បើដៃគូរបស់អ្នក មាន ៩ ចំណុចនេះ បញ្ជាក់ថា អ្នកជាមនុស្សដែលមានសំណាងក្នុងរឿងគូជីវិតហើយ
ប្រសិនបើអ្នកកំពុងតែស្ថិតក្នុងទំនាក់ទំនងជាមួយនរណាម្នាក់ ហើយទំនាក់ទំនងអ្នក ឬដៃគូរបស់អ្នក មាន ៩ ចំណុចដូចខាងក្រោមនេះ វាក៏បញ្ជាក់ឱ្យដឹងថា ស្នេហាមួយនេះ ច្បាស់ជាអាចចាស់ទៅជាមួយគ្នាបាន កាន់ដៃគ្នាដល់ជរារៀងខ្លួន ក៏ជាទំនាក់ទំនងមួយដែលពោរពេញដោយភាពកក់ក្ដៅផងដែរ។
១. ប្រាប់គ្នាទៅវិញទៅមក ៖ មិនថាជារឿងរ៉ាវផ្ទាល់ខ្លួន ឬចំពោះការខឹង អន់ចិត្តចំពោះគ្នា មិនមែនចាំតែខឹង គុំកួន អន់ចិត្ត គិតច្រើនតែម្នាក់ឯង ទាំងដែលម្ខាងទៀត មិនដឹងអ្វីសោះនោះឡើយ។
២. តែងតែចាំរំឭកដល់គ្នា ៖ ជាមនុស្សដែលចាំក្រើនរំឭក និងណែនាំដល់យើង ឃើញខុស ជួយកែប្រែ គ្រប់ពេលតែងតែចាំដាស់តឿន និងធ្វើជាការចងចាំដ៏ល្អដល់យើង មិនមែនចាំតែស្ដីបន្ទោស ឈ្លោះគ្នានោះឡើយ។
៣. និយាយស្ដីល្អដាក់គ្នា ៖ មនុស្សធំៗអស់ហើយ ទោះខឹងយ៉ាងណាក៏ដោយ កុំឱ្យកំហឹងរុញច្រានពាក្យសម្ដីឱ្យនិយាយនូវភាសាមិនល្អទៅកាន់ដៃគូ ត្រូវចេះនិយាយអ្វីដែលល្អៗ ពីរោះចំពោះគ្នា និយាយឱ្យដៃគូមានអារម្មណ៍ល្អ សប្បាយចិត្ត មិនមែនហាមាត់ឡើងនាំរឿងឈ្លោះគ្នានោះទេ។
៤. ថែរក្សាគ្នាទៅវិញទៅមក ៖ ត្រូវចាំថា តទៅថ្ងៃមុខ ទោះយើងមានកូនចៅច្រើនយ៉ាងណា ក៏គេមិនអាចនៅក្បែរ មើលថែយើងពេញ ២៤ ម៉ោងនោះឡើយ មានតែដៃគូជីវិតយើងនេះហើយ ដែលគេងក្នើយមួយជាមួយគ្នា ដឹងសុខទុក្ខ យប់ព្រលប់ មើលការខុសត្រូវ នៅថែរក្សាគ្នា ។
៥. ធ្វើល្អសម្រាប់គ្នាទៅវិញទៅមក ៖ នៅពេលអ្នកកាន់តែចាស់ អ្នកកាន់តែដឹងខ្លួន
ធ្វើអ្វីគ្រប់យ៉ាងយឺត ៗ មួយៗ ទាំងសម្រាប់ខ្លួនយើង និងសម្រាប់មនុស្សដែលយើងស្រលាញ់។ យើងត្រូវតែធ្វើវាសម្រាប់គ្នាទៅវិញទៅមក យើងគួរតែផ្តោតលើការធ្វើល្អក្នុងរឿងគ្រប់យ៉ាង ទាំងអស់អំពីការហូបចុក ការរស់នៅ និងសម្លៀកបំពាក់ រួមទាំងនៅពេលដែលឈឺថ្កាត់ផងដែរ។
៦. ចេះរក និងទុកដាក់ជាមួយគ្នា ៖ អាយុកាន់តែច្រើន ចំណូលកាន់តែតិច ដូច្នេះហើយ ពេលនៅក្មេងមានកម្លាំង រួមគ្នាខិតខំប្រឹងរក ទុកដាក់ សន្សំទុកពេលចាស់ទៅជាមួយគ្នា។
៧. កំណត់អារម្មណ៍ត្រឹមត្រូវ ៖ នៅក្នុងអារម្មណ៍ល្អ នៅក្នុងអារម្មណ៍រីករាយ
គឺជាអ្វីដែលយើងអនុវត្តជាប់លាប់នៅពេលកាន់តែចាស់ ព្រោះអារម្មណ៍ល្អធ្វើឱ្យអ្នកអាយុវែង ហើយធ្វើឱ្យអ្នកជុំវិញខ្លួនសប្បាយចិត្តផងដែរ។
៨. រស់នៅក្នុងជីវិតឱ្យបានពេញលេញ ៖ រស់នៅតាមអាយុរបស់អ្នក ព្រោះពួកយើងបានផ្សងព្រេងរួចហើយ ធ្លាប់ឡើងចុះ លំបាកស្រណុក សុទ្ធតែធ្លាប់ហែលឆ្លង ដូច្នេះហើយរឹងរូសដាក់គ្នា កុំធ្វើអ្វីដែលដៃគូមិនពេញចិត្ត ព្រោះតែខ្វល់តែអារម្មណ៍ខ្លួនឯងឱ្យសោះ។
៩. នៅជាមួយគ្នាបានល្អ ៖ យើងមិនដឹងថាយើងនឹងនៅជាមួយគ្នាបានយូរដល់ពេលណាទេ? តើអ្នកណានឹងទៅមុនគេ? ដូច្នេះពេលនៅមានពេលត្រូវនៅជាមួយគ្នាឱ្យបានល្អ ត្រូវតែរស់នៅជាមួយគ្នាដោយសុភមង្គល ថែរក្សាគ្នាទៅវិញទៅមក បង្កើត និងទទួលយកភាពរីករាយជាមួយគ្នាឱ្យបានច្រើន រហូតដល់វិនាទីចុងក្រោយនៃជីវិត៕
អត្ថបទ ៖ Knongsrok
ព័ត៌មានថ្មីៗ
