មនុស្សស្រី! ដែលកើតក្នុងឆ្នាំទាំង៣នេះ នឹងទទួលបានសំណាងច្រើនក្នុងរឿងស្នេហា
មនុស្សយើងម្នាក់ៗ គឺមានសំណាងបែបផ្សេងៗគ្នានៅក្នុងជីវិត មនុស្សខ្លះ មានសំណាងក្នុងរឿងគ្រួសារ មនុស្សខ្លះ មានសំណាងផ្នែកលុយកាក់ មាសប្រាក់ ក៏មានមនុស្សខ្លះទៀត មានសំណាងក្នុងរឿងស្នេហា និងជីវិតគូ។ យ៉ាងណាមិញ សម្រាប់មនុស្សដែលកើតក្នុងឆ្នាំទាំង៣ខាងក្រោមនេះ គឺជាស្ត្រីដែលមានសំណាងជាងគេក្នុងរឿងស្នេហា។ តើអ្នកជាស្ត្រីដែលកើតក្នុងឆ្នាំទាំង៣នេះទេ?
១. ឆ្នាំ ម្សាញ់
មនុស្សស្រីដែលកើតក្នុងឆ្នាំម្សាញ់ ត្រូវបានគេដឹងថា ជាមនុស្សដែលមានភាពអត់ធ្មត់ តស៊ូខ្ពស់ មានដុងផ្នែកច្នៃប្រតិដ្ឋតាំងពីកំណើត។ លើសពីនេះ មនុស្សស្រីទាំងនេះ ក៏មានអត្តចរិតនឹងនល្អ មានចិត្តសប្បុរស តែពួកគេជួយតែមនុស្សដែលគួរជួយតែប៉ុណ្ណោះ។ មនុស្សស្រីដែលកើតឆ្នាំម្សាញ់ អាចថាមានសម្រស់មិនសូវស្អាត តែចរិត និងចិត្តគំនិតរបស់ពូួកគេ គឺល្អខ្លាំង ដែលចំណុចនេះហើយ ធ្វើឱ្យនាងមានភាពទាក់ទាញ និងជាមន្តស្នេហ៍ អាចធ្វើឱ្យបុរសៗជាច្រើនប្រាថ្នាចង់បាន។
សម្រាប់ស្ត្រីដែលកើតក្នុងឆ្នាំម្សាញ់ បើបុរសណាបាននាងជាភរិយា នឹងសំណាងពេញមួយជីវិត។ មនុស្សស្រីទាំងនេះ គឺជាជង្រុកស្រូវនៅក្នុងគ្រួសារ ព្រោះតែភាពវៃឆ្លាតរបស់នាងនេះហើយ ទើបធ្វើឱ្យនាងមានសំណាង ទទួលបានការស្រឡាញ់ ថ្នាក់ថ្នម និងយកចិត្តទុកដាក់ពីស្វាមី ដូច្នេះ ជីវិតនាងក៏នឹងមានរឿងល្អៗ និងសុភមង្គលបំផុតនៅក្នុងជីវិតគូ។
២. ឆ្នាំ ច
សម្រាប់មនុស្សស្រីដែលកើតក្នុងឆ្នាំចនេះដែរ ត្រូវបានគេដឹងថា ជាមនុស្សដែលមានច្បាប់ទម្លាប់ ប្រកាន់ខ្ជាប់នូវវិន័យខ្លាំងនៅក្នុងជីវិតប្រចាំថ្ងៃ។ មនុស្សភាគច្រើនដែលមិនស្គាល់គេច្បាស់ នឹងគិតថា ពួកគេជាមនុស្សតឹងតែង និងចិត្តចង្អៀត ប៉ុន្តែធាតុពិត មនុស្សទាំងនេះ គឺជាមនុស្សដែលមានក្រិត្យក្រម ច្បាប់វិន័យ តែមិនចិត្តចង្អៀត ចិត្តអាក្រក់នោះឡើយ។
លើសពីនេះ មនុស្សទាំងនេះ ក៏ជាមនុស្សដែលឆ្លាត ពូកែ ចិត្តធ្ងន់ និងមានហេតុផលច្បាស់លាស់ ព្រោះតែគុណសម្បត្តិទាំងនេះហើយ ដែលធ្វើឱ្យពួកគេ ច្រើនតែទទួលបានលាភសំណាងច្រើន និងងាយទទួលបានជោគជ័យក្នុងជីវិត អាជីពការងារ។ ចំពោះរឿងស្នេហា ដ្បិតថា ពួកគេកម្រនឹងជួបគូពិតមែន ប៉ុន្តែ គូដែលគេនឹងបានជួប ប្រាកដជាដៃគូជីវិតដែលល្អបំផុត សក្តិសមចំពោះអត្តចរិត ចិត្តគំនិតរបស់គេ។
មនុស្សនេះ អាចថាជាមនុស្សដែលរើសច្រើន ក៏មិនចូលចិត្តតាមទ្រនរណាដែរ ជម្រើសដៃគូរបស់គេ គឺស្ថិតក្នុងលក្ខខណ្ឌខ្ពស់ណាស់ ដូច្នេះហើយ ទើបគេមិនងាយនឹងមានស្នេហា មិនឆាប់ចាប់ផ្ដើមនឹងអ្នកណា តែនៅពេលដែលគេចាប់ផ្ដើម គឺមានន័យថា គេច្បាស់លាស់ ដៃគូនោះ ជាមនុស្សដែលគេអាចទទួលយកបាន ដូច្នេះល្អគ្រប់យ៉ាងតាមអ្វីដែលគេត្រូវការ។
៣. ឆ្នាំ កុរ
សម្រាប់ស្ត្រីដែលកើតក្នុងឆ្នាំកុរ គឺជាមនុស្សដែលមានសំណាងតាំងពីកំណើត កើតក្នុងគ្រួសារចាប់ពីមធ្យមទៅ ដូច្នេះជីវិតមនុស្សទាំងនេះ កម្រជួបទុក្ខ លំបាក ផ្នែកសេដ្ឋកិច្ចណាស់។ លើសពីនេះ មនុស្សស្រីទាំងនេះ គឺជាកូនដែលទទួលបានការស្រឡាញ់ ថ្នាក់ថ្នមពីក្រុមគ្រួសារយ៉ាងខ្លាំង។
ប៉ុន្តែពួកគេមិនមានចរិតជាកូនអ្នកមាន ឬជាកូនទំនើងនោះឡើយ ពួកគេជាមនុស្សដែលឆ្លាត ពូកែ ស្វាហាប់ និងមានគំនិតច្នៃប្រតិដ្ឋខ្ពស់ ដូច្នេះមនុស្សទាំងនេះមិនពឹងផ្អែកលើទ្រព្យឪពុកម្ដាយឡើយ ពួកគេចូលចិត្តធ្វើអ្វី ទៅតាមគំនិត និងការតាំងចិត្តរបស់ពួកគេ។
ចំពោះរឿងស្នេហា មនុស្សទាំងនេះ ក៏ធ្វើការជ្រើសរើសតាមចិត្តគំនិត និងជម្រើសរបស់ខ្លួនឯងដែរ ដូច្នេះហើយ ដៃគូរបស់នាងក៏ត្រូវតែជាមនុស្សដែលល្អ និងមានចំណុចវិជ្ជមានជាច្រើនដែលនាងត្រូវការ។ មនុស្សស្រីទាំងនេះ អាចរស់នៅ និងមើលថែខ្លួនឯងបានយ៉ាងល្អ ដូច្នេះ នាងក៏នឹងទទួលបានដៃគូដែលអាចមើលថែនាងបាន លើសនាងស្រឡាញ់ខ្លួនឯង ចំណុចនេះហើយ ដែលធ្វើឱ្យនាងមានសំណាងក្នុងរឿងគូជីវិត៕
ប្រភព ៖ Eva / Knongsrok
ព័ត៌មានថ្មីៗ
