តេស្តរីករាយ: ជ្រើសរើសផ្កាដែលអ្នកស្រឡាញ់ជាងគេ នឹងបង្ហាញព័ត៌មានលំអិតអំពីដៃគូជីវិតស្នេហារបស់អ្នក!
ផ្កាធ្លាប់ត្រូវបានគេតំណាងឱ្យនារីដែលមានរូបសម្បត្តិស្រស់ស្អាត វាជារឿងពិតមួយ។ ចុះបើសិនជាផ្កាត្រូវបានតំណាងឱ្យជីវិតស្នេហារបស់អ្នកវិញ នោះវានឹងធ្វើឱ្យអ្នកមានការភ្ញាក់ផ្អើលនៅក្នុងអត្ថបទខាងក្រោមនេះ។ សូមមើល! ផ្កាដែលអ្នកចូលចិត្តជានិមិត្តរូបរបស់អ្នក ព្រមទាំងបង្ហាញអំពីជីវិតស្នេហារបស់អ្នក!
ផ្កាលីលី
ប្រសិនបើអ្នកជ្រើសរើសផ្កាលីលីនោះមានន័យថាជីវិតស្នេហារបស់អ្នកនឹងស្តែងឱ្យឃើញជាមួយនឹងសន្តិភាព និងសុភមង្គល។ អ្នកចង់មានដៃគូដែលជិតស្និទ្ធជាមួយគ្រួសាររបស់ពួកគេ។ ថ្ងៃណាមួយអ្នកនិងដៃគូអ្នកចង់មានគ្រួសារធំ ឬតូចដោយខ្លួនឯងហើយវានឹងក្លាយជារឿងសំខាន់បំផុតសម្រាប់អ្នកទាំងពីរ។ ភាពសាមញ្ញគឺជាអ្វីដែលសំខាន់បំផុតសម្រាប់អ្នក។
ផ្កាឈូករ័ត្ន
ជាផ្កាដែលបែមុខទៅរកព្រះអាទិត្យផ្កាទាំងនេះតំណាងឱ្យភាពកក់ក្តៅនិងសុភមង្គល។ ក៏តំណាងឱ្យភាពស្មោះត្រង់ផងដែរ។ អ្វីដែលអ្នកចង់បានពីដៃគូគឺជាមនុស្សដែលមានមូលដ្ឋានច្បាស់លាស់។ អ្នកត្រូវមានទំនុកចិត្តនិងបផ្តល់ក្តីស្រឡាញ់ជូនមនុស្សដែលស្រឡាញ់អ្នកពិតប្រាកដ។
ផ្កាបក្សីសួគ៌
ប្រសិនបើផ្កានេះជាចំណូលចិត្តរបស់អ្នក វាគឺដោយសារតែបុគ្គលិកលក្ខណៈពិសេសរបស់អ្នក។ អ្នកត្រូវការនរណាម្នាក់ដែលមានស្មារតីសេរីភាព ហើយទៅជាមួយលំហូរចិត្ត។ ដោយសារតែអ្នកចូលចិត្តដំណើរផ្សងព្រេងអ្នកត្រូវការដៃគូដែលមានឆន្ទៈដូចគ្នា និងបង្កើតអនុស្សាវរីយ៍ជាមួយអ្នក។
ផ្កាកុលាប
បើសិនជាអ្នកជ្រើសរើសយកផ្កាកុលាបនោះបង្ហាញថាវាជានិមិត្តរូបនៃមនោសញ្ចេតនា។ អ្នកពោរពេញទៅដោយសម្រស់ដែលភ្ជាប់មកជាមួយស្នេហារ៉ូមេនទិច។ អ្នកត្រូវការដៃគូដែលធ្វើរឿងតូចតាចសម្រាប់អ្នកនិងកាយវិការច្រើន ដើម្បីបង្ហាញពីសេចក្តីស្នេហារបស់ពួកគេ។ ប្រភេទនៃដៃគូដែលស្តាប់ និងព្យាយាមធ្វើឱ្យអ្នកញញឹម និងមានអារម្មណ៍ពិសេសគឺជាអ្វីដែលអ្នកប្រាថ្នា។
ផ្កាដែហ្វហ្វូឌីល
ផ្កានេះជានិមិត្តរូបនៃការចាប់ផ្តើមថ្មី។ ជីវិតស្នេហារបស់អ្នកមិនតែងតែងាយស្រួលទេ។ អ្នកធ្លាប់ឆ្លងកាត់គ្រាលំបាក ហើយអ្នកក៏ឈឺចាប់។ អ្នកត្រូវការដៃគូដែលនឹងធ្វើឱ្យអ្នកធ្លាក់ក្នុងអន្លង់ស្នេហ៍ម្តងទៀតបន្ទាប់ពីអ្វីៗគ្រប់យ៉ាងដែលធ្វើឱ្យអ្នកឈឺចាប់ពីមុនមកបានជាសះស្បើយ។ អ្នកមិនងាយបើសោរបេះដូងម្តងទៀតទេ ប៉ុន្តែអ្នកនឹងបើកប្រសិនបើមនុស្សត្រឹមត្រូវ និងស្មោះស្ម័គ្រចូលមក។
ផ្កាតុលីប
ផ្កាតុលីបតំណាងឱ្យសេចក្ដីស្រឡាញ់ដ៏ល្អឥតខ្ចោះ។ ផ្កាដែលឆើតឆាយ និងអាចសម្គាល់បានយ៉ាងងាយស្រួលគឺជាផ្កាមួយក្នុងចំណោមផ្កាពេញនិយមបំផុតនៅលើពិភពលោកហើយវាផ្តល់នូវការលួងលោមនិងភាពកក់ក្តៅ។ អ្នកត្រូវការដៃគូដែលនឹងនៅជាមួយអ្នក ហើយគាំទ្រតម្រូវការផ្លូវចិត្តរបស់អ្នក។ អ្នកត្រូវការអ្នកលើកទឹកចិត្តនៅក្នុងជីវិតរបស់អ្នកដើម្បីជំរុញឱ្យអ្នកទៅរកក្តីសុបិនរបស់អ្នក៕
តើផ្កាមួយណាដែលអ្នកជ្រើសរើស? តើផ្កានេះបង្ហាញអំពីដៃគូជីវិតស្នេហាយ៉ាងម៉េចដែរ? ផ្តល់មតិយោបល់របស់អ្នកនៅក្នុងខមិនខាងក្រោម និងស៊ែរចែករំលែកទៅកាន់មិត្តភ័ក្តិរបស់អ្នក!
ប្រែសម្រួល៖ ក្នុងស្រុក
ប្រភព៖ Womenworking.com
ព័ត៌មានថ្មីៗ
