ភ្លឺភ្នែក ក្រោយដឹងពីមូលហេតុថាខ្លួនឯងម៉េចចេះតែមិនមានស្នេហាពិត ឬមានស្នេហាយូរអង្វែងដូចគេដូចឯង
ជឿអត់ មនុស្សខ្លះចង់មានស្នេហាពិតដូចគេដូចឯងណាស់ តែបែរជាមិនធ្លាប់ជួបស្នេហាពិតម្តងណាទេ ហើយបើមានស្នេហាហើយ ចេះតែនៅមិនយូរដូចគេទេចេះតែបែកគ្នា ដែលទាំងនេះអាចមិនមែនជាកំហុសរបស់ដៃគូរបស់អ្នក តែជាកំហុសរបស់អ្នកផ្ទាល់។
ប្រសិនជាអ្នកចង់ដឹងថា តើនៅក្នុងសេចក្តីស្នេហា អ្នកមានកំហុសអ្វីដែលត្រូវកែប្រែ ចូរក្រឡេកមើលរូបខាងក្រោម ហើយជ្រើសថារូបណាដែលទាក់ភ្នែកធ្វើឱ្យអ្នកឃើញមុនគេ ដែលមានបុរសពុកចង្ការ បក្ស២ក្បាល និងភ្នំ។
បន្ទាប់ពីជ្រើសរួច ចូរអានចំលើយខាងក្រោមនេះ អ្នកនឹងភ្លឺភ្នែកជាមិនខាន ៖
A. បុរសមានពុកមាត់
រឿងធំបំផុតដែលរារាំងអ្នកមិនឱ្យមានស្នេហាពិត និងគ្មានស្នេហាយូរអង្វែងដូចគេនោះគឺ មកពីស្លាកស្នាមឈឺចាប់ពីអតីតកាល។ អាចថាប្រហែលជាអ្នកមិនអាចបំភ្លេចអ្នកចាស់ មិនអាចបំភ្លេចរឿងឈឺចាប់ពីមុន និងចេះតែមានអារម្មណ៍ខ្លាចរអារជួបរឿងមិនសមបំណងដូចមុន។ អ្នកអាចយករឿងអតីត មកសិក្សា និងយកជាបទពិសោធន៍ មិនមែនឱ្យចងចាំទុកមិនលែងទេ ដូច្នេះអ្នកត្រូវរៀនដោះលែងខ្លួនឯងពីរឿងអតីត ព្យាបាលរបួសខ្លួនឯង ហើយបើកចិត្តខ្លួនឯងសារជាថ្មី ទីបំផុតស្នេហាពិតនឹងរត់មករកអ្នកជាមិនខាន។
B. បក្សី ២ក្បាល
រឿងធំដែលធ្វើឱ្យអ្នកមិនអាចមានស្នេហាដូចគេ ឬគ្មានស្នេហាយូរអង្វែង គឺមកពីអ្នកជាមនុស្សដែលមានសង្ឃឹម និងមានរំពឹងខ្ពស់ខ្លាំងពេកនៅក្នុងជីវិតគូ ដូច្នេះនៅពេលដែលជួបមនុស្សដែលមិនដូចចិត្ត ធ្វើឱ្យអ្នកមានគំនិតមួយថាខកបំណងជាខ្លាំង។ ត្រូវចាំថាលើលោកនេះគ្មាននរណាម្នាក់ដែលមានភាពល្អឥតខ្ចោះនោះទេ រៀនទទួលយកការពិតខ្លះ រៀនដាក់ចុះខ្លះ ព្រោះការរំពឹងទុកពេក ធ្វើឱ្យអ្នកបាត់បង់មនុស្សល្អៗនៅក្នុងជីវិត ហើយមិនចេះបែកចែកភាពវិជ្ជមាន និងអវិជ្ជមាននៅក្នុងខ្លួនមនុស្សជាទីស្រលាញ់របស់អ្នកឡើយ។
C. ភ្នំ
នៅពេលដែលអ្នកអាចមើលឃើញភ្នំបាន ដែលជារូបមិនសូវមានអ្នកអង្កេតដឹងនោះ វាមិនខុសពីអារម្មណ៍របស់អ្នកនោះទេ វាជាអារម្មណ៍ដែលនៅឆ្ងាយ ឆ្ងាយពីស្នេហា។ ព្រោះអ្នកជាមនុស្សដែលពូកែខ្លាចមុខខ្លាចក្រោយ គិតច្រើន និងកំសាកនៅក្នុងរឿងស្នេហា គឺជាហេតុផលដែលធ្វើឱ្យអ្នកមិនអាចមានស្នេហាបាន ហើយទោះបីជាមានស្នេហាក៏នៅមិនបានយូរដូចគេដែរ ព្រោះតែអ្នកជាមនុស្សគិតច្រើន និងលាក់អារម្មណ៍ពិតផងដែរ។
ដូច្នេះប្រសិនជាអ្នកស្រលាញ់អ្នកណា ចង់ស្និទ្ធស្នាលអ្នកណា ធ្វើវាទៅ ក្លាហានហ៊ានចូលទៅជិតគេចុះ ព្រោះការបង្ហាញភាពក្លាហាន លែងខ្លាចរអារដូចមុនអាចនាំឱ្យអ្នកជួបស្នេហាពិតវិញជាមិនខាន ៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
