ជ្រើសរើសដបថ្នាំវេទមន្តមួយ ដើម្បីទទួលបានសារណែនាំដ៏ល្អបំផុតក្នុងជីវិត
អនាគតគឺជាអាថ៌កំបាំងដែលគ្មាននរណាម្នាក់ទស្សន៍ទាយទុកជាមុនបានឡើយ ប៉ុន្តែយើងអាចដឹងនូវតម្រុយខ្លះបាន ផ្អែកតាមការខិតខំប្រឹងប្រែងមួយចំនួននិងគោលដៅដែលបានរៀបចំនៅពេលបច្ចុប្បន្ននេះ។
យ៉ាងណាអ្នកក៏រមែងជួបនូវរឿងរ៉ាវលំបាកជាបន្តបន្ទាប់ ហើយពាក្យលើកទឹកចិត្ត សារគំនិតល្អៗគឺជាអ្វីដែលអ្នកត្រូវការបំផុតនៅពេលនេះ។ ចូរជ្រើសរើសដបថ្នាំវេទមន្តមួយ ដើម្បីទទួលបានសារដូចខាងក្រោម៖
ដបថ្នាំវេទមន្តទី ១
អ្វីៗមិនងាយស្រួលទេ ពេលខ្លះរមែងតែងជួបរឿងលំបាក ហើយចំណង់ខ្លះដែលយើងចង់បានក៏សម្រេចមិនបាន។ នៅស្ថានភាពខ្លះ យើងពិតជាពិបាកនឹងឆ្លងកាត់ សឹងតែចង់បោះបង់ម្តងៗហើយ យ៉ាងណារឿងខ្លះអ្នកត្រូវចាំថា ក្រៅពីការខិតខំហើយ គឺមានតែរង់ចាំពេលវេលានិងសំណាងតែប៉ុណ្ណោះ។
ព្រះអាទិត្យដែលលិចបាត់ហើយ ក៏ថ្ងៃស្អែកគង់តែរះឡើងវិញ ប្រៀបបាននឹងជីវិត មិនចេះតែធ្លាក់រហូតនោះទេ បើអ្នកនៅមានក្តីសង្ឃមឹនិងបន្តខិតខំ នោះភាពជោគជ័យ ក៏ដូចជាផ្លែផ្កានឹងឈានចូលមកដល់នៅពេលខាងមុខ។ អ្នកជាមនុស្សរឹងមាំ ឆ្លាតវៃ បែបនេះរឿងល្អៗជាច្រើននឹងចូលមកក្នុងជីវិតអ្នក ដោយត្រូវការតែពេលវេលាប៉ុណ្ណោះ ចូរអត់ធ្មត់បន្តិចទៅ។
ដបថ្នាំវេទមន្តទី ២
អ្នកហាក់រង់ចាំរឿងណាមួយយូរណាស់មកហើយមែនទេ ហើយវាហាក់មិនទាន់ឃើញលេចចេញមកទាល់តែសោះ។ ការផ្លាស់ប្តូរវិជ្ជមាន មិនចេះតែកើតមានឡើងនោះទេ ប្រសិនបានជួបប្រទះហើយ ចូរក្តោបក្តាប់ឲ្យបានល្អ និងប្រើពេលវេលានោះឲ្យបានជាផលដល់ជីវិតច្រើនៗផង។
ចូរបន្តភាពរីករាយទាំងខាងក្នុងនិងខាងក្រៅនៃរាងកាយរបស់អ្នក ហើយត្រៀមខ្លួនទៅ ដំណាក់កាលល្អបំផុតនៃជីវិតកៀកនឹងចូលមកដល់ហើយ។
ដបថ្នាំវេទមន្តទី ៣
អនាគតរបស់អ្នកបែបណា វាស៊ីសងលើសកម្មភាពដែលអ្នកកំពុងធ្វើនៅពេលនេះហ្នឹងហើយ។ អ្នកមើលទៅជាមនុស្សមានមនោសញ្ចេតនា ដែលជាប់ជំពាក់នឹងអតីតកាលដ៏ច្រើន ហើយអ្នកបានអនុញ្ញាតឲ្យវានៅលងបន្លាចអ្នក មិនឲ្យរស់នៅជាមួយភាពរីករាយក្នុងបច្ចុប្បន្នកាល។
តាមពិតទៅមានរឿងវិជ្ជមានជាច្រើន បាននឹងកំពុងស្ថិតនៅផ្លូវខាងមុខនៃជីវិតរបស់អ្នក មិនថាតែទ្រព្យសម្បត្តិ ស្នេហា និងមិត្តភាព តែដោយសារអ្នកបំភ្លេចអតីតកាលអាក្រក់មិនបាន ទើបធ្វើឲ្យអ្នកខ្លាច ខ្លាចក្រែងនឹងការផ្តោតទៅលើរឿងថ្មី៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
