ទំនើបណាស់! លោកធំម្នាក់ ជួល Helicopter ដឹកសំបកកង់ឡានតែ២គ្រាប់ ពីភ្នំពេញ ទៅស្ទឹងត្រែង ក្នុងតម្លៃ ៦ពាន់ដុល្លារអាមេរិក!
កិច្ចការងារសំខាន់ អ្នកណាក៏តែងតែមានដែរតែការសំខាន់ចាំបាច់ខ្លះប្រហែលជាទាក់ទងនឹងអាយុជីវិត ទាក់ទងនឹងការងារធំជាដើមដែលត្រូវតែធ្វើឱ្យបានលឿន រហ័សជាទីបំផុត។
យ៉ាងណាមិញ ថ្មីៗនេះអ្នកធំម្នាក់ដែលមានឋានៈធំដែរនៅក្នុងសង្គម ត្រូវបានគេដឹងថាមានកិច្ចការសំខាន់ខ្លាំង រហូតត្រូវជួល Helicopter ដឹកសំបកកង់ឡានតែ២គ្រាប់ ពីភ្នំពេញ ទៅស្ទឹងត្រែង ក្នុងតម្លៃ ៦ពាន់ដុល្លារអាមេរិកឯណោះ ដើម្បីអាចធ្វើដំណើរបំពេញការងារបន្តទោទៀតទៅកាន់សៀមរាប ដែលជារឿងធ្វើឱ្យអ្នកលេងបណ្តាញសង្គមមានការភ្ញាក់ផ្អើលជាខ្លាំង។
នេះបើយោងតាមរយៈគណនីហ្វេសប៊ុក Sokhan May ក៏បានប្រាប់ឲ្យដឹងតាមរយៈខមិនថា៖ «របស់ឯកឧត្ដមបង គាត់ប្រញាប់ឡើងទៅសៀមរាប តម្លៃ ពី PP មកស្ទឹងត្រែង 6000$ កង់ពីរនោះតម្លៃ1300$» ។
នេះអាចបង្ហាញដែរថា គ្រាន់តែចំណាយលុយដឹកទៅនោះក៏អស់មិនស្ទើរដែរ៕
ព័ត៌មានថ្មីៗ
