អ្នកណាខ្លះ ត្រឡប់មកត្រូវគ្នាជាមួយអ្នកចាស់វិញ ហើយរស់នៅយ៉ាងមានសុភមង្គលជាមួយគ្នា
មែនហើយ តាមពិតទៅ មិនមែនអ្នកថ្មីអីទេ គឺអ្នកចាស់ ដែលត្រឡប់មកត្រូវគ្នាវិញម្ដងទៀត ព្រោះតែពួកយើងនៅតែស្រឡាញ់គ្នា ពួកយើងមិនអាចបាត់បង់គ្នាបាន ទើបត្រឡប់មករកគ្នាវិញ ចាប់ផ្ដើមជាថ្មី ហើយក៏ល្អនឹងគ្នាលើសមុនទៅទៀត ...!
អ្នកណាថា មនុស្សបែកគ្នាហើយ មិនអាចត្រូវគ្នាវិញ? ពេលនេះក៏ជឿហើយថា មនុស្សពីរនាក់ ឱ្យតែមានក្ដីស្រឡាញ់ចំពោះគ្នាពិតប្រាកដ ឱ្យតែស្រឡាញ់គ្នាច្បាស់លាស់ ទោះបែកគ្នាយ៉ាងណា ក៏នៅតែអាចត្រឡប់មករកគ្នាវិញបានដែរ ... ព្រោះតែការបែកគ្នាពីមុន ទើបធ្វើឱ្យយើងដឹងថាច្បាស់ យើងមានក្ដីស្រឡាញ់ខ្លាំងប៉ុនណាចំពោះគ្នា ព្រោះតែធ្លាប់បែកគ្នា ទើបធ្វើឱ្យយើងចេះថែរក្សាគ្នា ព្រោះតែធ្លាប់ឈឺចាប់ពេលបែកគ្នា ទើបយើងត្រូវត្រឡប់មកជួបគ្នាវិញ ហើយប៉ះប៉ូវនូវរបួសស្នាមដែលធ្លាប់មានលើកមុន ត្រឡប់មកសងការស្រឡាញ់ បំពេញចន្លោះចំពោះគ្នាវិញសាជាថ្មី។
កាលនោះ មកពីយើងនៅក្មេងពេក មិនតាន់ចាស់ចិត្តចាស់គំនិត នៅចង់ចាញ់ឈ្នះគ្នា ម្យ៉ាង ការងារ ស្ថានភាពជីវិត ទាំងចិត្តគំនិតនៅមិនទាន់នឹងនល្អ ទើបយើងត្រូវបែកគ្នា ដើម្បីតាំងជំហ អភិវឌ្ឍន៍ផ្លូវចិត្ត ផ្លូវគំនិត និងពង្រឹងខ្លួនឯងឱ្យរឹងមាំ និងចាស់ទុំជាងមុន ទើបយើងចេះខ្លាចបាត់បង់ ចេះស្រឡាញ់ ចេះគោរព ឱ្យតម្លៃ អ្វីដែលសំខាន់ គឺយើងចេះគិតផ្លូវទៅអនាគតជាមួយគ្នា ចេះអត់ឱនឱ្យគ្នាទៅវិញទៅមក ...!
ចុងក្រោយ ក៏ចង់និយាយថា អរគុណអ្នកចាស់ ដែលត្រឡប់មកធ្វើជាមនុស្សរួមចំណែកក្នុងជីវិតមនុស្សម្នាក់នេះម្ដងទៀត ...! អរគុណ ចំពោះក្ដីស្រឡាញ់ដ៏ពិតប្រាកដ បើទោះបីជាកន្លងមក ចំណាយពេលជាច្រើនឆ្នាំដែលយើងបែកគ្នាទៅ តែយើងក៏នៅតែនឹករឭកដល់គ្នាជានិច្ច មិនដែលភ្លេច ក៏មិនដែលគិតថា នឹងចាកចេញពីគ្នាឡើយ ហើយក៏អរគុណសម្រាប់ឱកាសដែលនាំឱ្យយើងអាចចាប់ផ្ដើមជាថ្មី និងទទួលបានអ្វីៗល្អៗជាច្រើនត្រឡប់មកវិញ ...!!!៕
អត្ថបទ ៖ pHknongsrok / Knongsrok
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖
Tel:
ព័ត៌មានថ្មីៗ
