វត្ថុទិព្វ! ដាក់របស់ ៣ យ៉ាងនេះនៅក្រោមគ្រែ ជួយថែរក្សាគ្រួសារ នាំសំណាង និងសុភមង្គល ប្ដីប្រពន្ធស្រឡាញ់គ្នារយឆ្នាំ
ក្នុងក្បួនហុងស៊ុយ ក្រោមគ្រែក៏ជាកន្លែងដែលសំខាន់ដែរ បើអ្នកបានដាក់របស់ទាំង ៣ នេះ នៅខាងក្រោមវា នោះគ្រួសារនឹងរឹតតែមានសុភមង្គល ប្ដីប្រពន្ធស្រឡាញ់គ្នាកាន់តែខ្លាំង ទ្រព្យក៏កើនឡើងទ្វេដងផងដែរ។
១. កន្ថោស្ដោះទឹកមាត់
ការដាក់កន្ថោស្ដោះទឹកមាត់នៅក្រោមគ្រែ ក៏អាចជួយឱ្យគ្រួសារមានសុភមង្គលរយឆ្នាំដែរ នេះបើយោងតាមក្បួនហុងស៊ុយ។ វត្ថុនេះនឹងជួយប្តីប្រពន្ធដោះស្រាយជម្លោះក្នុងជីវិតប្រចាំថ្ងៃ។ វាថែមទាំងជួយកាត់បន្ថយជម្លោះដ៏អាក្រក់បានយ៉ាងច្រើន រួចធ្វើឱ្យអារម្មណ៍របស់មនុស្សទាំងពីរកាន់តែរឹងមាំ កក់ក្តៅ និងផ្អែមល្ហែមដូចពេលដែលពួកគេស្រលាញ់គ្នាដំបូងៗថ្មីថ្មោង។
ជាងនេះកាន់តែបញ្ចៀសជនទី ៣ មិនឲ្យចូលមក ហ៊ានមកពីឆ្វេង នឹងត្រូវរសាត់បាត់ មកពីស្តាំត្រូវខ្ចាត់ខ្ចាយ ពោលកើតតែភាពក្សេមក្សាន្តជុំកូនជុំចៅ។
២. ដាក់ស៊ុតឆ្អិននៅក្រោមគ្រែ
ស៊ុតជាអាហារដែលមានគុណតម្លៃអាហារូបត្ថម្ភជាច្រើន ដែលល្អសម្រាប់សុខភាព។ យ៉ាងណានៅក្នុងក្បួនហុងស៊ុយ ស៊ុតមាន់ក៏មានអត្ថន័យរបស់វាផងដែរ។ តាមរឿងព្រេងនិទាន បើនរណាម្នាក់នៅក្នុងផ្ទះមានវិញ្ញាណអាក្រក់តាមលងបន្លាច ចូរអ្នកស្ងោរពងមាន់ រុំវាក្នុងកន្សែងស្តើង ហើយរមៀលវាពីលើខ្លួនដើម្បីការពារវិញ្ញាណអាក្រក់ ។
លើសពីនេះទៀត មូលហេតុមួយ ក្នុងចំណោមមូលហេតុនៃការផ្លាស់ប្តូរសរីរវិទ្យារបស់មនុស្ស ក្លាយទៅជាឆាប់ខឹង និងធុញថប់ គឺបណ្ដាលមកពីកង្វះការគេង។ សម្រាប់មនុស្ស ការគេងគឺចាំបាច់ណាស់។ ការគេងលក់ស្កប់ស្កល់ នឹងជួយកម្រិតយ៉ាងខ្លាំងនូវជម្លោះក្នុងគ្រួសារ និងបង្កើនភាពឆ្លាតវៃដើម្បីបំពេញការងារបានល្អ។
ប្រសិនបើអ្នកមានបញ្ហាក្នុងការគេង សូមព្យាយាមដាក់ស៊ុតឆ្អិននៅក្រោមគ្រែរបស់អ្នក។ វាអាចរួមចំណែកនាំអ្នក មកនូវរាត្រីដ៏ផ្អែមល្ហែម និងរីករាយ។
៣. ដាក់ស្បែកជើងប៉ាក់មួយគូនៅក្រោមគ្រែ
ក្មេងស្រីតែងប្រើស្បែកជើងប៉ាក់ផ្កាកាលពីសម័យដើម។ ពួកវាត្រូវបានបង្កើតឡើងពីបន្ទាត់ម្ជុលដែលស្រស់ស្អាតបំផុត។ ផ្កាមានពណ៌រស់រវើកដូចផ្កាពិត ដែលរួមចំណែកលើកសម្រស់ដ៏ស្រទន់របស់នារី។ មើលទៅ វាដូចជាផ្កាកំពុងរីកនៅក្រោមជើង។
យ៉ាងណា មនុស្សបុរាណមានជំនឿថា ការដាក់ស្បែកជើងប៉ាក់ក្រោមគ្រែ នឹងរំឭកប្តីឱ្យស្រឡាញ់ និងឱ្យតម្លៃប្រពន្ធឱ្យកាន់តែច្រើន ហើយមិនឱ្យគិតឃើញ ពីអំពើផិតក្បត់។ មិនត្រឹមតែប៉ុណ្ណឹងទេ វិធីនេះក៏ជួយកម្ដៅភ្លើងនៃសេចក្តីស្នេហាដល់គូស្នេហ៍ផងដែរ ធ្វើឱ្យទំនាក់ទំនងរវាងភាគីទាំងសងខាងមានភាពយូរអង្វែងដល់ចាស់កោងខ្នង។
#ចំណាំក្នុងហុងស៊ុយនៅក្រោមគ្រែ
តាមហុងស៊ុយ ក្រោមគ្រែជាទីតាំងងងឹត ងាយស្រូបថាមពលអាក្រក់ច្រើន ប៉ះពាល់ដល់ទ្រព្យសម្បត្តិ សុខភាព និងស្នេហារបស់គូស្នេហ៍។ ដូច្នេះបើអ្នកមិនចង់ក្រ មិនចង់ឱ្យអាពាហ៍ពិពាហ៍នឹងបែកបាក់ទេ គួរប្រញាប់ឈប់ដាក់របស់រញ៉េរញ៉ៃច្រើនពេកនៅក្រោមគ្រែ។ យកល្អគួរតែទុកវាឱ្យចំហឱ្យស្អាត ដើម្បីអញ្ជើញគ្រាប់ខ្សាច់នាំសំណាងឱ្យបានច្រើន ជួយឱ្យសំណាងចូលមកជំនួសវិញ៕
* អត្ថបទសម្រាប់តែឯកសារយោងប៉ុណ្ណោះ!
ព័ត៌មានថ្មីៗ
