អាយុខ្លីដោយមិនដឹងខ្លួន! កំឡុងពេលគេង បើឧស្សាហ៍ជួបរឿង ៤ នេះ ត្រូវប្រញាប់ទៅរកពេទ្យជាបន្ទាន់
ជំងឺដាច់សរសៃឈាមខួរក្បាលមានទំនោរកើតឡើងទៅលើមនុស្សដែលមានអាយុចាប់ពី ៤០ ឆ្នាំឡើងទៅ ហើយក៏មានរោគសញ្ញាព្រមានមួយចំនួនដែលអ្នកអាចដឹងមុន ដើម្បីរកវិធីទប់ស្កាត់និងព្យាបាល។ ខាងក្រោម Knongsrok ណែនាំឲ្យអ្នកកត់សម្គាល់មើលនូវ ៤ ចំណុច ដើម្បីយកទៅពិគ្រោះជាមួយគ្រូពេទ្យ៖
៤) គេងហៀរទឹកមាត់
បើយូរៗម្តងមិនអីទេ តែបើក្លាយជាទម្លាប់ ពេលអ្នកគេងចំហៀងឬគេងធម្មតានោះ វាគឺជារោគសញ្ញាព្រមាននៃការកើតជំងឺដាច់សរសៃឈាមខួរក្បាលច្បាស់ណាស់។ ស្ថានភាពនេះកើតឡើងដោយសារតែការប៉ះទង្គិចផ្នែកប្រព័ន្ធប្រសាទក្នុងខួរក្បាល ដែលបណ្តាលឲ្យអ្នករមែងហៀរទឹកមាត់ចេញមក។
៣) ហូរឈាមច្រមុះនៅពេលគេង
នៅពេលមានអាកាសធាតុក្តៅស្ងួតអ្នកអាចហូរឈាមច្រមុះ តែបើត្រឹមតែការគេងក្នុងបន្ទប់ធម្មតា គ្មានសីតុណ្ហភាពក្តៅអីផងនោះ ហើយអ្នកនៅតែមានអាការៈហូរឈាមចេញពីច្រមុះ នោះជារឿងដែលត្រូវតែបារម្ភ។
ការហូរឈាមពីច្រមុះ បណ្ដាលមកពីសម្ពាធឈាមឡើងចុះខ្លាំងពេកដែលបណ្តាលឲ្យដាច់រហែកសរសៃឈាមតូចៗនៃច្រមុះ។
២) ឈឺក្បាលខ្លាំងនៅពេលគេង
ការឈឺផ្នែកក្បាល ដូចត្រូវគេវាយយ៉ាងដំណំ ឬមានអ្វីមួយធ្ងន់ក្នុងក្បាល កំឡុងពេលអ្នកគេង គឺពិបាកនឹងធ្វើឲ្យអ្នកគេងលក់ណាស់។ ពេលខ្លះទៅអាចធ្វើឲ្យអ្នកសុខៗក៏កន្រ្តាក់ប្រកាច់ ហើយសន្លប់ក៏មាន។
រោគសញ្ញាទាំងនេះក៏ត្រូវតែប្រញាប់ទៅរកពេទ្យដើម្បីពិគ្រោះដែរ ហើយមិនត្រូវអូសបន្លាយយូរនោះទេ។
១) ស្ពឹកអវយវៈនៅពេលគេង
អវយវៈរាងកាយមួយចំនួនបានស្ពឹកស្រពន់រើលែងរួច ដូចជាស្ពឹកមុខ អណ្តាត ដៃ និងជើង។ ត្រង់ចំណុចនេះគឺជាសញ្ញាត្រូវប្រយ័ត្នប្រយែងខ្ពស់ហើយ ព្រោះវាជាការព្រមានធ្ងន់ធ្ងរនៃជំងឺដាច់សរសៃឈាមខួរក្បាល៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
