ល្បិចទេសវេទមន្តរបស់អ្នកលេងសៀកចំនួន ៥ ដែលពួកគេប្រើដើម្បីបំភាន់ភ្នែករបស់លោកអ្នក:
ពេលខ្លះនៅក្នុងវ័យកុមារភាពយើងទាំងអស់គ្នាជឿលើមន្តអាគម។ ពីការមើលឃើញការសម្តែងដ៏អស្ចារ្យរបស់បុរសលេងប៉ាហីលំដាប់ពិភពលោក តើអ្នកធ្លាប់ឃើញវេទមន្តជ្រាបចូលមនុស្សទេ? ឬវេទមន្តនៃការបោះត្រីចូលទៅក្នុងដបកែវ? ឬកៅអីវេទមន្តដែលធ្វើឱ្យមនុស្សអង្គុយដូចជាអង្គុយនៅលើអាកាសទទេ? វេទមន្តទាំងនេះពិតជាគួរឱ្យចាប់អារម្មណ៍ហើយសម្រាប់ថ្ងៃនេះយើងចង់បង្ហាញអ្នកពីការពិតដែលថាពួកគេមិនមែនជាមន្តអាគម។ ប្រសិនបើអ្នកត្រៀមរួចរាល់សូមមើលវា។
១. ល្បិចឆ្លងកាត់ខ្លួនមនុស្ស
អ្វីដែលអ្នកមើលឃើញ៖ ជំនួយការរបស់បុរសលេងសៀកស្ថិតនៅក្នុងប្រអប់តូចចង្អៀតនេះ។ ដោយមានប្រឡោះនៅកណ្តាលគ្របដណ្ដប់ដោយវាំងនន បុរសសម្តែងសៀកបានឆ្លងកាត់ប្រហោងពីខាងក្រោយប្រអប់ចេញទៅខាងមុខ។ អ្នកអាចឃើញថាបុរសសម្តែងសៀកនេះបានឆ្លងកាត់រាងកាយរបស់មនុស្សស្រីដែលជាជំនួយការ។
ការលាតត្រដាង៖ ប្រអប់ដែលយកមកសម្តែងមានសភាពតូចចង្អៀត។ ប៉ុន្តែការពិតមិនតូចចង្អៀតទេ ហើយស្រ្តីដែលជាជំនួយការនេះបានបង្វែរដងខ្លួនទៅចំហៀង ដូច្នេះមានកន្លែងគ្រប់គ្រាន់សម្រាប់បុរសសម្តែងសៀកអាចលូនតាមប្រហោងដែលមើលទៅដូចជាឆ្លងកាត់រាងកាយរបស់ស្រ្តីដែលជាជំនួយការ។
២. ជប់ត្រីដាក់ក្នុងដប
អ្វីដែលអ្នកមើលឃើញ៖ បុរសលេងសម្តែងសៀកបង្ហាញដបមួយដែលមានគំរបមួយនៅខាងលើ និងទឹកនៅខាងក្នុងដប។ បន្ទាប់មកដបត្រូវបានគ្របដោយកន្សែង។ ហើយនៅពេលអ្នកសម្តែងសៀកបើកក្រណាត់ចេញមក យើងបានឃើញត្រីស្ថិតនៅក្នុងដប។
ការលាតត្រដាង៖ មាត់ដបផ្នែកខាងលើមានប្រឡោះសំងាត់មួយដែលអាចផ្ទុកត្រីបាន ហើយអាចទាញចេញបានដោយមើលទៅដូចវេទមន្ត។ ការសម្តែងនេះធ្វើឡើយនៅពេលកន្សែងត្រូវបានទាញចេញ។ នៅពេលទាញចេញត្រីបានធ្លាក់ចូលទឹកនៅក្នុងដប។
៣. ល្បិចអង្គុយលើអាកាស
អ្វីដែលអ្នកមើលឃើញ៖ បុរសសម្តែងសៀកអង្គុយលើកៅអីមួយ។ បន្ទាប់មកស្រ្តីដែលជាជំនួយការរបស់គាត់បានដកកៅអីចេញ។ ប៉ុន្តែបុរសដែលសម្តែងសៀកនៅតែអង្គុយបានដដែលហាក់ដូចជាកំពុងអង្គុយនៅលើអាកាស។
ការលាតត្រដាង៖ សម្រាប់វេទមន្តនេះមានកន្លែងអង្គុយ និងកៅអីដែលមើលមិនឃើញ ដែលត្រូវបានភ្ជាប់បណ្តាលឱ្យទស្សនិកជនឃើញថាហាក់ដូចជាគាត់អណ្តែតលើអាកាស។
៤. យន្តការនៃការរំដោះខ្លួន
អ្វីដែលអ្នកមើលឃើញ៖ បុរសសម្តែងសៀកពាក់អាវដែលចងជាប់នឹងខ្នងរបស់គាត់។ ហើយក្នុងរយៈពេលតែពីរបីវិនាទីគាត់អាចរំដោះខ្លួនចេញបានយ៉ាងងាយ។
ការលាតត្រដាង៖ នៅពេលដៃអាវត្រូវបានរំនៅលើខ្លួនរបស់បុរសសម្តែងសៀក។ មានកន្លែងមួយក្នុងចន្លោះតូចនៃអាវដើម្បីរំកិលដៃរបស់បុរសលេងសៀក ហើយទីបំផុតគាត់ក៏អាចរំដោះខ្លួនចេញបាន។
៥. ល្បិចទម្លាក់ក្បាលចុះក្រោម
អ្វីដែលអ្នកមើលឃើញ៖ ក្បាលរបស់អ្នកសម្តែងសៀកបានធ្លាក់ចុះក្រោមមិនគួរឱ្យជឿ។
ការលាតត្រដាង៖ មានវត្ថុមួយរាងត្រីកោណដែលលាក់នៅខាងក្រោយអាវរបស់អ្នកលេងសៀក។ ដូច្នេះនៅពេលដែលបុរសលេងសៀកឱកក្បាលចុះ វត្ថុរាងត្រីកោណនឹងរុញអាវធំរបស់អ្នកលេងសៀកឡើងលើ ដែលមើលទៅហាក់ដូចជាអ្នកសម្តែងទម្លាក់ក្បាលចុះ៕
ប្រែសម្រួល៖ ក្នុងស្រុក
ប្រភព៖ brightside
ព័ត៌មានថ្មីៗ
