កម្ពុជាអាចនឹងលេងវគ្គជម្រុះ World Cup 2022 ក្នុងទឹកដីកណ្ដាល បើ AFC សម្រេចបែបនេះមែន
តាមប្រភពផ្លូវការមួយក្នុងសហព័ន្ធកីឡាបាល់ទាត់អាស៊ី (AFC) នឹងធ្វើការជួបប្រជុំមួយដែលនឹងធ្វើនៅថ្ងៃអង្គារ៍ស្អែកនេះ បង្ហាញអំពីការសម្រេចចិត្តមួយចំនួនហើយក្រុមជម្រើសជាតិកម្ពុជានឹងអាចប្ដូរទៅលេងនៅទឹកកណ្ដាលប្រសិនបើ AFC ប្រកាសជាផ្លូវការនូវការផ្លាស់ប្ដូរមួយចំនួន។
ប្រភពដដែលបញ្ជាក់ថា AFC នឹងធ្វើការប្រជុំមួយដោយលើកយករបៀបវរៈមួយចំនួនមកនិយាយ ដែលមានដូចជាការពន្យារពេលប្រកួតវគ្គជម្រុះ FIFA World Cup 2022 & AFC Asian Cup 2023 ដែលលេងក្នុងខែមីនាខាងមុខនេះលើកទៅលេងនៅខែមិថុនាវិញជាដើម។
ខាងក្រោមអាចជាចំណុចមួយចំនួនដែលលើកមកនិយាយនៅថ្ងៃស្អែក៖
-ការប្រកួតទាំងអស់ក្នុងមីនា នឹងលើកទៅខែមិថុនាហើយលេងនៅក្នុងទឹកដីកណ្ដាល។
-ការប្រកួតវគ្គជម្រុះជុំគ្នាមួយសម្រាប់ពានរង្វាន់ 2022 World Cup and the 2023 AFC Asian Cup នឹងលេងចាប់ពីថ្ងៃទី៣១ខែឧសភាដល់ថ្ងៃទី១៥ខែមិថុនាឆ្នាំ២០២១។
តាមកាលវិភាគចាស់ ក្រុមជម្រើសជាតិកម្ពុជានៅសល់ការប្រកួត៣ទៀតដែលត្រូវធ្វើដំណើរទៅជួបម្ចាស់ផ្ទះបារ៉ែន ហើយត្រឡប់មកកាន់ពហុកីឡដ្ឋានជាតិវិញត្រៀមទទួលជម្រើសជាតិអ៊ីរ៉ង់។ រួចហើយ!ប្រកួតចុងក្រោយនឹងត្រូវធ្វើដំណើទៅកាន់ប្រទេសអ៊ីរ៉ាក់។ តែយ៉ាងណា! យើងមិនទាន់ដឹងថា តើប្រទេសណានឹងធ្វើជាម្ចាស់ផ្ទះសម្រាប់ទឹកដីកណ្ដាលនោះទេ៕
ព័ត៌មានថ្មីៗ
