សត្វដែលអ្នកចាប់អារម្មណ៍ឃើញមុនគេ វានឹងលាតត្រដាងរឿងរ៉ាវខ្លះៗអំពីអ្នក
តើពេលក្រឡេកដំបូង អ្នកចាប់អារម្មណ៍ឃើញសត្វអ្វីមុនគេ? ចម្លើយដែលអ្នកបានជ្រើសរើស វានឹងលាតត្រដាងការពិតមួយចំនួន ដែលទាក់ទងនឹងខ្លួនអ្នកផ្ទាល់។
1. ឆ្មា
អ្នកជាមនុស្សស្ងប់ស្ងាត់ ស្អប់ការបង្ហាញភាពស្និទ្ធស្នាល និងមិនចូលចិត្តចូលក្នុងសង្គមដែលមានមនុស្សច្រើននោះឡើយ។ អ្នកចូលចិត្តភាពស្មោះត្រង់ ពេលខ្លះអ្នកតឹងតែងពេក មនុស្សជាច្រើនមិនចូលចិត្តអ្នកទេ។ ទោះយ៉ាងណាក៏ដោយ ក្រោមការនិយាយស្តី អ្នកពិតជាមានចិត្តសប្បុរស ហើយចូលចិត្តជួយអ្នកដទៃអស់ពីចិត្ត។ អារម្មណ៍របស់អ្នកមានភាពស៊ីជម្រៅ អ្នកច្រើនតែធ្វើការដោយស្ងៀមស្ងាត់ ដើម្បីសម្រេចបំណងប្រាថ្នាផ្ទាល់ខ្លួនរបស់អ្នក។
2. ពស់
អ្នកជាមនុស្សដែលបើកចំហរ ចិត្តល្អ និងស្មោះត្រង់។ ជារឿយៗ អ្នកនិយាយដោយផ្ទាល់បង្ហាញពីគំនិតរបស់អ្នកយ៉ាងច្បាស់។ អ្នកមិនបង្កើតមិត្តងាយៗទេ ប៉ុន្តែនៅពេលអ្នកនៅជិតស្និទ្ធជាមួយអ្នកណា អ្នកក៏នឹងជួយមិត្តរបស់អ្នកអស់ពីចិត្ត។ អ្នករស់នៅដោយស្ងប់ស្ងាត់ និងមានលក្ខណៈបុគ្គល។
3. តោ
អ្នកមានចរិតស្លូតបូត តែងតែអភ័យទោសដល់មនុស្សដែលបានធ្វើខុសចំពោះអ្នក ហើយអ្នកក៏ចូលចិត្តមានមិត្តច្រើនផងដែរ។ អ្នកចូលចិត្តទំនាក់ទំនងដែលមានអារម្មណ៍មានទំនុកចិត្ត អាចស្តាប់ដំបូន្មានរបស់អ្នករាល់គ្នាដែលនៅជិតអ្នក។ អ្នកចូលចិត្តជីវិតគ្រួសារដែលមានសន្តិភាពមាន ទំនុកចិត្ត និងស្អប់ភាពទន់ខ្សោយណាស់។
4. សត្វល្អិត
អារម្មណ៍នៃការទទួលខុសត្រូវ ធ្វើឱ្យអ្នកតែងតែសួរខ្លួនឯងថា តើអ្នកបានបំពេញកាតព្វកិច្ចរបស់អ្នកបានល្អហើយឬនៅ? តើអ្នកមានសមត្ថភាពគ្រប់គ្រាន់ហើយឬនៅ? អ្នកតែងតែយកចិត្តទុកដាក់ចំពោះការងាររបស់អ្នក អនុវត្តបានល្អនៅកន្លែងធ្វើការ ហើយត្រូវបានគេគោរពស្រឡាញ់។ អ្នកជាមនុស្សសកម្ម ប៉ុន្តែមិនងាយញាប់ញ័រទេ។ អ្នកឧស្សាហ៍ព្យាយាម និងប្រយ័ត្នប្រយែងខ្ពស់ណាស់។
5. សេះ
បុគ្គលិកលក្ខណៈរបស់អ្នក គឺសាមញ្ញណាស់ អ្នកក៏មានភាពរួសរាយរាក់ទាក់ ស្មោះត្រង់ ចូលចិត្តទំនាក់ទំនងដោយភាពរីករាយ ដឹងពីរបៀបរីករាយក្នុងជីវិត ធ្វើអ្វីតែតាមចិត្ត មិនខ្លាចការលំបាក។ អ្នកជារឿយៗផ្លាស់ប្តូរការងារធុញទ្រាន់យ៉ាងឆាប់រហ័សមិនមានសូវមានការអត់ធ្មត់ច្រើនឡើយ។
6. កណ្តុរ
អ្នកមានវិន័យខ្ពស់ ពូកែអត់ធ្មត់ ស្អប់ភាពរញ៉េរញ៉ៃ អ្នកតែងតែរៀបចំកិច្ចការផ្ទះប្រកបដោយប្រសិទ្ធភាព។ អ្នកក៏ជាមនុស្សដែលចេះគួរសម ចូលចិត្តជួយមនុស្សជុំវិញខ្លួន អ្នកតែងតែតស៊ូដើម្បីចៀសផុតពីការល្បួងទាំងអស់នៅក្នុងជីវិត។
7. ឥន្ទ្រី
អ្នកជាមនុស្សស្លូតបូត សុភាពរាបសារ មានភាពចាស់ទុំ មិនប្រកាន់ពូជសាសន៍ អ្នកងាយទទួលឥទ្ធិពលពីអ្នកដទៃ ជឿជាក់លើភាពខាងវិញ្ញាណខុសពីធម្មតា។ អ្នកដឹងពីរបៀបដាក់កម្រិតខ្លួនអ្នកដើម្បីចៀសវាងជម្លោះ និងបញ្ហាជាមួយអ្នកដទៃ។
8. ត្រចៀកកាំ
អ្នកមិនចូលចិត្តការផ្លាស់ប្តូរក្នុងជីវិតច្រើនឡើយ ចូលចិត្តប្រតិបត្តិការក្នុងបរិយាកាសដែលធ្លាប់ស្គាល់ ពេលខ្លះមានទុទិដ្ឋិនិយមបន្តិច ប៉ុន្តែមិនបាក់ទឹកចិត្តទេ។ អ្នកក៏ងាយចាញ់បោកគេដែរ ប៉ុន្តែជាធម្មតាមានភាពស្ងប់ស្ងាត់ល្មមអាចទប់ទល់បាន។
9. ឆ្កែ
អ្នកគឺជាបុគ្គលឯករាជ្យ យស្អប់ការគាបសង្កត់ អ្នកតែងតែចង់គ្រប់គ្រងខ្លួនឯង។ មានមិត្តភាពរីករាយ ចូលចិត្តជួយអ្នកដទៃ គំនិតនៃការរស់នៅដោយគ្មានចំណងអារម្មណ៍ច្រើនរញ៉េរញ៉ៃឡើយ។
10. មាន់
អ្នកមានភាពរីករាយ មានភាពជឿជាក់ ស្វាហាប់ ក្លាហាន មិនខ្លាចគ្រោះថ្នាក់ ព្រោះអ្នកជឿជាក់លើឱកាសល្អ ៗ សម្រាប់អ្នក។ អ្នកមានបុគ្គលិកលក្ខណៈខ្មាសអៀនច្រើនបន្តិច ប៉ុន្តែត្រូវបានបិទបាំងដោយផ្នែកខាងក្រៅដែលបង្ហាញថា អ្នកជាមនុស្សរឹងមាំ។
11. ក្តាន់
អ្នកមានភាពរួសរាយរាក់ទាក់ក្នុងការទំនាក់ទំនងសង្គម មានមន្តស្នេហ៍ ក្លាហាន និងបង្ហាញពីសមត្ថភាពពេញលេញរបស់អ្នកនៅក្នុងអ្វីក៏ដោយដែលអ្នកធ្វើ។ អ្នកចូលចិត្តបង្កើតមិត្តភក្តិ ចូលចិត្តជួបប្រជុំពិភាក្សាបញ្ហាទាំងអស់ដោយចំណង់ចំណូលចិត្ត។ ដោយសារភាពទៀងត្រង់របស់អ្នក ពេលខ្លះអ្នកអាចបណ្តាលឱ្យមានការប៉ះទង្គិចគ្នា។
12. ក្អែក
អ្នកជាមនុស្សស្លូតបូត មានហេតុផល និងទាក់ទាញមនុស្សបានយ៉ាងងាយស្រួល។ អ្នកជាមនុស្សសាមញ្ញយល់អារម្មណ៍ច្រើនជាងវត្ថុ ទ្រព្យ ស្មោះត្រង់ទទួលបានភាពរីករាយក្នុងជីវិត អ្នកតែងតែមានចិត្តសប្បុរស និងស្និទ្ធស្នាលជាមួយមិត្តភក្តិព្រោះអ្នកខ្លាចនឹងការនៅម្នាក់ឯង។
13. ក្រពើ
អ្នកគឺជាមនុស្សដែលមានភាពវៃឆ្លាត មានវិចារណញាណខ្ពស់។ អ្នកមានភាពរសើបចំពោះអាថ៌កំបាំងនៃជីវិត ដូច្នេះអ្នកងាយស្រួលជោគជ័យក្នុងអាជីពក៏ដូចជាស្នេហាផងដែរ។ អ្នកមិនចូលចិត្តនិយាយដើមគេ ឬស្តាប់មនុស្សនិយាយដើមអ្នកដទៃឡើយ។ អ្នកឯករាជ្យ មិនអាស្រ័យលើនរណាម្នាក់ឡើយ។ អ្នកពិតជាអនុវត្តជាក់ស្តែង ដោះស្រាយបញ្ហាទាំងអស់បានយ៉ាងឆាប់រហ័ស ប្រកបដោយប្រសិទ្ធភាព ពេលខ្លះមានលក្ខណៈជាក់ស្តែងបន្តិច។
14. ដំរី
អ្នកពេញចិត្តជីវិតគ្រួសារ តែងតែលះបង់ដើម្បីមនុស្សជាទីស្រលាញ់របស់អ្នក។ អ្នកជាមនុស្សសាមញ្ញ មានភាពរីករាយ ពេញចិត្តមនុស្សគ្រប់គ្នា។ អ្នកបំពេញបំណងប្រាថ្នារបស់អ្នកយ៉ាងឆាប់រហ័ស និងងាយស្រួលទទួលបានជោគជ័យក្នុងជីវិត មិនត្រឹមតែទន់ភ្លន់ប៉ុណ្ណោះទេ អ្នកក៏មានការតាំងចិត្តខ្ពស់ផងដែរ៕
ប្រភព ៖ iOne / Knongsrok
ព័ត៌មានថ្មីៗ
