ថ្មីទៀតហើយ! ពេលថ្ងៃហាងកាហ្វេហាងនំប៉័ង យប់ឡើងបម្រើ Cocktail ជាមួយទិដ្ឋភាពឡូយខ្លាំងបែបរ៉ូមែនទិក
Le Café ត្រូវបានគេស្គាល់ថាជាហាងដែលមានបម្រើកាហ្វេ នំប៉័ង និងម្ហូបអាហារមានទាំងបែបខ្មែរ និងអឺរ៉ុបជាមួយឱជារសឆ្ងាញ់ខ្លាំង តែតម្លៃសមរម្យ ដោយមានការបើកដំណើរការចាប់ពីម៉ោង ៧ ព្រឹក ដល់ម៉ោង ៧ យប់។ ឯទិដ្ឋភាពការរៀបចំហាងពិតជាមានផាសុកភាព ដោយអ្នកអាចជ្រើសទទួលទានក្នុងហាងក៏បាន ឬអង្គុយនៅខាងក្រៅហាងដែលមានលក្ខណៈបែបធម្មជាតិជាមួយដើមឈើតូចធំផ្តលនូវភាពត្រជាក់ស្រស់ស្រាយស្យល់បក់ត្រសៀកៗ។
តែកាន់តែប្លែកថ្មីនោះ ថ្មីៗនេះ Le Café បានប្រកាសបម្រើការភេសជ្ជៈបែប Cocktail មួយទៀតហើយ ដោយមានការរៀបចំទីតាំងទទួលទាន Cocktail មានភាពរ៉ូមែកទិកខ្លាំង ជាមួយនឹងទិដ្ឋភាពនៅខាងក្រៅហាង មានអំពូលភ្លើងភ្លឺតុបតែងពេញដើមឈើគួរជាទីមនោរម្យខ្លាំងមែនទែន សម្រាប់អ្នកដែលចូលចិត្តភាពស្ងប់ស្ងាត់ជាមួយដៃគូ ឬគូសង្សារជាដើម។
គួរឱ្យដឹងផងដែរថា Le Café មានទីតាំងនៅផ្ទះលេខ ២៦ ផ្លូវ ផ្លូវ ២៤០ ជាប់នឹងសណ្ឋាគារ White Mansion ដោយការបើកដំណើរការបម្រើភេសជ្ជៈបែប Cocktail នេះចាប់ពីម៉ោង ៥ល្ងាច ដល់ម៉ោង ១១ យប់ឯណោះ៕
រក្សាសិទ្ធអត្ថបទ៖ ក្នុងស្រុក
ប្រភពរូបភាព៖ Le Café at White Mansion
ព័ត៌មានថ្មីៗ
