តេស្តមើលដំណើរជីវិតរៀបការរបស់អ្នក តើនឹងអាចមានរយៈពេលយូរប៉ុនណា?
ជ្រើសរើសគ្រឿងអលង្កាមួយ ដែលអ្នកចូលចិត្តជាងគេ ដើម្បីធ្វើតេស្តអំពីដំណើរនៃជីវិតអាពាហ៍ពិពាហ៍របស់អ្នក តើនឹងមានរយៈពេលយូរប៉ុនណា?
1. ក្រវិល
អាពាហ៍ពិពាហ៍របស់អ្នក អាចបន្តរហូតដល់ចុងបញ្ចប់នៃជីវិតរបស់អ្នកទាំងពីរ។ មនុស្សគ្រប់រូបនឹងជួបប្រទះបញ្ហានៅក្នុងអាពាហ៍ពិពាហ៍របស់ពួកគេ នៅចំណុចណាមួយក្នុងជីវិតរបស់ពួកគេ។ មានអាពាហ៍ពិពាហ៍ដែលមិនឈានដល់ទីបញ្ចប់ ដោយសារតែមនុស្សពីរនាក់ដែលមានដែលមិនចេះយល់ និងអធ្យាស្រ័យចំពោះគ្នា។ ព្រោះតែចរិនៅក្មេងពេក មិនដឹងធ្វើយ៉ាងម៉េចទើបអាចថែរក្សាគ្រួសារ ដូច្នេះទើបឆាប់បែកបាក់គ្នា។
ដូច្នេះ សម្រាប់អ្នក គឺពិតជាមានសំណាងល្អ ស្ថានភាពទាំងនេះនឹងមិនកើតឡើងចំពោះអ្នកទេ។ អ្នក និងដៃគូរបស់អ្នក រួមដំណើរជាមួយគ្នាដោយក្តីស្រឡាញ់ ភាពស្មោះត្រង់ និងការភ្ជាប់ទំនាក់ទំនង ពិសេសអ្នកទាំងពីរដឹងពីអ្វីដែលពួកគេចង់បាននាពេលអនាគត និងមានឆន្ទៈខិតខំធ្វើការដើម្បីសម្រេចបំណងរបស់អ្នកទាំងពីរ ហើយជាមូលហេតុដែលអាពាហ៍ពិពាហ៍របស់អ្នកអាចមានជីវិតរស់បានយូរអង្វែង។
2. ខ្សែដៃ
អាពាហ៍ពិពាហ៍របស់អ្នកប្រហែលជាមិនស្ថិតស្ថេរទេ។ នៅពេលដែលទើបរៀបអាពាហ៍ពិពាហ៍ហើយថ្មីៗ អ្នកទាំងពីរគិតថា អ្នកទាំងពីរបានរកឃើញមនុស្សដែលត្រឹមត្រូវ ហើយប្តេជ្ញាជឿទុកចិត្តគ្នា ស្រឡាញ់គ្នា និងត្រូវរស់នៅជាមួយគ្នាពេញមួយជីវិត។ ប៉ុន្តែមួយរយៈក្រោយមក ទំនាក់ទំនងរបស់មនុស្សទាំងពីរ ប្រែជាបាត់បង់ភាពស្រស់ស្រាយ អ្នកនឹងឃើញថាគំនិតដំបូងរបស់អ្នក គឺឆោតល្ងង់ណាស់ ហើយភាគីទាំងពីរ នឹងកើតមានជម្លោះអំពីរឿងផ្សេងៗជាច្រើន។
យ៉ាងណាមិញ អ្នក និងដៃគូរបស់អ្នក គឺមានទាំងបុគ្គលិកលក្ខណៈ និងភាពសអត្មានិយមខ្ពស់រៀងខ្លួន នៅពេលដែលមានម្ខាងខឹង រីឯម្ខាងទៀតមិនចេះទប់អារម្មណ៍ ក៏ចាប់ផ្ដើមព្រងើយកន្តើយដាក់គ្នា។ អ្នកទាំងពីរខ្វះការស្តាប់ ការយល់ដឹង ការអត់ធ្មត់ និងការអធ្យាស្រ័យឱ្យគ្នាទៅវិញទៅមក។ ប្រសិនបើរឿងនេះនៅតែបន្ត ច្បាស់ណាស់ថា អាពាហ៍ពិពាហ៍របស់អ្នកទាំងពីរ នឹងត្រូវបញ្ចប់ក្នុងពេលឆាប់ៗនេះ។
3. ខ្សែក
អាពាហ៍ពិពាហ៍របស់អ្នកអាចនឹងឈានដល់ទីបញ្ចប់។ បច្ចុប្បន្នអ្នកទាំងពីរកំពុងប្រឈមមុខនឹងស្ថានការណ៍ពិបាកបន្តិច តើវាបញ្ចប់ដោយរបៀបណា គឺអាស្រ័យលើគំនិត និងសកម្មភាពរបស់អ្នក។ ទោះបីជាមានបញ្ហាជាច្រើនរវាងមនុស្សពីរនាក់ក៏ដោយ ប្រសិនបើអ្នកទាំងពីរមានឆន្ទៈក្នុងការស្តាប់ បញ្ចេញមតិ និងអត់ធ្មត់ជាមួយគ្នាទៅវិញទៅមក នោះបញ្ហាទាំងអស់នឹងត្រូវបានដោះស្រាយ។ នៅពេលនោះ អាពាហ៍ពិពាហ៍នៅតែអាចបន្តបាន ប៉ុន្តែប្រសិនបើភាគីទាំងពីរមិនព្រមទទួលយកបញ្ហា ហើយមិនផ្តល់ឱកាសឱ្យគ្នាទេនោះ អាពាហ៍ពិពាហ៍នឹងត្រូវបែកបាក់ក្នុងពេលឆាប់ៗនេះ។
4. ចិញ្ចៀន
អាពាហ៍ពិពាហ៍របស់អ្នកនឹងមានរយៈពេលពេញមួយជីវិតរបស់អ្នក។ មនុស្សជាច្រើននឹងរៀបចំផែនការជាច្រើនរួមគ្នា បន្ទាប់ពីរៀបការ ពួកគេមានគម្រោងអ្វីៗគ្រប់យ៉ាងដើម្បីអនាគត ប៉ុន្តែប្រសិនបើអាពាហ៍ពិពាហ៍របស់ពួកគេបែកបាក់ ពួកគេនឹងត្រូវចំណាយច្រើន ពួកគេមានអារម្មណ៍ខកចិត្ត និងបរាជ័យទាំងស្រុង។
ប៉ុន្តែអ្នកមិនដូចនោះទេ ទោះបីអ្នកកំពុងរស់នៅក្នុងជីវិតធម្មតាក៏ដោយ អ្នកមិនដែលត្អូញត្អែរ ឬនិយាយអ្វីដែលអ្នកចង់ធ្វើនាពេលអនាគតឡើយ។ អ្នកគ្រាន់តែរីករាយជាមួយនឹងបច្ចុប្បន្នរបស់អ្នក ហើយធ្វើការឱ្យល្អបំផុតសម្រាប់អាពាហ៍ពិពាហ៍របស់អ្នក។
នោះហើយជាមូលហេតុដែលអាពាហ៍ពិពាហ៍របស់អ្នកអាចស្ថិតស្ថេរជារៀងរហូត៕
ប្រភព ៖ Emdep / Knongsrok
ព័ត៌មានថ្មីៗ
