មើលប្រអប់ជើងតិចមើល! មានប្រជ្រុយ ១ ក្នុងចំណោម ៣ ទីតាំងនេះ គ្រប់គ្រាន់ហើយសម្រាប់ជីវិត
តាមក្បួនចាស់ពីបុរាណ សម្រាប់អ្នកដែលមានប្រជ្រុយនៅទីតាំង ១ ក្នុងចំណោមទីតាំងទាំង ៣ ខាងក្រោម លើផ្នែកប្រអប់ជើង នោះពេញមួយជីវិតអ្នករាប់ថាសំណាងណាស់ហើយ ដោយនឹងមានផ្លូវជោគជ័យច្រើន៖
ប្រជ្រុយនៅបាតជើង
ប្រសិនអ្នកមានប្រជ្រុយនៅត្រង់ផ្នែកបាតជើង នោះតាមក្បួនគឺអាចនាំមកនូវលាភសំណាងជាច្រើនដល់ម្ចាស់ ហើយវាជាប្រជ្រុយបង្កើនទ្រព្យយ៉ាងសម្បូរបែប មានលុយហូរគ្រប់ច្រកល្ហក។ នៅកិច្ចការងារអ្វី មនុស្សមានប្រជ្រុយត្រង់ទីតាំងនេះ ងាយស្រួលក្នុងការសម្រេចឲ្យជោគជ័យឆាប់រហ័សណាស់។
ប្រជ្រុយនៅលើម្រាមជើងកណ្តាល
បើអ្នកមានប្រជ្រុយដុះលើទីតាំងម្រាមជើងកណ្តាល រាប់បានថា អ្នកជាមនុស្សសំណាងបំផុតមួយហើយ ព្រោះកម្រមានខ្លាំងណាស់សម្រាប់មនុស្សប្រភេទនេះ។
ជាពិសេសសម្រាប់បុរសក្តី ស្រ្តីក្តី អាយុ ៣០ ឆ្នាំឡើងទៅ ពួកគេនឹងឆាប់ទទួលបានជោគជ័យ អាចរកលុយបានជាច្រើនដោយខ្លួនឯង។ លើសពីនេះពួកគេរមែងមានការគោរពស្រលាញ់ពីមនុស្សគ្រប់ទិសទី ទៅដល់ណាក៏មិនខ្វះញាតិរាប់នោះដែរ។ ក្នុងទំនាក់ទំនងស្នេហា ក៏រមែងអាចរកបានដៃគូជីវិតល្អ អាចធ្វើឲ្យមនុស្សជាច្រើនច្រណែន។
ប្រជ្រុយនៅលើមេជើង
មេជើងធំ វាត្រូវបានគេចាត់ទុកជាសសរនៃផ្នែកជើង ហើយមនុស្សដែលមានប្រជ្រុយលើទីតាំងនេះ ច្រើនតែជាមនុស្សដែលមានភាពជាអ្នកដឹកនាំពីកំណើត មានសមត្ថភាពលេចធ្លោជាងមនុស្សទូទៅទាំងអស់។
លើសពីនេះពួកគេក៏រមែងទទួលបានការជឿជាក់ និងឲ្យតម្លៃខ្ពស់ពីអ្នកមានឋានៈខ្ពស់ជាងខ្លួន។ ជាទូទៅមនុស្សនេះឈ្លាសវៃណាស់ក្នុងការប្រកបរបររកស៊ី ឬកិច្ចការងារណាមួយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
