់អ្នក។ អ្នកគឺជាមនុស្សម្នាក់ដែលប្រាថ្នាចង់បានស្នេហា តែងតែស្វែងរកនរណាម្នាក់មកនៅជាមួយអ្នកជារៀងរាល់ថ្ងៃ។ ប៉ុន្តែសង្គមដ៏ឃោរឃៅ និងការពិតដ៏ឃោរឃៅ បានធ្វើឱ្យអ្នកលែងជឿលើស្នេហា និងភាពផ្អែមល្ហែមនៃស្នេហា ក៏ដូចជាជីវិតអាពាហ៍ពិពាហ៍ផងដែរ។ អ្នកចុះចាញ់វាសនា និងសម្ពាធដែលទាក់ទងនឹងជីវិត ជាពិសេសរឿងប្រាក់កាស។
ជារៀងរាល់ថ្ងៃ អ្នកប្រញាប់ទៅធ្វើការដោយព្យាយាមធ្វើឱ្យជីវិត សម្ភារៈរបស់អ្នកប្រសើរឡើង ប៉ុន្តែពិភពលោកខាងវិញ្ញាណរបស់អ្នកកាន់តែហត់នឿយ និងអស់កម្លាំងទៅហើយ។ ភាពឯកាកំពុងលុកលុយផ្លូវចិត្តរបស់អ្នកទាំងស្រុង ហើយមិនថាអ្នកខំប្រឹងលើកវិញ្ញាណយ៉ាងណានោះទេ អ្នកនៅតែមិនអាចរកវិធីដោះស្រាយបញ្ហាបាន។
4. រូបទេសភាពទី 4
អ្នកជាមនុស្សដែលមានសុទិដ្ឋិនិយម រីករាយ និងមានភាពកំប្លុកកំប្លែងខ្លាំង។ នេះជួយអ្នកឱ្យក្លាយជាមនុស្សដែលចុះសម្រុងក្នុងសង្គម ឈ្នះការអាណិតអាសូររបស់មនុស្សផ្ទុយគ្នាភ្លាមៗ នៅពេលអ្នកជួបពួកគេ។ ដោយសារតែមានមិត្តភក្តិច្រើន កាលវិភាគសប្បាយ និងការណាត់ជួបរបស់អ្នកមិនដែលទំនេរទេ។ អ្នកស្ទើរតែគ្មានភាពឯកាក្នុងជីវិតទាល់តែសោះ។
ទោះយ៉ាងណាក៏ដោយ មានមនុស្សតិចណាស់ដែលដឹងថា នៅពីក្រោយរូបរាង និងស្នាមញញឹម នោះមានព្រលឹងពោរពេញដោយគំនិតចាក់ស្មុគ។ ភាពឯកាពិតជាបានសម្លាប់អ្នកយូរណាស់ហើយ វាបំផ្លាញអារម្មណ៍របស់អ្នកដែលធ្វើឱ្យអ្នកមិនអាចបង្ហាញពីអារម្មណ៍សោកសៅ និងភាពក្រៀមក្រំនៅខាងក្រៅបាន។ អ្នកដឹងពីរបៀបលាក់អារម្មណ៍របស់អ្នកបានយ៉ាងល្អ ប៉ុន្តែអ្នកមិនបានរៀនពីរបៀបស្មោះត្រង់ចំពោះបេះដូងអ្នកឡើយ៕
ប្រភព ៖ iOne / Knongsrok
ព័ត៌មានថ្មីៗ
