កំណត់សម្គាល់ទាំង៥ចំណុច នឹងអាចបង្ហាញឱ្យឃើញថា មនុស្សម្នាក់នោះ មានចិត្តស្មោះត្រង់ ស្រឡាញ់អ្នកស្មោះឬអត់ហើយ
ជាការពិតណាស់ ប្រសិនបើអ្នកស្រឡាញ់បុរសណាម្នាក់ ហើយចង់ដឹងថាគេស្រឡាញ់អ្នកពិត ឬមានចិត្តស្មោះចំពោះអ្នកឬក៏អត់នោះ អ្នកអាចកំណត់សម្គាល់ និងតាមដានលើចំណុចទាំង៥នេះបាន។
១. គាត់ចំណាយពេលច្រើនជាមួយអ្នក
នៅពេលបុរសណាម្នាក់ស្រឡាញ់ដោយស្មោះ ពួកគេតែងតែចង់នៅជាមួយស្ត្រីរបស់ពួកគេតាមដែលអាចធ្វើទៅបាន។ ដោយសារតែគ្រានៅជាមួយគ្នាធ្វើឱ្យគាត់សប្បាយចិត្ត គឺជាមធ្យោបាយមួយសម្រាប់អ្នកទាំងពីរដើម្បីចងក្រងអនុស្សាជាមួយគ្នា។ បុរសស្មោះត្រង់តែងតែដឹងពីរបៀបរៀបចំពេលវេលា និងការងារដើម្បីនៅជាមួយមនុស្សជាទីស្រឡាញ់។
២. គ្មានអាថ៌កំបាំងចំពោះអ្នក
នៅពេលគាត់មានសេចក្តីស្រឡាញ់ និងការទុកចិត្តគ្រប់គ្រាន់ គាត់នឹងមិនចង់លាក់អ្វីពីអ្នកឡើយ។ ពួកគេនឹងចែករំលែកអាថ៌កំបាំងរបស់ពួកគេយ៉ាងសកម្ម ដោយគ្មានការព្រួយបារម្ភ ឬភ័យខ្លាច។ ប្រសិនបើអ្នកស្តាប់អាថ៌កំបាំងទាំងនោះសូមគោរព និងឱ្យតម្លៃគាត់ផង។
៣. គាត់អាចទទួលយកគុណវិបត្តិទាំងអស់របស់អ្នក
បុរសដែលមានអយ្យកោ និងអាត្មានិយមកាន់តែច្រើនគាត់តម្រូវឱ្យស្ត្រីត្រូវតែមានភាពល្អឥតខ្ចោះ និងមានជំនាញយ៉ាងស្វិតស្វាញ។ ប៉ុន្តែបុរសស្មោះត្រង់ពួកគេមិនដែលទាមទារឱ្យស្ត្រីដែលគាត់ស្រឡាញ់ ធ្វើការផ្លាស់ប្ដូរអ្វីច្រើនដើម្បីគាត់នោះឡើយ។ ព្រោះពួកគេក៏ដឹងថា ខ្លួនគេនៅមានចំណុចខ្វះចន្លោះ និងខ្វះខាតដូចក្នា។ នោះហើយជាមូលហេតុដែលគាត់អាចទទួលយកបានគ្រប់ចំណុចខ្វះខាត និងគុណវិបត្តិរបស់អ្នក។
៤. គាត់ឱ្យតម្លៃអ្នក
បុរសល្អនឹងដឹងពីរបៀបការពារស្ត្រីពីអ្នកដទៃ ជាពិសេសនៅកន្លែងដែលមានមនុស្សច្រើន។ ទោះបីអ្នកខុស ក៏គាត់នៅតែឈរខាងអ្នក និងការពារអ្នកជានិច្ច។ ដោយសារតែគាត់ចង់ជួយសង្គ្រោះមុខមាត់ និងឱ្យតម្លៃដល់អ្នក។
៥. គាត់ស្មោះត្រង់បំផុតចំពោះអ្នក
ក្នុងរឿងស្នេហា ភាពស្មោះត្រង់គឺជារឿងដ៏រឹងមាំសម្រាប់អ្នកទាំងពីរ ដើម្បីកសាងទំនាក់ទំនងដ៏រឹងមាំ។ ដូច្នេះប្រសិនបើគាត់ជឿជាក់លើអ្នកចូរអ្នករក្សាកិត្តិយស និងគោរពឱ្យតម្លៃដល់គាត់វិញផង៕
ប្រភព ៖ phunutoday.vn / ប្រែសម្រួល ៖ ភី អេក (ក្នុងស្រុក)
ព័ត៌មានថ្មីៗ
