មានតែ ១ ក្នុងចំណោម ៧ នេះ ចាប់ពីអាយុ ៤០ឆ្នាំឡើងទៅ សោយសុខគំនទ្រព្យហើយ
តាមនរវិទ្យា ស្ត្រីដែលមានផ្ទៃមុខដូចខាងក្រោមនេះ នឹងមានជីវភាពធូរធារ សម្បូរសប្បាយ លុយចាយមិនចេះខ្វះ ចាប់ពីអាយុ ៤០ឆ្នាំឡើងទៅ។
១. ចង្កាព្រែក
ម្ចាស់ ចង្កាព្រែក ជាមនុស្សដែលមានមនោសញ្ចេតនាខ្លាំង។ សម្រាប់ពួកគេ ជីវិតគ្រួសារតែងតែជាអាទិភាពទីមួយ អ្វីគ្រប់យ៉ាងដែលពួកគេធ្វើ គឺយកផលប្រយោជន៍គ្រួសារជាអាទិភាព។
ទម្រង់មុខរបស់ស្ត្រីអ្នកមាន ច្រើនតែមានលក្ខណៈលេចធ្លោនៃចង្កាព្រែកនេះឯង។ ចង្កាប្រៀបដូចជាឃ្លាំងទ្រព្យសម្បត្តិរបស់មនុស្សស្រី កាន់តែក្រាស់ ប្រាក់កាសកាន់តែច្រើន។
ស្ត្រីដែលមានចង្កាព្រែកក៏ត្រូវបានគេស្គាល់ថា ជាស្ត្រីខ្លាំង ដែលអាចជួយជ្រោមជ្រែងស្វាមីផងដែរ។ វាមិនត្រឹមតែនាំសំណាងដល់ខ្លួននាងប៉ុណ្ណោះទេ ថែមទាំងជួយដល់អាជីពរបស់ស្វាមីទៀតផង។ ស្ត្រីដែលមានរូបរាងបែបនេះតែងមានលាភសំណាងច្រើនទៅថ្ងៃមុខក៏មានសំណាងច្រើនដែរ។
២. មុខមូល មាត់ពេញ បបូរមាត់ក្រហម
មនុស្សដែលមានមុខរាងមូល ត្រូវបានគេនិយាយថា ជានារីដែលមានចិត្តល្អ តែងតែចេះគោរពគ្នាទៅវិញទៅមក កម្រឈ្លោះប្រកែក ឬបង្កជម្លោះក្នុងគ្រួសារ។
លើសពីនេះ ស្ត្រីដែលមានមាត់ពេញ មានភាពវៃឆ្លាត ចិត្តល្អ និងប៉ិនប្រសប់ជាងអ្នកដទៃ ដែលនឹងក្លាយជាជំនួយដ៏ល្អសម្រាប់ស្វាមីក្នុងការអភិវឌ្ឍន៍អាជីពនាពេលអនាគត។ បបូរមាត់ក្រហមបង្ហាញពីសុខភាពល្អ ហើយនឹងមានសំណាងច្រើនក្នុងរឿងស្នេហា និងជីវិតអាពាហ៍ពិពាហ៍។
ស្ត្រីដែលមានលក្ខណៈសម្បត្តិនេះ ច្រើនតែមានសំណាងល្អ ទោះបីមានគ្រោះក៏អាចចៀសផុត ហើយក៏ងាចកែប្រែរឿងអាក្រក់ ឱ្យទៅជាឱកាសបង្ហាញសមត្ថភាពរបស់ខ្លួនផងដែរ។ គេក៏មានអភិជនច្រើនជួយឧបត្ថម្ភ ពេលជួបការលំបាក មាននរណាមកជួយ ងាយនឹងទទួលបានជោគជ័យ។
៣. ច្រមុះធំ
តាមនរវិទ្យា មនុស្សដែលមានច្រមុះធំ ច្រើនតែមានការគ្រប់គ្រងខ្លួនឯងខ្ពស់ និងមានឆន្ទៈក្នុងការប្រឹងប្រែងក្នុងអាជីព។ មនុស្សទាំងនេះមានទំនាក់ទំនងល្អទុកជាមុន ហើយទ្រព្យសម្បត្តិរបស់ពួកគេក៏ល្អឥតខ្ចោះផងដែរ។
ពិសេសជាងនេះទៅទៀត ពួកគេមានសមត្ថភាពខ្លាំងក្នុងការគ្រប់គ្រងលុយ និងការវិនិយោគហិរញ្ញវត្ថុ។ ជាធម្មតា ពួកគេជាមនុស្សមានសុភមង្គលខ្លាំងក្នុងស្នេហា ពឹងលើប្តី រស់នៅជាអ្នកមាន និងពេញលក្ខណៈ ហើយក្លាយជាអ្នកមាននៅពេលក្រោយ។
៤. ក និងមុខ សមស្របនឹងគ្នា
កគឺជាផ្នែកមួយសម្រាប់ទ្រទ្រង់ក្បាល ដោយភ្ជាប់ទៅនឹងឆ្អឹងខ្នង និងដើរតួជាសសរស្តម្ភនៃរាងកាយរបស់មនុស្ស។ ក គឺជាលក្ខណៈវិនិច្ឆ័យសម្រាប់វាយតម្លៃភាពស្រស់ស្អាតនៃរាងកាយ ហើយក៏ជាកញ្ចក់នៃសុខភាពមនុស្សផងដែរ។ យោងតាមជំនឿចាស់ៗ បានឱ្យដឹងថា កសមនឹងមុខ និងក្បាលជាមនុស្សខ្ពង់ខ្ពស់ មានលាភសំណាងក្នុងជីវិត ។
តាមទស្សនៈរបស់ជនជាតិអាស៊ី កញ្ចឹងកត្រូវបានចាត់ទុកថាជាមេរបស់មនុស្ស ដូច្នេះជាទូទៅ កដែលមានរាងមូល និងរឹងមាំ គឺជាសម្បត្តិដ៏ល្អ និងពោរពេញដោយទ្រព្យសម្បត្តិ។
៥. ប្រជ្រុយទូទៅនៅជុំវិញភ្នែក
ប្រសិនបើមានប្រជ្រុយជុំវិញភ្នែក នរវិទ្យាហៅហៅថា ប្រជ្រុយផ្កាប៉េះ នាំមកនូវទំនាក់ទំនងល្អ ស្នេហា និងអាពាហ៍ពិពាហ៍។
ទោះជាយ៉ាងណាក៏ដោយ ស្ត្រីទាំងនេះ គឺជាប្រភេទដែលមិនចង់រៀបការឆាប់ពេក ប៉ុន្តែនឹងផ្តោតលើការអភិវឌ្ឍន៍ផ្ទាល់ខ្លួនក្នុងអាជីព ស្វែងរកចំណូលចិត្ត និងប្តេជ្ញាកសាងមូលដ្ឋានគ្រឹះសម្ភារៈរឹងមាំមុនពេលរៀបការ។ ដូច្នេះទៅថ្ងៃអនាគត ស្ត្រីទាំងនេះនឹងទទួលបានលាភសំណាង និងជោគជ័យជាហូរហែ។
៦. បបូរមាត់រាងបេះដូង
អ្នកជំនាញខាងផ្នែកនរវិទ្យាអះអាងថា អ្នកណាដែលមានបបូរមាត់រាងបេះដូង គួរតែមានអារម្មណ៍រីករាយ និងមានសំណាង ព្រោះវាជានិមិត្តរូបនៃភាពទាក់ទាញ និងភាពសិចស៊ី។
ក្មេងស្រីទាំងនេះតែងតែត្រូវបានមនុស្សគ្រប់គ្នាស្រឡាញ់តាំងពីកុមារភាព ហើយនៅពេលដែលពួកគេធំឡើង មនុស្សជាច្រើននឹងដេញតាមពួកគេ។ ពួកគេមានគំនិតរហ័សរហួន ភាពប៉ិនប្រសប់ ជីវិតពោរពេញដោយសំណាង និងជោគជ័យក្នុងការងារ។
បើបន្ទាត់បបូរមាត់ច្បាស់ បបូរមាត់តែងតែក្រាស់ មិនប្រេះ ស្នាមញញឹមទន់ភ្លន់ ហើយអញ្ចាញធ្មេញមិនលាត នោះបុគ្គលនេះប្រាកដជាមានសុភមង្គលជាក់ជាមិនខាន។ ក្រោយពីមានភាពស្ងប់ស្ងាត់ គ្រួសារនឹងមិនមានការព្រួយបារម្ភរឿងលុយកាក់ កាន់តែរុងរឿង ចម្រុងចម្រើន។
៧. ថ្ពាល់ខ្ពស់ល្មម
ប្រសិនបើថ្ងាស និងចង្កាមានរូបរាងស្អាត នោះចាំបាច់ត្រូវសម្របសម្រួលជាមួយនឹងថ្ពាល់ដែរ។ បុរសគ្រប់រូបតែងតែត្រូវការប្រពន្ធល្អ ហើយថ្ពាល់របស់ស្ត្រីគឺជាការលើកទឹកចិត្តរបស់ស្វាមី។ ដូច្នេះឆ្អឹងថ្ពាល់របស់ស្ត្រីមិនត្រូវបានអនុញ្ញាតឱ្យខ្ពស់ពេកទេ។
ស្ត្រីដែលមានថ្ពាល់ខ្ពស់ល្មម នឹងក្លាយជាស្ត្រីមេផ្ទះដែលមានទំនួលខុសត្រូវ ដែលជាផ្នែកខាងក្រោយដ៏រឹងមាំសម្រាប់ស្វាមីរបស់ពួកគេ បន្ទាប់ពីម៉ោងធ្វើការនឿយហត់។ ជីវិតក៏សម្បូរសប្បាយដោយមិនចាំបាច់ខ្វល់ខ្វាយរឿងហិរញ្ញវត្ថុ ជាពិសេស បន្ទាប់ពីអាយុ ៤០ឆ្នាំទៅ ស្ត្រីទាំងនេះ រឹតតែរុងរឿង ដុះដាល សល់ទ្រព្យកាន់តែច្រើន៕
ប្រភព ៖ Phunutoday / knongsrok
ព័ត៌មានថ្មីៗ
