Apache ជាឈ្មោះទាហានស្រីបាញ់ស៊ីបរបស់វៀតកុងល្បីថាសាហាវតែមរណៈក្រោមថ្វីដៃទាហានបាញ់ស៊ីបអាមេរិក Carlos Hathcock
Apache ជាទាហានបាញ់ស៊ីបស្ត្រីរបស់ទាហាន Viet Cong និងជាអ្នកសួរចម្លើយអ្នកទោសអាមេរិកពេលចាប់បាន។ នាងត្រូវបានដាក់ឈ្មោះហៅក្រៅថា Apache គឺយោងទៅតាមរយៈវិធីធ្វើទារុណកម្មទៅលើកងម៉ារីនអាមេរិកនិងកងទ័ពវៀតណាមខាងត្បូង ដែលចាប់បាន ហើយនាងធ្វើឱ្យពួកគេហូរឈាមខ្សោះរហូតដល់ស្លាប់យ៉ាងឃោឃៅ។
នាងបានដឹកនាំក្រុមទាហាន Snipers មួយកងតូច និងទទួលបានកេរ្តិ៍ឈ្មោះល្បីល្បាញក្នុងជួរទាហានវៀតកុង សម្រាប់ការធ្វើទារុណកម្មអ្នកទោសសង្គ្រាម ពេលវាយលុកទទួលបានមូលដ្ឋានទ័ពអាមេរិក និងកាត់ត្របកភ្នែករបស់អ្នកទោស(ជនរងគ្រោះ)ហើយចាត់ទុកថា វាជាពានរង្វាន់ក្នុងការប្រកួតមួយ។
ដោយសារតែកលល្បិចពិសពុល និងភាពគ្មានមេត្តារបស់នាង បានធ្វើឱ្យនាងក្លាយជាគោលដៅខ្ពស់របស់កងទ័ពអាមេរិក។ នាងត្រូវបានសម្លាប់នៅឆ្នាំ ១៩៦៦ ដោយលោក Carlos Hathcock ទាហានដ៏ល្បីម្នាក់ក្នុងផ្នែកមួយនៃក្រុមអ្នកលបបាញ់របស់កងម៉ារីនសហរដ្ឋអាមេរិក។ ដៃគូរបស់គាត់គឺ កាពីទែន Edward James Land ដែលទៅលប់ចាំឆ្មក់ក្រោយទទួលបានព័ត៌មានហើយ Hathcock បានផ្ដាច់ជីវិតនាងដោយកេះកៃចំនួន២ដង ត្រូវទាំងពីរគ្រាប់។។ មរណភាពរបស់នាងគឺជាជ័យជម្នះប្រកបដោយសីលធម៌ដ៏សំខាន់សម្រាប់កងទ័ពសហរដ្ឋអាមេរិក។
ក្នុងបទសម្ភាសន៍មួយដែលធ្វើឡើងដោយលោក John Plaster ក្នុងឆ្នាំ១៩៨៤និង១៩៨៥! Hathcock ចាប់ផ្ដើមនិយាយរៀបរាប់ថា៖" Apache បាននាំទាហានបាញ់ស៊ីបប៉ុន្មាននាក់ដើរឡើងភ្នំមួយ(ហៅថាHill 55)ហើយពេលនោះនាងកំពុងធ្វើទារុណកម្មទាហានម៉ារីនអាមេរិកម្នាក់។ ក្នុងបទសម្ភាសន៍នោះ Hathcock និង កាពីទែន Edward James Land ទទួលបានបញ្ជាពីមេបញ្ជាការជាន់ខ្ពស់ Charles Henderson។ Apache គឺជាគោលដៅលេចធ្លោមួយយោងទៅតាមយោធាស៊ើបការណ៍សម្ងាត់។
មែនទែនទៅ! ព័ត៌មាននិងប្រវត្តិរបស់ស្រ្តីម្នាក់នេះមិនត្រូវបានគេបង្ហាញច្រើននោះទេ ខណៈទាហានអាមេរិកក៏ទម្រាំតែរកនាងឃើញគឺចំណាយពេលជាច្រើនអាទិត្យ។ទីបំផុត! អ្វីដែលគេរំពឹងទុកគឺថានាងស្លាប់ដោយសារភាពឃោឃៅរបស់នាង។ ទាហានឈ្លើយសឹកអាមេរិក ឬវៀតណាមខាងត្បូងដែលនាងចាប់បានកម្ររួចជីវិតណាស់ហើយបើស្លាប់ក៏មិនដែលស្លាប់ស្រួលនោះដែរ។ដូចពាក្យគេថារស់វេទនាជាងស្លាប់ ឬស្លាបទាំងវេទនា៕
រក្សាសិទ្ធដោយ៖ ក្នុងស្រុក
ព័ត៌មានថ្មីៗ
