មនុស្សដែលអាចមានអាយុវែង និងតែងតែក្មេងជាងវ័យ ច្រើនមានទម្លាប់ ៥ នេះ
តើអ្នកចង់បានអាយុវែង ក្មេងជាងវ័យដែរឬទេ? ប្រសិនជាចង់បាន ចូរអ្នកអនុវត្តជាប្រចាំនៅទម្លាប់ទាំង ៥ ខាងក្រោម៖
៥) សុទិដ្ឋិនិយម
ការគិតវិជ្ជមាន ការមើលឃើញគ្រប់យ៉ាងក្នុងផ្លូវល្អ ដែលនាំឲ្យអារម្មណ៍អ្នកល្អជាប្រចាំ នោះក៏ជាចំណែកមួយជួយបញ្ចៀសអ្នកពីការកើតមានជំងឺផ្សេងៗផងដែរ។ រាងកាយនឹងមានអារម្មណ៍ថាស្រណុកស្រួល មិនទទួលរងសម្ពាធ ដែលវាជាកត្តាពន្យារអាយុរបស់អ្នកមួយផ្នែកហើយ។
៤) ផឹកតែបៃតងទៀងទាត់
តាមការស្រាវជ្រាវបង្ហាញថា តែបៃតងដើរតួយ៉ាងសំខាន់ក្នុងការពន្យារភាពចាស់ និងធ្វើឲ្យមនុស្សមានអាយុវែង ដោយសារវាមានសារធាតុប្រឆាំងអុកស៊ីតកម្ម ដូច្នេះជំងឺរ៉ាំរ៉ៃមួយចំនួន មិនអាចមកបៀតអ្នកបានឡើយ។ លើសពីនេះវាសម្បូរទៅសារធាតុប៉ូលីហ្វេណុល ខាតេជិន និងសារធាតុផ្សំដទៃទៀត ដែលជួយបន្ថយល្បឿននៃភាពចាស់ និងកាត់បន្ថយហានិភ័យនៃការកើតជំងឺបេះដូង។
៣) ត្រាំនិងម៉ាស្សាជើងជាប្រចាំ
អ្នកត្រូវជៀសវាងជើងត្រជាក់ ដោយបន្ទាប់ពីធ្វើសកម្មភាពពេញមួយថ្ងៃ អ្នកគួរតែឆ្លៀតត្រាំជើងក្នុងទឹកក្ដៅឧណ្ហ៍ៗ ព្រោះវាអាចជួយរក្សាសុខភាពតម្រងនោមនិងថ្លើមឲ្យដំណើរការល្អ។ មិនត្រឹមប៉ុណ្ណោះវាក៏ជំរុញឲ្យចរន្តឈាមដើរស្រួល ជួយប្រព័ន្ធរំលាយអាហារ និងពន្យារអាយុជីវិតរបស់អ្នកទៀតផង។ វិធីនេះមិនទាមទារឲ្យអ្នកចំណាយប្រាក់កាក់អ្វីច្រើនឡើយ។
២) ចូលចិត្តទទួលទានបន្លែ
មនុស្សដែលមានចំណង់ទទួលទានបន្លែច្រើន ក៏តែងតែមានសុខភាពល្អផងដែរ ព្រោះវាមានកាឡូរីទាប ហើយជួយដល់សុខភាពច្រើន។ លើសពីនេះសារធាតុសរសៃ សារធាតុប្រឆាំងអុកស៊ីតកម្ម និងវីតាមីនមួយជំនួយក៏ជាអ្វីដែលរាងកាយត្រូវការចាំបាច់ផងដែរ។ ប្រជាជនអ៊ីតាលីគេមានទម្លាប់គិតថា ការទទួលទានបន្លែឆៅយ៉ាងហោចណាស់ ១ ចាន/ថ្ងៃ គឺអាចពន្យារអាយុអ្នក ២ ឆ្នាំ។
១) ហាត់ប្រាណលេងកីឡាទៀងទាត់
មនុស្សដែលចូលចិត្តការធ្វើលំហាត់ប្រាណជាប្រចាំ ក៏ជួយឲ្យសាច់ដុំបេះដូងដំណើរការល្អ ជាកត្តាពន្យារអាយុជីវិត។ ជាពិសេសសម្រាប់មនុស្សដែលមានជំងឺធាត់ ជក់បារី សេពគ្រឿងស្រវឹង ចាំបាច់ត្រូវតែទទួលការហាត់ប្រាណឲ្យបានច្រើន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
