ហេតុផលទាំង ៥ ចំណុច ដែលធ្វើឱ្យមនុស្សស្រីហ៊ានក្បត់ដៃគូ ដោយគ្មានភាពអៀនខ្មាស
អំពើផិតក្បត់ជាបញ្ហាធំ វាធ្វើឱ្យអត្រាការលែងលះកើនឡើងយ៉ាងខ្លាំង។ នៅក្នុងនោះ ស្ត្រីជាច្រើនមានការផិតក្បត់ ដោយសារហេតុផលទាំង ៥ ចំណុចខាងក្រោមនេះហើយ។
១. ចង់សងសឹកប្តី
ស្ត្រីជាច្រើន ប្រែជាផិតក្បត់ មិនមែនដោយសារការបណ្ដោយខ្លួន ឬដោយសារតម្រូវការរាងកាយខ្ពស់របស់ពួកគេនោះទេ ប៉ុន្តែដោយសារតែរបួសផ្លូវចិត្ត ដែលស្វាមីផ្ដល់ឱ្យនាង។ ពេលខ្លះស្ត្រីត្រូវដៃគូក្បត់ចិត្ត ព្រោះប្តីប្រព្រឹត្តខុសមុនគេ ហើយជ្រើសរើសការផិតក្បត់ជាមធ្យោបាយសងសឹកតបវិញ។ ក្នុងករណីនេះ ស្ត្រីទាំងនោះមិនបានលាក់បាំងអ្វីដែលខ្លួនកំពុងធ្វើ ដើម្បីសងសឹកចំពោះកំហុសដែលប្តីបានធ្វើ។
២. ព្រោះតែការព្រងើយកន្តើយរបស់ដៃគូ
បញ្ហាមួយក្នុងចំណោមបញ្ហាដែលនាំទៅដល់ការផិតក្បត់ និងការលែងលះ គឺការព្រងើយកន្តើយរបស់ស្វាមីក្នុងទំនាក់ទំនង។ ខណៈស្ត្រីម្នាក់យកចិត្តទុកដាក់ចំពោះផ្ទះ និងគ្រួសាររបស់នាងអស់ពីចិត្ត នាងគ្រាន់តែចង់ទទួលបានក្តីស្រឡាញ់បន្តិចបន្តួចពីស្វាមីរបស់នាងតែប៉ុណ្ណោះ។
ស្វាមីជាច្រើនរស់នៅដោយព្រងើយកន្តើយ និងគ្មានការទទួលខុសត្រូវ ធ្វើឱ្យអារម្មណ៍របស់ស្ត្រីរសាត់បន្តិចម្តងៗ ហើយនៅពេលនេះ ឱ្យតែបុរសផ្សេងយកចិត្តទុកដាក់ ចែករំលែកការលើកទឹកចិត្ត ស្ត្រីងាយនឹងបាក់ចិត្តស្រឡាញ់គេវិញណាស់។
មនុស្សស្រីមួយចំនួន តែងតែស្ដាយពេលវេលាដែលរញ៉េរញ៉ៃ និងពេលស្រលាញ់គ្នាដំបូង ណាត់ជួបគ្នាដំបូង តែពេលនេះលែងមានទៀតហើយ។ ពួកគេចាប់ផ្តើមចង់ស្វែងរកទំនាក់ទំនងថ្មី ដើម្បីស្វែងរកអារម្មណ៍នេះម្តងទៀត។ ពួកគេឃើញថាដៃគូរបស់ពួកគេធុញទ្រាន់ ហើយចង់ស្វែងរកកម្រិតអារម្មណ៍ខ្ពស់ជាមួយនរណាម្នាក់។
៣. ចិត្តមិនស្កប់ស្កល់
ស្ត្រីមួយចំនួនក៏មានតម្រូវការផ្លូវភេទដូចបុរសដែរ។ ពួកគេក៏ចង់រីករាយជាមួយនឹងអារម្មណ៍ដែលពួកគេចង់បាន។ តាមពិតទៅ ស្ត្រីខ្លះមានតម្រូវការច្រើនជាងដៃគូរបស់ខ្លួន។ នៅពេលដែលបំណងប្រាថ្នាមិនពេញចិត្ត វានឹងជម្រុញឱ្យពួកគេស្វែងរកទំនាក់ទំនងខាងក្រៅ ដើម្បីបំពេញតម្រូវការដែលខ្វះខាតនោះ។
៤. ដោយសារតែមហិច្ឆតាចង់ឈានទៅមុខនៅកន្លែងធ្វើការ
ស្ត្រីខ្លះភ័យខ្លាចក្នុងការចែករំលែក ឬមិនរំពឹងថាប្តីរបស់ពួកគេនឹងបំពេញតម្រូវការទាំងអស់របស់ពួកគេ។ ជាពិសេសមនុស្សស្រីដែលអាត្មានិយម ពេលគេមានអារម្មណ៍ថាដៃគូខ្លួនមិនបានតាមបំណង គេនឹងសម្លឹងរកបុរសដទៃ។ ស្ត្រីដែលមានមហិច្ឆតា និងមានមោទកភាព តែងតែមានតម្រូវការខាងសម្ភារៈខ្ពស់ ពួកគេងាយជាប់ពាក់ព័ន្ធក្នុងទំនាក់ទំនងក្រៅអាពាហ៍ពិពាហ៍ ដើម្បីបំពេញមហិច្ឆតាខាងសម្ភារៈ ក៏ដូចជាងាយស្រួលឈានទៅមុខក្នុងការងារ។
៥. ខ្វះការចែករំលែកជាមួយប្តី
ស្ត្រីភាគច្រើនតែងតែជ្រើសរើសមិត្តនារី ដើម្បីចែករំលែកអារម្មណ៍របស់ពួកគេនៅក្នុងជីវិត និងទំនាក់ទំនងទាំងអស់នៅក្នុងសង្គម។ ស្ត្រីខ្លះធ្លាប់មានការចងចាំអវិជ្ជមានចំពោះមិត្តភ័ក្តិស្រីៗ ហើយជារឿយៗមើលស្រាលការចែករំលែកភេទដូចគ្នា ។ ដូច្នោះហើយ ពួកគេជ្រើសរើសបុរសធ្វើជាមិត្ត និងចែករំលែកអារម្មណ៍។ «ភ្លើងក្បែរចម្បើងយូរៗទៅគង់តែឆេះឆាប» ដែលជាហេតុផលងាយមួយ ដែលធ្វើឱ្យមនុស្សស្រីមានទំនាក់ទំនងស្នេហាផិតក្បត់។
ពេលខ្លះមនុស្សស្រីមានអារម្មណ៍ថា ដូចជាមេដោះនៅក្នុងផ្ទះ ជាអ្នករក្សាកូន និងចាយលុយ មិនមែនជាប្រពន្ធរបស់បុរសដែលខ្លួនស្រលាញ់នោះទេ។ នៅពេលនោះ ពួកគេតែងតែស្វែងរកទំនាក់ទំនងក្រៅអាពាហ៍ពិពាហ៍ ដើម្បីបំពេញចន្លោះប្រហោងក្នុងចិត្តរបស់ពួកគេ៕
ប្រភព ៖ Phunutoday / Knongsrok
ព័ត៌មានថ្មីៗ
