ហោរាសាស្ត្រ ៣១-១ សីហា៖ អ្នកកើតឆ្នាំ ៣ ដល់ពេលទេវតាទ្រព្យចុះមកប្រោសទៀតហើយ
នៅកំឡុងចុងសប្តាហ៍ នៃថ្ងៃទី ៣១ កក្កដា ចូលថ្ងៃទី ១ សីហាខែថ្មីនេះ បើតាមក្បួនហោរាសាស្រ្ត គឺអ្នកកើតឆ្នាំទាំង ៣ ខាងក្រោម អាចទទួលបានលាភសំណាងធំ ហើយរាសីក៏ឡើងខ្ពស់ត្រដែត ធ្វើឲ្យជីវិតពោរពេញដោយក្តីសុខ៖
អ្នកកើតឆ្នាំជូត (កណ្ដុរ)
អ្នកដែលកើតឆ្នាំជូត ភាគច្រើនតែងតែជាមនុស្សស្លូតបូត មានចិត្តល្អ ហើយបើទោះបីជាមិនសូវមានទេពកោសល្យអំណោយទានពីធម្មជាតិ ក៏ពួកគេរមែងជួបសំណាងច្រើនណាស់ដែរ។ ជាពិសេសនៅចុងសប្តាហ៍នេះ ពេលវេលារបស់ពួកគេក៏ឈានចូលមកដល់ហើយ។
និយាយទៅសម្រាប់អ្នកកើតឆ្នាំជូត ចាប់ពីថ្ងៃចុងក្រោយនៃខែកក្កដា តទៅចូលខែសីហា គឺពួកគេប្រៀបដូចបានទេពតាទ្រព្យប្រោសឲ្យជោគជ័យ ដោយមានផ្លែផ្កាផ្នែកទ្រព្យដុះមកគួរឲ្យកត់សម្គាល់ ហើយការវិនិយោគទាំងឡាយនានា ក៏ទទួលបានផលចំណេញតាមការចង់បាន។
មួយផ្សេងទៀតមិនត្រឹមតែសំណាងផ្នែកទ្រព្យម្យ៉ាងឡើយ ទៅមើលចំណងស្នេហា សម្រាប់អ្នកមានគូហើយនោះ ក៏មានសុភមង្គល រុងរឿង និងវិបុលភាពខ្លាំងផងដែរនៅពេលខាងមុខ។
អ្នកកើតឆ្នាំច (ឆ្កែ)
អ្នកកើតឆ្នាំច ពីក្មេងទៅច្រើនតែលំបាក តែពេលចាស់ទៅរមែងមានជីវិតរស់នៅស្រួល ហើយអាចជោគជ័យក្នុងអាជីពស្រករពាក់កណ្តាលអាយុឡើងទៅ។
យ៉ាងណាតាមហោរាសាស្រ្តនៅចុងសប្តាហ៍ខាងមុខនេះ អ្នកកើតឆ្នាំច នឹងទទួលបានជោគជ័យធំក្នុងជីវិត ដោយពួកគេក៏អាចនឹងមានលទ្ធភាពដល់ពេលត្រូវទិញឡានថ្មី ផ្ទះថ្មីផងដែរ គ្រាន់តែអ្នកខ្លះចង់សន្សំទុកសិន មិនទាន់ចង់ចំណាយពេលនេះ។ ជាពិសេសសម្រាប់មនុស្សកើតឆ្នាំច ដែលមានអាយុ ៣៥ ឆ្នាំឡើងទៅ គឺនឹងរីកចម្រើនខ្លាំង ហើយរកឃើញផ្លូវជីវិតវិជ្ជមានថ្មីនៅទំព័រខែសីហា។
អ្នកកើតឆ្នាំរកា (មាន់)
មនុស្សដែលកើតឆ្នាំរកា ច្រើនតែជាមនុស្សមានមនោសញ្ចេតនា ប្រើប្រាស់អារម្មណ៍និងបេះដូងខ្ពស់ជាងការប្រើប្រាស់ការគិត ហេតុហ្នឹងហើយទើបគេងាយនឹងចុះសម្រុងជាមួយមនុស្សរាល់គ្នានៅជុំវិញខ្លួន។ យ៉ាងណាវាសនាពួកគេចារឲ្យជួបមនុស្សល្អច្រើន ដែលរមែងតាមជួយជ្រោមជ្រែង ហើយដ្បិតជួបការលំបាកឬធ្លាក់ក្នុងស្ថានភាពយ៉ាប់យ៉ឺនណាមួយ ក៏គេនៅតែងើបមកវិញរួចដែរ។
យ៉ាងណាមកដល់ពេលខាងមុខនេះ សម្រាប់អ្នកកើតឆ្នាំរកា នឹងប្រមូលទ្រព្យមកផ្តុំនៅនឹងខ្លួន ដោយពួកគេអាចទទួលបានការឡើងតំណែង ឡើងតួនាទីនៅស្ថាប័នការងារ ហើយបើក្នុងអាជីពរកស៊ី ដ្បិតបើរាងធ្លាក់ចុះបន្តិច តែចំណូលនៅតែស្ថិតក្នុងកម្រិតល្អប្រសើរមួយ បើធៀបនឹងអ្នកកើតឆ្នាំផ្សេងឯទៀត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
