ប្រជ្រុយទេពកោសល្យ មនុស្សដែលមានប្រជ្រុយ៣កន្លែងនេះ ច្រើនតែឆ្លាត ពូកែ ដែលជាចំណុចទាក់ទាញសំណាងច្រើនក្នុងជីវិត
បើអ្នកមានប្រជ្រុយនៅទីទាំងទាំង៣ខាងក្រោមនេះ ទោះមានតែមួយ ក៏រាប់ថាជាលាភសំណាងដែរ ព្រោះមនុស្សដែលមានប្រជ្រុយនៅលើទីតាំងទាំង៣នេះ ច្រើនតែជាមនុស្សដែលមានភាពឆ្លាតវៃ រហ័សរហួន មានទេពកោសល្យខ្ពស់ ដែលអាចទាក់ទាញសំណាងបានច្រើនចូលមកក្នុងជីវិត។
១. ប្រជ្រុយនៅលើថ្ងាស
ភាគច្រើននៃមនុស្សដែលមានប្រជ្រុយនៅលើថ្ងាស ជាធម្មតាជាមនុស្សដែលមានទេពកោសល្យឆ្នើម ហើយក៏ជាប្រភេទមនុស្សដែលមានមហិច្ឆតាធំ ចង់មានចង់បានផងដែរ។ ពួកគេមានចក្ខុវិស័យ និងការគិតឡូជីខលច្បាស់លាស់។ តាមចរិតលក្ខណៈ មនុស្សទាំងនេះច្រើនតែជាមនុស្សទៀងត្រង់, មានសុឆន្ទៈ, ពូកែបញ្ចុះបញ្ចូលអ្នកដទៃ, មានជំនាញដឹកនាំ។
លើសពីនេះ មនុស្សទាំងនេះក៏មានភាពវៃឆ្លាត ដែលចេះបត់បែន និងសម្របខ្លួន ទៅតាមស្ថានភាព និងការងាររបស់ពួកគេផងដែរ។ ឈានចូលវ័យវ័យកណ្តាលមនុស្សទាំងនេះតែងតែមានអាជីពរបស់ពួកគេយ៉ាងច្បាស់លាស់ និងមានជំហានធំ ៗ ជាច្រើន ហេតុនេះហើយ ដែលនាំឱ្យមនុស្សទាំងនេះ ច្រើនតែមានជីវិតពេញលេញ និងមានតែភាពសម្បូរបែប។
២. ប្រជ្រុយនៅលើត្រចៀក
ប្រសិនបើមនុស្សម្នាក់មានប្រជ្រុយនៅលើត្រចៀករបស់គាត់ ជាធម្មតាជាមនុស្សឆ្លាតវៃ មានទេពកោសល្យ និងមានឆន្ទៈ មិនងាយចុះចាញ់អ្វីងាយៗឡើយ។ មិនថាពួកគេដើរតាមផ្លូវណាក៏ដោយ ដរាបណាពួកគេតស៊ូ ពួកគេនឹងក្លាយជាមនុស្សល្បីល្បាញ។ នៅក្នុងបុគ្គលិកលក្ខណៈរបស់មនុស្សដែលមានប្រជ្រុយនេះ ពួកគេតែងតែដឹងពីរបៀបប្រព្រឹត្ដចំពោះមនុស្សជុំវិញខ្លួន និងគ្រប់កន្លែងដែលពួកគេទៅ ពួកគេនឹងត្រូវបានគេស្រឡាញ់ ចូលចិត្ត នៅពេលមានការលំបាកវាងាយស្រួលក្នុងការគាំទ្រពីមនុស្សថ្លៃថ្នូរ។
ជាពិសេស ប្រសិនបើអ្នកជាស្ត្រី អ្នកនឹងមានសំណាងផ្នែកហិរញ្ញវត្ថុថែមទៀត។ មនុស្សដែលមានប្រជ្រុយនៅជិតត្រចៀក និងភ្នែករបស់ពួកគេ ក៏ច្រើនតែមានសុខភាពល្អ និងអាយុវែងផងដែរ។ មនុស្សដែលមានប្រជ្រុយនៅលើត្រចៀករបស់ពួកគេច្រើនតែមានសំណាងល្អ ដូច្នេះបើអាយុកាន់តែច្រើនពួកគេនឹងក្លាយជាអ្នកមាន។
៣. ប្រជ្រុយនៅចុងច្រមុះ
នៅក្នុងហោរាសាស្ត្រ និងនរវិទ្យាមនុស្សដែលមានប្រជ្រុយនៅលើចុងច្រមុះនេះច្រើនតែមានសមត្ថភាពដឹកនាំខ្លាំង ហើយនឹងមានទំនួលខុសត្រូវខ្ពស់។ មនុស្សទាំងនេះច្រើនតែមានសំណាងផ្នែកហិរញ្ញវត្ថុ មានភាពវៃឆ្លាត មានចក្ខុវិស័យល្អជាងអ្នកដទៃ ដូច្នេះគាត់អាចក្លាយជាអ្នកដឹកនាំដែលមានទេពកោសល្យខ្លាំង៕
ប្រភព : Phunutoday / Knongsrok
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
