មើលអត្តចរិតមនុស្សម្នាក់ៗ តាមរយៈ ពណ៌ខោក្នុង
អ្នកចិត្តសាស្រ្ត Kate Nightingale បានបង្ហាញថា ពណ៌ខោក្នុង ក៏អាច លាតត្ដាងផ្នែកមួយនៃបុគ្គលិកលក្ខណៈរបស់មនុស្សម្នាក់បានយ៉ាងច្បាស់ដែរ។ ដូច្នេះ តើពណ៌អ្វីដែលអ្នកចូលចិត្តជាងគេ តោះ! ទៅមើលចម្លើយនៅខាងក្រោមនេះទាំងអស់គ្នា។
១. ពណ៌ស្វាយ
អ្នកជាមនុស្សស្រីទន់ភ្លន់ រ៉ូមែនទិក និងងាយរងគ្រោះព្រោះមនោសញ្ចេតនាខ្លាំងណាស់ តែយ៉ាងណា អ្នកក៏តែងតែត្រៀមខ្លួនជានិច្ចសម្រាប់ទំនាក់ទំនងរយៈពេលវែង។
២. ពណ៌ខៀវ
សម្រាប់ពណ៌ខៀវ គឺបង្ហាញពីស្មារតីមុតស្រួច ក្លាហាន។ លើសពីនជ អ្នកក៏ជាមនុស្សម្នាក់ដែលមានភាពស្មោះត្រង់បំផុតចំពោះមនុស្សដែលនៅជុំវិញខ្លួន។
៣. ពណ៌បៃតង
នេះគឺជាពណ៌ដ៏ល្អឥតខ្ចោះសម្រាប់ការណាត់ជួបលើកដំបូង វាបង្ហាញថាអ្នកជាមនុស្សដែលមានស្ថិរភាពខាងផ្លូវអារម្មណ៍។
៤. ពណ៌លឿង
ពណ៌នេះបង្ហាញថា អ្នកនាំមកនូវសុភមង្គលដល់មនុស្សគ្រប់គ្នា។ ប៉ុន្តែសូមកត់សម្គាល់ថា មានតែការបង្កើតនូវភាពអ៊ូរអរតែប៉ុណ្ណោះ ដែលជានិមិត្តរូបនៃភាពរីករាយ និងភាពស្រស់ស្រាយ។ ពណ៌លឿងដែលស្រអាប់ ជារឿយៗត្រូវបានផ្សារភ្ជាប់ជាមួយនឹងជំងឺ និងការច្រណែន។
៥. ពណ៌ក្រហម
អ្នកពិតជាក្លាហាន និងហ៊ានស៊ីហ៊ានសង។ ខោទ្រនាប់ក្រហម គឺជាជម្រើសដ៏ល្អ ប្រសិនបើអ្នកចង់លួងលោមដៃគូរបស់អ្នក ព្រោះពណ៌នេះវាជួយបង្កើតនូវអារម្មណ៍ បង្កើតភាពទាក់ទាញដ៏រោលរាល។
៦. ពណ៌ទឹកក្រូច
វាគឺជាការលាយបញ្ចូលគ្នារវាងពណ៌លឿង និងពណ៌ក្រហម ដែលបង្កើតនូវភាពងប់ងល់។ លើសពីនេះ ពណ៌ទឹកក្រូចតំណាងឱ្យភាពច្នៃប្រឌិត និងជោគជ័យផងដែរ។
៧. ពណ៌ផ្កាឈូក
អ្នកជាមនុស្សស្រីប្រភេទសុភាពរាបសា និងមានមនោសញ្ចេតនាជ្រាលជ្រៅ។ បើនិយាយចំពោះស្នេហា បើអ្នកដាក់ចិត្តស្រឡាញ់អ្នកណាហើយនោះ គឺអ្នកនឹងស្រឡាញ់អស់ពីចិត្ត អាចនឹងហ៊ានលះបង់សម្រាប់ម្នាក់នោះអស់ពីខ្លួនផងក៏ថាបានដែរ។
៨. ពណ៌ស
នេះគឺជាពណ៌នៃភាពបរិសុទ្ធ និងស្អាតស្អំ។ អ្នកជាមនុស្សដែលបើកចំហចំពោះការផ្តល់យោបល់ និងរៀនអ្វីថ្មីដើម្បីចាប់ផ្តើមជំពូកថ្មីនៅក្នុងជីវិតរបស់អ្នក។
៩. ពណ៌ខ្មៅ
អ្នកមានភាពឆើតឆាយ និងមានអំណាចអាថ៌កំបាំង តែក៏មានចរិតចូលចិត្តឈ្លានពានលើអ្នកដទៃផងដែរ។ អ្នកត្រៀមខ្លួនដើម្បីល្បួងមនុស្សនោះ ហើយប្រាកដជាជោគជ័យ។ ព្រោះអ្វីដែលអ្នកគិត សម្រេចចិត្តធ្វើ គឺត្រូវតែទទួលបានលទ្ធផលល្អ។
១០. គ្មានខោក្នុង
អ្នកជាមនុស្សស្រីងាយស្រួល ក៏ជាអ្នកដោះស្រាយបញ្ហា ហើយចង់ធ្វើអ្វីដើម្បីជីវិតផ្ទាល់ខ្លួន។ អ្នកមានថាមពលវិជ្ជមានខ្លាំង ដែលធ្វើឱ្យបន្ទប់ទាំងមូលភ្លឺនៅពេលអ្នកដើរចូល៕
ប្រភព ៖ iOne / Knonsgrok
ព័ត៌មានថ្មីៗ
