យល់សុបិនឃើញរឿង ៤ នេះ គឺជាប្រផ្នូលល្អ ប្រៀបដូចមានសំណាងធ្លាក់ពីលើមេឃ
ធ្លាប់លឺចាស់ៗពីបុរាណនិយាយទេ អំពីការកាត់ប្រផ្នូលយល់សប្ដិខុសៗពីគ្នា ហើយសម្រាប់រឿង ៤ នេះ បើអ្នកបានយល់សុបិនឃើញ វាជាប្រផ្នូលល្អ ដែលនឹងនាំលាភចូលដល់អ្នកជាក់ជាមិនខាន៖
៤) ឃើញនរណាម្នាក់ជាប់ពន្ធនាគារ
បើអ្នកយល់សុបិនឃើញនរណាម្នាក់ជាប់ពន្ធនាគារ ស្តាប់ទៅអាចថាជាចរឿងអាក្រក់ តែតាមការបកស្រាយរបស់ជូកុង ធ្លាប់សរសេរក្នុងសៀវភៅមួយថា វាជាប្រផ្នូលកើនឡើងទ្រព្យសម្បត្តិទៅវិញទេ ដោយសុបិននេះ ប្រសិនអ្នកមានស្វាមី នោះស្វាមីអ្នកនឹងជួបលាភធំ ហើយមានគេតាមថែរក្សាខ្ពស់។
៣) ឃើញនរណាម្នាក់ចូលផ្ទះ មកជាមួយសត្វចេះស្តាប់បង្គាប់
បើអ្នកសុបិនឃើញនរណាម្នាក់ដែលជាមនុស្សប្លែកមុខ គេមកផ្ទះអ្នកដោយមានសត្វចិញ្ចឹមដ៏គួរឲ្យស្រលាញ់មកជាមួយ នោះដូចជាគេយកទ្រព្យមកឲ្យអ្នកអ៊ីចឹងដែរ។ កាន់តែល្អប្រសិនគេមានពពែ ឬជ្រូកធាត់ៗមកជាមួយ។
សញ្ញានេះបង្ហាញថា ទ្រព្យសម្បត្តិអ្នកហូរហៀរហើយគ្រប់គ្រងបានល្អ រួចក្នុងអាជីវកម្មមុខជំនួញទាំងឡាយក៏នឹងជោគជ័យដូចបំណងប្រាថ្នា។
២) ឃើញឈាម
ឈាមក៏ជានិមិត្តសញ្ញានៃទ្រព្យដែរ ដោយក្នុងសៀវភៅជូកុងដដែលបានបកស្រាយថា ការស្លាប់មនុស្សជាប់ស្នាមប្រឡាក់ឈាមលើសំលៀកបំពាក់ គឺជាសញ្ញានៃលុយហូរចូលដូចទឹកទន្លេ ហើយមានភាពរុងរឿងក្នុងជីវិត។
១) ឃើញត្រីកំពុងហែលទឹក
ប្រសិនអ្នកយល់សុបិនឃើញត្រីកំពុងហែលក្នុងទឹក វាក៏ជានិមិត្តរូបនៃទ្រព្យសម្បត្តិដូចគ្នា។ វាជាភាពរុងរឿង និងបរិបូរណ៍ទៅពេលខាងមុខ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
